رد: مطلوب معلومات عن دايو نوبيرا موديل 1999 اوتوماتيك
 

اولا الف مبروك ربنا يديك خيرها ويكفيك شرها انشاءالله
1.زرار ال HOLD زرار خاص بتثبيت السرعة عند 80كم /ساعه
2.زرار الPOWER يستخدم عندما تريد استخراج اعلى عزم منالجيربوكس والماوتور
3.بخصوص الزيوت والمحافظه على السيارة عموما يفضل ان يتم تغير كل الزيوت والسيور والبلى وماء الرداتير ثم اخذ رقم العداد وتسجيلة اما فى مفكرة او انشاء صفحة EXCELعلى الكمبيوتر
4.الكشف على العفشة وتغير التالف منها
5.تغير البوجيهات = كل الفلاتر{هواء /زيت موتور /زيت الجيربوكس /التكيف }
6.يتم تغير زيت الموتور كل 5الاف كم مع استخدام زيت شل هاى لكس 5الاف
7.يتم تغير زيت الجير بوكس كل 15الف كم =الفلتر الخاص به كل مرة وهذا من اجل اطالة عمر الجير بوكس
8.لاتتحرك بالسيارة قبل وصول مؤشر الحرارة للO.K = نقطة ثبات المؤشر فى السيارة
9.يتم تغير الماء الاخضر الخاص بالرداتير كل 20الف كم
10.يفضل تشغيل ةايقاف الموتور على الP
11.الNيستخدم فى الاشارات الموروريه الطويلة مع استخدام فرامل اليد
12.D للقيادة العاديه
13. 1 يستخدم فى التحميل البسيط مثل الصعود فوق رصيف منخفض
14. 2 يستخدم للتحميل الشديدمثل مطالع الجراجات المنخفضة او المرتفعة
15. 3 يستخدم عند القيادق فى الزحام لفترات طويلة
ارجو ان اكون افدتك يا ا.Moh Saleh
مع خالص تحياتى لك واى شئ غير واضح اطلبنى 0107662415 انا مهنس صيانه سيارات
ام بخصوص مكان الاصلاح ارجو منك ذكر مكان العمل او الاقامه

رد: مطلوب معلومات عن دايو نوبيرا موديل 1999 اوتوماتيك
 

الف شكر للمهندس محمد فيصل
انا من طنطا وشغال فى القاهرة فى وسط البلد
امس كنت ماشى بالعربية براحة جدا فى طنطا وفجأة العربية مش بتسحب منى مهما ضغط بنزين
وفيها رجرجة
اوقفت السيارة و الفتيس على N وضغط بنزين كتير فالعربية سحبت كويس
والموضوع دة تكرر مرتين
بعد اذنك يا ريت تفيدنا
وشكرا

رد: مطلوب معلومات عن دايو نوبيرا موديل 1999 اوتوماتيك
 

بسيطة جدا اولا قم بتغير كل ما ذكرتة لك
ثانيا تحب تصلح فى القاهرة ام فى طنطا

رد: مطلوب معلومات عن دايو نوبيرا موديل 1999 اوتوماتيك
 

م محمد فيصل
والله لو تكرمت تعرفنى اماكن الصيانة فى طنطا والقاهرة
وتعرفنا مكان حضرتك ايضا
انا لسة بتعلم اسوق فى طنطا الان لكن بعد ذلك ان شاء الله اسافر بالعربية

رد: مطلوب معلومات عن دايو نوبيرا موديل 1999 اوتوماتيك
 

شوف يا فندم ..

HOLD و POWER موجودين عندى فى الافانت ودى وظايفهم عن تجربة ..

زرار hold ده وظيفتة بيخلى العربية تاخد غيار بدرى عن المعتاد .. يعنى ايه ؟؟
يعنى مش بتخلى rpm بتاع الموتور يبقى عالى ... واستخدامه لما تكون عايز تمشى على مهلك او فى زحمه وعايز توفر فى البنزين ....

