مصر موتورز مجتمع السيارات - عاوز أغير جنوط الفيرنا لمقاس 15

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - عاوز أغير جنوط الفيرنا لمقاس 15 (https://www.masrmotors.com/vb/showthread.php?t=33431)

رد: عاوز أغير جنوط الفيرنا لمقاس 15

يا جماعة الرأى النهائى مقاس 14 او 15 انسب للفيرنا
و تغيير الجنوط بيعلى ثبات الفيرنا لغاية سرعة كام بالضبط
يعنى بعد ماركب طقم جنوط 14 و كاوتش جديد هاقدر اجرى على سرعة كام؟
و ايه افضل نوع كاوتش

رد: عاوز أغير جنوط الفيرنا لمقاس 15

14 وعيش علي 160 اقل واجب
بس رصص كويس وظبط زوايا
وسيب الفيرنا ترد عليك

رد: عاوز أغير جنوط الفيرنا لمقاس 15

15
جنوط سبورت تايلندي ( في حدود 1800)
و ركب رينجات .. مش فيلم ولا حاجة ... دي بتيجي مع الطقم
كاوتش 195/50/15
رصص و اظبط و زواياك ,,,, و ادعيلي

رد: عاوز أغير جنوط الفيرنا لمقاس 15

اقتباس:

المشاركة الأصلية كتبت بواسطة محمد فيصل (المشاركة 235925)

الجنوط ال 14 انسب للفيرنا حتى لا يحدث تحميل على العفشه
الجنوط الاسبور لا تناسب الفرنا لانك هتدخل فى فيلم الرنجات
الافضل طفم جنط حديد مقاس 14 الخاص بالانسر من اول 2005
الطقم الحديد جديد 2000ج +طقم كاوتش 185/60/14 من اى نوع يعجبك حتحس انك راكب عربية تانيه
هذا الكلام عن تجربه شخصيه وعدة تجارب لاصحاب من بعدى

طيب ايه الفرق يا استاذ محمد بين جنط الانسر والجنط الاسبور

يعني اسيب جنط الاسبور اللي مش هيكلفني 1200 واروح اجيب جنوط حديد ب 2000 صعبه اوي ديه

وبعدين مصر كلها مجنطه اسبور في الفيرنا محدش اشتكي

يعني انتا لو شايف ان في مشكلة من الجنط الاسبور يا ريت تقولنا عليها

رد: عاوز أغير جنوط الفيرنا لمقاس 15

انا من رأى انك تجنط 14 احسن علشان العفشة ، لو جنط 15 ممكن يتعبك شوية .
كنت شوفت جنط 14 صينى عند واحد جنب مدرسة المنهل اللى فى مدينة نصر ب 800 جنيه ، و كنت حاشتريه و اجيبه عندى بس بصراحة خوفت لانه كان مجهول الهوية .
فلو التايلاندى او الماليزى بالسعر ده و ماركة كويسة يبقى مش خسارة فيه .