رد: الي معاه نيواكسكنت يدخل ويفيدني
 

اولا لاتنسى ضبط الكاوتش على 32 امامى وخلفى
والف مبروك مقدما ولون جميل للسياره لان الاسود بصراحه مضايقنى جدا فى النظافه

رد: الي معاه نيواكسكنت يدخل ويفيدني
 

الف شكر يا بهاء على ردك الجميل وادعيلي اخد موافقة البنك يوم الاحد عشان اروح استلم العربية
اللون الاسود فعلا بيلم تراب كتيير قوي وكمان بحس مع النيو اكسنت الالوان الغامئة بتصغر العربية قوي

رد: الي معاه نيواكسكنت يدخل ويفيدني
 

ظبط الكوتش ياحبى فى الصيف فى السفر 28 فى المدينة 30 فى الشتاء32 و بلنسبة للون ممكن تشوف الشمبين او السماوى او النبيتى والفضى كويس بس منتشر منة كتير جداااااا و الف الف مبروك 4BY4444546

رد: الي معاه نيواكسكنت يدخل ويفيدني
 

زين ما اخترت يا فنان

رد: الي معاه نيواكسكنت يدخل ويفيدني
 

الاسود افضل لون واسال مجرب بس متعب فى النظافه

رد: الي معاه نيواكسكنت يدخل ويفيدني
 

السلام عليكم ورحمة الله وبركاتة
اولا مبروك عليك العربية ان شاء الله واختيار موفق ان شاء الله
ثانيا ربنا يعطيك خيرها ويكفيك شرها
ثالثا بقى والاهم انك لما تستلم العربية ان شاء الله تفحصها من الخارج كويس جدا وتفحص الصاج وتشيل الورق بتاعها علشان تشوف اى نقر او خبطات فى الصاج وتفتح الشنطه وتشوف الاستبن ومعاها العده بتاعتها وتفتح الكبوت وتشوف مستوى جميع الزيوت وتدخل الصالون وتتاكد مفيش حاجه مش عادية فى الفرش او اى وساخات وتشوف عداد الكيلومترات ويكون على الوضع ODO علشان ده الرقم الحقيقى وميكنش رقم كبير يعنى على الاكثر 80 او90 كيلو ومتنساش المينوال وكتاب الضمان والولاعة وطفاية السجاير والاريال وتشغل التكييف والكاسيت وياريت تكون واخد معاك اسطوانة قرآن علشان تجرب الكاسيت وتكون اول حاجه شغلتها فى العربية القرآن ومتنساش المفتاح الاحتياطى بالريموت بتاعة وتجربهم الاتنين.
بخصوص سفرك وركنتك للعربية فلابد انك تخلى حد ينزل يدور العربية لمدة نصف ساعة كل 3 او 4 ايام علشان البطارية لغاية ما ترجع بالسلامة ان شاء الله.

رد: الي معاه نيواكسكنت يدخل ويفيدني
 

الف شكر على ردودكم الجميله والحمد لله اخدت الموافقة من البنك اليوم وان شاء الله هستلم يوم الاحد القادم من ابوغالي اتوموتيف وانا طبعت كل النمصائح الخاصة بالاستلام الموجوده في الموقع الجميل ده وادعولي ربنا يوفقني ويحميها ليا ويبعد عني وعنها عيون الناس