رد: محتار و نفسى افهم
 

رد: محتار و نفسى افهم
 

انا قريت كل الكلام الجميل ده طبعا بس برده ماحدش رد عليا ......
ايه هى الأوبشنس و الكماليات الرهيبه اللى فى الصينى ؟؟؟
التكييف ..... بقى ستاندرد فى معظم العربيات لكن بتاع الصينى مش بيسقع .
السنتر..... برده بقى ستاندرد و ممكن تركبه ب 150 جنيه (يعنى مش كماليات صعبه الأضافه).
الأنذار ..... نفس موضوع السنتر .
وحدات رفع الزجاج...... نفس موضوع السنتر و الأنذار .
الباور .... معظم العربيات دلوقتى بتزل بيه او بيبقى هاف باور فى اسواء الأحوال و اخف من الفول باور بتاع الصينى.
الزجاج الكهرباء .... برده عربيات كتير بتنزل بيه و لو مانزلتش فممكن تركبه و لو ماركبتوش مش ده اللى هايخليك تشترى عربيه صينى علشان يبقى فيها ازاز كهربا :-)
نيجى للمهم اللى هو ABS و ده مش موجود فى معظم العربيات ذات الفئه المتوسطه المحترمه و فى نفس الوقت الصينى اللى فيها ABS مش بالكفائه التامه بدليل ان كتير من الناس اشتكشت و بتقول العربيه لفت بيا او العربيه اتزحلقت و متهيألى كتير مننا سمع الكلام ده فبالتالى مش هاخسر فلوسى و اجيب عربيه صينى علشان اوبشنس وحيد زياده و غير فعال و اساسى .
وسائد هوائيه ..... نفس الكلام بالنسبه لل ABS و نفس الشكاوى ..... الوساده مافتحتش , او الوساده فتحت مع مطب عادى !!!!

يبقى ناقص ايه ؟؟؟
ناقص ان الوكيل اللى بيجيب العربيه الصينى يمد ايده فى جيبك و ياخد الفلوس و حتى ما يدكش عربيه تروح بيها و يقولك كفايه انك اتقرجت عليها علشان العربيات دى ما بتمشيش فى شوارع القاهره لأنها مش من مقامها هههههه

نرجع نقول ان المقارنه بين الكورى و اليابانى و الصينى ليست فى محلها اطلاقا بدليـــــــــــــــــــــ ــــل
ادخل على اى موقع اوروبى او امريكى هتلاقى العربيات اليابانى سعرها زى الكورى يعنى على نفس المستوى التقنى و العملى ...... و هنا انا ليا وقفه .. ليـــــــــــه ؟؟؟
لأن فى الدول دى العربيه ما بتعش مع حد اكتر من خمس سنين .... يبقى دى زى دى بالظبط .
و لكن عندنا عايزين نورث العربيه لولادنا وولاد ولادنا يبقى بالتالى اليابانى يتفوق فى العمر الأفتراضى فبالتالى سعره اعلى قليلا عندنا من الكورى و لكن بنفس الكفاءه و الأداء حتى فتره معينه من الزمن ........
و انما بالنسبه للصينى اساسا مابيدخلش البلاد المحترمه اللى بنتكلم عليها و بالتالى فهو مرفوض مرفوض يا ولدى .

رد: محتار و نفسى افهم
 

ايه يا شباب .... فين النقاش ؟؟

رد: محتار و نفسى افهم
 

بصراحة يا شريف الكلام عام وفيه تحامل زيادة عن الازم

انا اديتك مثال فوق زى الشيرى ال A1 ناجحة حالياً فى مبيعاتها وده لانها الوحيدة 1300 سى سى بالسعر ده وبعدين فيها كماليات مش موجوده فى الفئة ديه خالص يعنى بصراحة عربية من فئة تانية ب 52 الف والفرق بينها وبين عربيات اقل فى الفئة والكماليات عشر الاف جنية وتصميم ايطالى كمان مش هنقول شكلها زى الصينى الغريب بتاع الفروتة والفلاير والحاجات ديه

مش عارف ازاى مش عايز تشوف الفرق ده عشر الاف جنية توفير وموتور اعلى و(كبشة) كماليات وتصميم جميل عايز ايه تانى

ونفس الكلام دلوقتى ينطبق على ال FRV

رد: محتار و نفسى افهم
 

AboNora عنده حق ....
و بعدين ما هي كل الناس اللي مشتريا صيني اكيد مش ساذجه ولا مضحوك عليها .. المفروض ان كل واحد عارف هو بيعمل ايه ... و بيجيب اللي يناسبه ويناسب امكانياته...
يعني انا لو محتاج عربيه 4×4 وامكانياتي 100الف بس حقارن بين التيجو و التيريوس.. ( بالرغم ان التيريرس معديه ال100) وممكن اوي اجيب التيجو.. طبعا مش حفكر لا في هوندا او راف4 او فيتارا... لانهم بعيد اوي
يا اما افكر في مستعمل وده موضوع تاني

رد: محتار و نفسى افهم
 

انا حبيت اعلق بس على موضوع الشكل الى الناس كلها بتتكلم عنه ؟
انا مش شايف حاجه شكلها حلو غير ( البريليانس _ اسبيرانزا 113 ) والتيجو الى حدا ما مش جامده ولا حاجه
والباقى زى الزفت الى مصممهم بيبقى نايم وهو بيصمم
يعنى مثلا 213 مش عربيه دى حاجه مقززه ماشيه على الارض _ وال516 المنتشره اوى دى مافيش فيها اى تناسق فى التصميم والابعاد :بمعنى انك تلاقى الواجهه انسيابيه والشنطه مربعه ( بحس انهم بيقطعوها بالمنشار ) والمحاور بتاعتها كبيره اوى على العربيه والكاوتش تحس انه مسكين جوه المحور ,
وسيبين مكان للارباج فى التابلوه بشكل مش حلو , غير الفوارق الواضجه فى التابلوه .
ونفس الشى للاسبيرانزا 620 .
وبرده الهندى (الماهيندرى_ سكوربيو ) سبحان الله,
انا بتضايق اوى لما اشوف العربيه دى وانا ماشى
وبحتقر الى اشتراها ودفع فيها ( 135&160) الف جنيه
وصفها الوحيد ( كشك متحرك ) وتصميم متخلف من شخص متخلف وشركه متخلفه وطبعا الوكيل الى نزلها مصر شكله مش فاهم حاجه .
وكفايه كدا علشان انا اتخنقت .ptmnlo123per135

رد: محتار و نفسى افهم
 

لو تسمحولى انا ليا سؤال هى الناس تاعبه نفسها ليه بموضوع الصينى دا اللى يشترى هو حر و اللى ميشتريش برده هو حر مش من حق اى حد مهما كان او مهما كان الغرض من كلامه انه يحجر على حريه اى طرف تانى فى اى شئ مش بس شراء سياره معينه يعنى انا شايف انى لما اشترى حاجه مش لازم اقول و ابرار و ادافع عن قرارى ببساطه انا اشتريت لانى عايز اشترى هذا الشئ بس كده من غير خوض فى معارك ضاريه و احتقار و ازدراء من الاخرين لقرارى لانى المتحمل الاول و الاخير لعواقب هذا القرار .


أسف على حده كلامى .