المشاركة الأصلية كتبت بواسطة nadenono (المشاركة 238234)

يا أخي لما الواحد يبيع الآفيو حيلاقي منين حاجة تشغله و تضيع وقته. كما أن ظروفي معاها علمتني الصبر على البلاء و حسن تقبل المحن.
كما أني كنت من المبتلين - سابقا - بالشاهين المصرية الصنع و التي لا أجد شيئا سيئا بما يكفي لأقارنها به
لعلم سيادتك أنا كان عندي خلاف الشاهين و الآفيو و في أيام الرخاء أوبل فيكترا B مو 98 ألماني الصنع و هيونداي أكسنت 1500 سي سي مو 2002 كوري و طبعا كانوا حاجة تانية خالص خالص - لم تحدث من أيهما مشكلة قط و بالذات الأوبل ظلت معي 3 سنوات لم أقم خلالها إلا بتغيير الزيت و الفلتر وتزويد الكاوتش و لم تتعطل مرة واحدة و من اشتروا مني هذه السيارات ما زالوا يتمتعون بها للآن

القاعدة الهامة : السيارات المجمعة محليا في مصر سيئة لأبعد الحدود
القاعدة الأكثر أهمية : الوكلاء في مصر سواء للسيارات المستوردة أو المجمعة حاليا هم أطفال كبار في الحجم و صغار في تحمل المسؤلية. التعامل معهم لن يفيدك بشيء. هم لا يرغبون إلا في مالك و قد أخذوه عند شراؤك السيارة و ما يلي ذلك هو مظاهر لزوم حصولهم على التوكيل,,, و عند تعرضك لمشكلة حقيقية تحتاج لمساعدتهم فيها يتهربون منك و يقولون "مالناش دعوة" كالأطفال تماما

المشاركة الأصلية كتبت بواسطة احمد على 1999 (المشاركة 238546)

الحمد لله ان نص المشكلة اتحلت و ان شاء الله النص التانى قريبا
الصراحة تحليل حضرتك منطقى بالنسبة لموضوع التكييف لانى الصراحة حاولت على google تانى و الحاجة الوحيدة إالى ليها علاقة بالتكييف هو السير أو شداد السير (ان وجد) فحضرتك جرب بمساعدة حد قاعد جوه و حضرتك باصص على مضخة الباور و يدور العربية و يتاكد من عمل الباور يمين و شمال و بعدين يشغل التكييف و حضرتك راقب فى لحظة تعشيق التكييف اى حاجة مش طبيعية (انزلاق السير مع ان حضرتك اكدت ان مفيش صوت بس برضه اتاكد بعينيك ) لان لو المضخة مستمرة بالدوران يبقى حاجة تحير - ساعتها نشك فى بقية التحليل بتاع حضرتك

و بمناسبة موضوع الصوت الى قدام يمين مع المطبات الخشنة الصغيرة فده احتمال مجموعة الفرامل ( الدشمة او اللقم او الكاليبرز الى ماسكة اللقم لأن نفس الصوت عندى و هو ده السبب بس مكسل اعملهم)

و فى النهاية احب اشكر حضرتك فى ثقتك الغالية