مصر موتورز مجتمع السيارات - شرح مفصل للكورونا منذ بداية اختراعها الى الان

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - شرح مفصل للكورونا منذ بداية اختراعها الى الان (https://www.masrmotors.com/vb/showthread.php?t=33136)

رد: شرح مفصل للكورونا منذ بداية اختراعها الى الان

اقتباس:

المشاركة الأصلية كتبت بواسطة sherif ride (المشاركة 233474)

غالبا الموضوع الجاى هيكون انظمة التعليق و الامان المتعلق بها بس اجمع شوية معلومات الاول

في انتظار القادم

رد: شرح مفصل للكورونا منذ بداية اختراعها الى الان

اولا تسلم ايدك على الموضوع الممتاز ده
ثانيا مش كل العربيات فيها كرونه فى حاجه اسمها جر امامى ودى بتعتمد على الكبالن باختصار معظم العربيات الحديثه بدون كرونه جر امامى وفى عربيات قديمه برده كده ذى 128و127بدون كرونه وحجات تانيه مش متذكرها دلوقتى وده لخفض تكاليف تصنيع العربيه على ما اعتقد
وفى عربيات جر رباعى كرونه من وراء وكبالن من قدام
FLASHCar

رد: شرح مفصل للكورونا منذ بداية اختراعها الى الان

تسلم إيدك
شرح جميل و مفيد

رد: شرح مفصل للكورونا منذ بداية اختراعها الى الان

موضوع رائع ياشريف باشا, أعذرنى ماشوفتهوش غير دلوقتى, والكورونة جزء مهم جدا من أجزاء العربية, وبتفرق جامد عند المنحنيات وأحيانا فى التسارع والفرملة, ومنتظر باقى السلسلة من حضرتك.

بس تصدق ما كنتش عارف أسمها بالمصرى, أنا أعرف أن أسمهاdifferential أو diff أو حتى "الترس التفاضلى", ودى من مساؤي تعلم الميكانيكا من على النت.

بس أنت متكلمتش فى ال limited slip diff خالص, مستنى منك الموضوع فى قسم التعديل:)

اقتباس:

المشاركة الأصلية كتبت بواسطة sad-bird (المشاركة 233466)

تسلم ايدك يا عم شريف كده احمد ممدوح فهم ان الدفرانس بتاع العربية هو الكورونا
ده كان سبب سؤالي لقيتكو هتتخانقوا سوا قلت اعرف نقطة مشتركة ونتكلم

اما بقى عم انجكشن فانا قلتلك الكلام ده وقلتله اشرح المواتير في الاول وكيفيه التحويل من طاقة حرارية لميكانيكية وبعدين السعة اللتري وبعدين مواتير العربيات وانوااعها وبعدين البساتم والصبابات والهورس بور والعزم والجير ............ إلخ
وقلتله بسيطة خالص يا انجكشن لم كل المواضيع اللي في المنتدي وجمعها سوا واربطها ببعض وضيف على اللي مش واضح وكمل
لكن تقريبا مشغول او مكسل او صايم

والا يمكن لولا عملت الناقصة معاه

لولا فعلا عملت الناقصة معايا, عجلة وأستبن "ماتوا" وأنا فى الجراج التحت أرضى بتاعى, والبطارية نامت وكانت فترة منيلة, وأفك عجلة وأروح للراجل وأرجع أركبها بعد التصليح وأخد ألأستبن أوديه, ربنا ما يوريك.

وبعدين بصراحة أنا مبحبش مواضيع الميكانيكا, لأنها بتتطلب research كتير وبحس أنى بغش, وممكن بدل ما أقعد أكتب وأفسر أترجم من ويكيبيديا وأنقح الموضوع وخلاص444546.

ومواضيع الميكانيكا جمهورها قليل قوى, على عكس جمهور التعديلات, بس لو عايز أدى الأمر بس وأنا أنزلك بالمكتبة كلها يا دوك, وبعدين أنت مش سألتنى وجاوبت, والعقد شريعة المتعاقدين, بس علشان خاطرك بس هاعديها المرة دى (بهزر طبعا, بقى عندى فوبيا من الهزار من ساعة موضوع عايزة أتجوز)

ومستنى باقى السلسلة, عايزين نخرج من المنتدى مهندسين ميكانيكيا.