زرار الباور بقى عكس الكلام ده يعنى بيخلى العربية تاخد وقت اطول وبعدين تاخد غيار .. يعنى بتخلى RPM يبقى عالى وبعدين تاخد غيار ..
وده استخادمه فى القرص يعنى لو عايز تسارع عالى تشغله وهتلاقى صوت الموتور بيعلى معاك ..

بس خلى بالك !!!!!
شغل النظامين دول وقت الحاجة ليهم بس .. يعنى متشغلهمش وتنساهم

يعنى تشغل الهولد مثلا وتدوس بنزين جامد يبقى فى تناقض كده فياثر على الفتيس ...



بالنسبة لتغيير زيت الموتور بيبقى على حسب نوع الزيت يعنى فى زيت بيتحط كل 1000 كيلو وفى نوع كل 3000 كيلو وكدة ...
بس نتكلم بعمليه شويه .. كل كام يوم الصبح افتح كبوتك وقيس الزيت ولو لقيت الزيت لونه بقى غامق غيره لان المسافات دى بتفرق يعنى على حسب حاله الموتور وظروف القيادة وكدة كل ده بياثر على عمر الزيت ..

بس فى المتوسط يستحسن تغير زيت كل شهر الى شهر ونص بس لازم تكون متابع زى ما قلت لحضرتك ..


اما زيت الفتيس ده بيقعد فترة طويلة يعنى يستحسن تغيره كل 10000 كيلو او اكتر وبرضه تتابع لونه لو اسود جامد غيره ..

المحافظة على الفتيس الاتوماتيك يا باشا فى اى عربية سهل خالص

لازم بس تبعد عن الاخطاء الشائعة اللى ناس كتير بتقع فيها ...

دى الاخطاء من الاهم فالمهم ..

1- متنقلش ابدا الى وضع P او R والعربية بتتحرك (مهم قوى)

2- حاول متقرصش على العربية قدر الامكان .

3-لما تيجى تركن وتروح على P حاول ترفع فرامل اليد الاول وبعدين انقل على P او تدوس فرامل وبعدين تنقل على P ووانت دايس فرامل لسه ترفع فرامل اليد ..

4-متحاولش ابدا تنقل من N الى D وانت دايس بنزين (تفويت او امريكانى يعنى)


بالنسبة للصيانة لو تغيير زيوت او سيور او بوجيهات او حاجات بسيطة يبقى تشوف ميكانيكى كويش تتعامل معاه ..
لكن لو حاجة كبيرة (عمره او تغيير فتيس او كدة لا قدر الله) يبقى يستحسن التوكيل لو مش مطمئن للميكانيكى ..


بالنسبة ل 1 و 2 و 3 دى نقلات يا باشا بس ملهاش لازمه اوى وخصوصا 2 و 3 (فى عربيات مفيهاش 3 دى ...

حضرتك عارف ان فتيسك الاتوماتيك 4 نقلات

الوضع 1 : بيخليك تمشى على الغيار الاول بس وميزودش عنه وده يفيدك فى طلوع اى مرتفع شديد الميل علشان تحافظ على الفتيس (لاحظ شديد الميل)

الوضع 2 : يخليك تمشى على الغيار الاول والتانى بس يعنى يعنى ميعليش عن التانى وفايدته لو نازل منخفض طويل نازل جبل مثلا او(طالع جبل برضه) علشان بيعمل فرمله من الموتور (زى المانيوال يعنى) بحيث ماتدوسش فرامل طول ما انت نازل الجبل فتسخن منك الفرامل وتتحرق ..

الوضع 3 : نفس النظام اخرك الغيار التالت ...

واى استفسار تانى انا فى الخدمة وشرفنى مساعدة حضرتك ..

رد: مطلوب معلومات عن دايو نوبيرا موديل 1999 اوتوماتيك
 

أيه الغلبة دى الفتيس المنيول يبقى رحمة عن الأتوماتك به. أنا بحسب أن الأتوماتك مجرد تحركة لفوق ولتحت زى بتاع العجلة

رد: مطلوب معلومات عن دايو نوبيرا موديل 1999 اوتوماتيك
 

هههههههههههه

هى العجلة بقى ليها فتيس اليومين دول ؟؟؟؟؟

هههههههه