رد: عربيتى الفيتارا اتسرقت
 

ربنا يكرم وتلاقيها ان شاء الله
بس انا لو منك يا ريت تشيل الصورة اللي فيها بنتك
عشان احنا في زمن الناس فيه عجيبه
ومش عايز اقعد واتخيل تمثيليات وافلام اجرام بس متأمنش ممكن لو عرفت تجيب العربية ويحصل أذي ليهم متعرفش ممكن يتصرفو ازاي
انا مش عايز اقلقك ولا حاجة اطلاقا
بس شيلها وخلاص
انا فاكر لما تسجيل عربيتنا اتسرق كان تسجيل غالي
فشافو راجل حاجة زي كبير الحرمية في المنطقة وجابو بس ابويا خفاني ومرضاش اروح معاه رغم ان عمامي كانو معاه كتير
ربنا يعين وتلاقيها ان شاء الله

رد: عربيتى الفيتارا اتسرقت
 

ربنا يرجعهالك
المهم منك انك تسعي و كل يوم تروح تسأل عليها و ادعي ربنا و حترجعلك ان شاء الله

رد: عربيتى الفيتارا اتسرقت
 

على فكرة خير اوى ان الرخصة معاك ...

وغالبا هتلاقيها مركونه فى شارع ضيق او مظلم

لان الحراميه من النوع ده بيكون هدفه انه يسرق من العربية شويه حجات وخلاص .. وهيخاف يمشى بيها من غير رخصتها ..

دور انت بس عليها وحاول تستلف عربية من حد ولف البلد كلها ممكن تلاقيها مركونه هنا ولا هنا ..

وان شاء الله السرقة مش هتزيد عن كاسيت ولا شويه كماليات ... ويمكن حرامى خدها يلف بيها وسابها كل شئ جايز ...

بس اسعى انت وراها وان شاء الله خير ...

والله لو كنت فى بورسعيد لكنت ادورك عليها بنفسى ...

وعلى العموم قدر الله وما شاء فعل واذا احب الله عبدا ابتلاه ...

رد: عربيتى الفيتارا اتسرقت
 

طايب هيا كانت مركونة جانب بيتك؟؟
عشان لو كنت راكنها جنبك تِوَصِي البوابين و اي حد تعرفو جنبك

رد: عربيتى الفيتارا اتسرقت
 

شكرا ليكم جميعا ..والله انتو ريحتوا قلبى باهتمامكم وبالنسبه للصوره قلقتنى فعلا الحكاية دى وحاحاول ان شاء الله العربيه راحت من تحت البيت والحرامى الفاجر سرقها 8 صباحا والساعه سبعه ونصف كنت باصص عليها ولبست ونزلت الساعه 8 مالقيتهاش والله العظيم..انما كل مااتخيل شوارع وحوارى القاهرة بيجيلى احباط من كتر الحوارى.ولعلمك ياحسام انا شاريها من جنب بورسعيد من شهر بالتمام والكمال..لكن من شخص موثوق فيه ابن خالى وادينى بادعى وربى يفرجها.

رد: عربيتى الفيتارا اتسرقت
 

يا رب
يا رب

رد: عربيتى الفيتارا اتسرقت
 

لا حول ولاقوة الا بالله العلى العظيم,,يارب تلاقيها وادعى ربنا دعاء رد الضالة وربنا يعوضك خير منها وحسبنا الله ونعم الوكيل وربنا ينتقم من اللى سرقها هو وكل اللى زيه