رد: شرح مفصل للكورونا منذ بداية اختراعها الى الان

اقتباس:

المشاركة الأصلية كتبت بواسطة Injection (المشاركة 241822)

بص يا انجكشن مبتحبش موضوع الميكانيكا مش مصدقك مش عارف ليه،و حكاية بتتطلب رى سيرش كتير دى امتع ما فى الامر انك تحس انك فعلا بتزود الجانب العملى بجانب علمى و تحس انك عارف كلام كبير فى العربية لما تتكلم مع صنيعى كمان يحس انك فت ميكانيكا يقول يعملك انضف شغل و دى حصلت معايا فعلا

بس عقتدا الجيل بتعنات انه بيرقص على السلم ولا اللى فوق شفوه ولا اللى تحت سمعه
و احنا مشكلتنا اننا نربط معلومتنا بالأسامى بالمصرى و دى للأسف لازم تروح لحد ميكانيك اوى معرفه و تشاورله و تقوله دى ايه

يعنى انا معرفش الكبالن علشان كده مش عاوز ارد عليه هحرج نفسى....

رد: شرح مفصل للكورونا منذ بداية اختراعها الى الان

اقتباس:

المشاركة الأصلية كتبت بواسطة sherif ride (المشاركة 241907)

تمام يا باشا, أنا كل قصدى أنى كل ما أفكر أعمل موضوع "عميق", يعنى مثلا كنت عايز أعمل موضوع عن الكامات الرياضية وظبط توقيت الكامة, الموضوع ده ممكن أخلصه فى 5 سطور أو أقعد أشرح فى أصول الكامات والصبابات وأزاى حجم حدبة الكامة بيأثر فى الأداء وبالتالى اللى بيقرا هيفلفص منى:)

وطبعا الريسرش ممتع وبيدى الواحد معلومات زيادة, بس بحس أنى بترجم حاجة أو بغش.

والمشكلة أنه مينفعش نشرح جزء من الموتور من غير شرح باقى أجزاءه, زى الكامة والصبابات وترس الكامة, أو عمود الكرنك والبساتم والبيلات, والموضوع هيبقى ممل جدا للقارئ العادى, بس بأذن الله هحاول أنزل مواضيع ميكانيكا لو ربنا قدرنى, ومين يعرف, مش ممكن نخلص أحنا الأثنين ميكانيكا العربية ونخرج من المنتدى باشمهندسين:)

رد: شرح مفصل للكورونا منذ بداية اختراعها الى الان

اقتباس:

المشاركة الأصلية كتبت بواسطة Injection (المشاركة 241914)

بص بخصوص اول جزء من ردك و هو أنى القاررىء هيفلص منك !
المواضيع اللى من النوعية دى ليها قارئين حد عنده حب المعرفة و عاوز يعرف اكتر (ركز اوى على النوع ده) و النوع التانى اللى هيشوف الموضوع بالصدفة و مسألت انه يقرأ او لا دى على حسب اسلوبنا فى الكتابة و السرد اللى أنا شخصيا فاشل فيه

انا ليه بقولك ركز على اللى بيحبوا يعرفوا و يبحثوا عن المعرفة علشان نلف بالموضوع و نيجى لحكاية الترجمة كأنها غش أكيد انت عارف انى المحتوى العربى على الأنتر نت فى المجالات العلمية المختلفة سواء بشكل تخصصى او أجتهادى (مثلى كده) نادر ان لم يكون موجود و طالما ربنا كرمنا باللغة اللى ممكن بيها نساعد ناس كتير غيرنا للوصول للمعلومة ده فى حد ذاته رسالة (حلو رسالة دى)
مش مسألت غش و خلاص و على فرة ان مكنش عندك خلفية عن اللى انت بتكتب عنه عمرك ما هتفهم و تعرف توصل المعلومة لحد بعد و كمان الترجمة معروف انى الترجمة لازم تعرف انت بتتكلم فى موضوع ايه

أنا شايف انى الموضوع ده أكبر من حكاية موضوع فى منتدى بصراحة مش فى العربيات ولا الميكانيكا و لكن فى كل شىء مثلا الموسوعة الحرة ويكىبديا على الرغم انى احنا 420 مليون نسمة بنتكلم عربى كلغة أم الا اننا لا نهتم مثل هذه المواقع
ولا ايه رايك يانجيكشن + انى فى الزمن اللى احنا فيه ده نحمد ربنا على نعمة العقل و العلم و كده يعنى
و ربنا يوفقنا بما فيه الخير للأمة العربية و الاسلامية و الدجرماطية
اسمع احلى clapclap على اخر سطر بقى مستنى رايك يا استاذ انجيكشن