رد: اشترى اى فلتر مياة تانك ولا اكوا تك ولا جنرال وكام شمعه
 

يا استاذ مهدي حضرتك قلت "" اشترى اى فلتر مياة تانك ولا اكوا تك ولا جنرال وكام شمعه1 ولا 2 ولا 3 ولا مش فارقه والنتيجه واحده"""
طيب ايه هيا النتييييييييييييييييييجة
واحنا سألنا السؤال ده فوق
ايه النتيجة الواحده
هل هي ان الفلاتر زي بعض في التنقية
هل هي ان المياة بتاعتنا سيئة ومينفعش معاها فلاتر ولا واحد ولا اتنين ولا تلاته مراحل فنجرب مثلا خمسة مراحل او 7 مراحل بال UV
هل ان المياه مينفعش حاجة معها اصلا فنعتمد على المياه المعدنية وشركات تنقية المياه

كده حضرتك وضحت الصورة
انت بتسأل على الفلاتر هل زي بعض والا فيه فرق بينهم وتجربه كل واحد الشخصية فيهم

وانا عن نفسي اقولك اللي اعرفه
على حسب طبيعة المياه عندك
لو المياه عندك بتيجي صافيه لونها شفاف مفيش ريحة غير الكلور يبقى ممكن فلتر اتنين معة او واحد شمعة وممكن مش تستمعل فلتر اصلا لانك مجرد انك تحط المياة في اي حاجة وتسيبها مكشوفة نص ساعه ريحة الكلوة هتطلع منها وقلنا انه مش كلور لان الكلور غالي وشكره المياة بتستعمل شبه
لو المياة عندك بيجي فيها لون عكر او رواسب نتيجية عمليات صيانه كتير او لان المواسير قديمة وفيها صدأ يبقى فلتر 3 مراحل
لو المياة بتيجي عندك سيئةجدا ولا لون ولا طعم ولا رائحة كله سيء في الحالة دي بتلجأ لحل من اتنين
اما جراكن المياه من شركات تنقية المياه ودي في كل حي تقريبا بقى بيتعمل المشروع ده والجركن 20 لتر تقريب ب 3 جنية
الحل التاني فلتر 5 او 6 او 7 مراحل وده انا سمعت فيه رأيين
الرأي الاول بيقول ان الفلتر ده بيشيل الاملاح من المياه خاااااااااااااااااااااالص وده غلط لان الجسم محتاج املاح معينه ولو نقصت من المياه بيحصل مشاكل صحيه
الرأي التاني بيقول انها كويسة وانها اخفف ضررا صحيا على الجسم حتى لو بتشيل الاملاح خالص
والحل
انك تاخد عينه من المياه بتاعت البيت توديها معمل تحاليل وتشوف مدى صلاحية المياه للشرب وهما عندهم المعايير بتاعتها
لو لقيت النسب عاليه جدا
يبقى توكل على الله وهات ابتداء من خمس مراحل
لو لقيت النسب متوسطة او بسيطة هات فلتر 3 مراحل


اما عن الشركات فاعتقد ان اغلبيه الشركات زي بعض لا الفلاتر دلوقتي ماشية مقاساتها ستاندرد فاي قطع غيار ( الشمعات ) تركب على اي حاجة كنا زمان بنسأل على الشركات علشان نشوف مين منهم بيوفر قطع الغيار
وكان فيه فلتر انجليزي كان تحفة بصراحة
بس كان القلب بتاعه سيراميك وده مكناش بنلاقي له شمعات وكنا بنبعت نجيبها من السعودية
اعتقد ده هو اللي تسأل عليه اذا متوفر حاجته توكل على الله وهاته واعمل حسابك تجيب شوية قطع غيار معاه علشان مش تلف كتير عليها قدام






اتمنى اني اكون فهمت كلامك صح وجاوبت صح

رد: اشترى اى فلتر مياة تانك ولا اكوا تك ولا جنرال وكام شمعه
 

جزاك الله كل خير يااستاذ sad - bird
مع ان الاسم الداخل به المنتدى مش ماشى معاك ممكن اتعرف بالاسم
وانت شغال فين

رد: اشترى اى فلتر مياة تانك ولا اكوا تك ولا جنرال وكام شمعه
 

مش ماشي معايا ليه ؟؟؟؟؟؟؟؟
(what)(what)(what)(what)


دي صفة ملازماني بقالها اكتر من 10 سنين
عموما الاسم محمد
وشغال اخصائي تربية خاصة

وده التوبيك بتاعي ممكن تعرف منه اكتر
http://www.masrmotors.com/vb/showthread.php?t=33047

رد: اشترى اى فلتر مياة تانك ولا اكوا تك ولا جنرال وكام شمعه
 

السلام عليكم
احنا كان عندنا فلتر 3 بس مكنش كفئ في المياة اللي عمدنا لاننا في آخر الشارع خالص فكانت نسبه الاملاح عندنا تقريبا 540 مش عارف وحدة القياس ايه
وعندنا ناس في البيت تعبو من جنبهم فطلع صديد علي البول بسبب المياة
فجبنا فلتر 6 مراحل اللي فيه خزان صغير
بس المياة كانت مرة شوية بسيطه في الاول بس بعد كده حسينا اننا بقينا بنشرب مياة علي فطرتها
حتي الشاي مش بيعمل اي ريم نادرا ما بيعمل ريم يعني
وموضوع انه بيشيل الاملاح هو فعلا بيشيل الاملاح نهائي بس آخر مرحلة عبارة عن حبيبات املاح بتذوب في المياة قبل ما تطلع علي حنفية الفلتر وطبعا نسبه الذوبان بتاعها بيبقي معتدل وقسنا نسبه الاملاح بعد تركيب الفلتر كانت 70 بنفس وحدة القياس اللي مش عارفها.
بس الشمع اللي بيتغير مثلا اول واحده بتتغير كل شهرين والتانية اختها بس بتتغير كل 4 واللي بعديها كربون كل 6 واللي بعديها معرفهاش كل 12 تقريبا واللي بعديها كل سنة ونص تقريبا فآخر 3 دول بيبقو غاليين مش متأكد بالظبط لاننا لسه مغيرنهمش بس اللي في الاول رخاص اللي هما المعروفين القطني والكربوني اللي زي الفلتر الثلاثي العادي
بس اللي انا ملاحظة ف الفلتر ده هو والسباعي عشان هو متركب في جامع قريب مننا - الفلتر ليه مخرج للمجاري عشان يطلع الشوائب والحجات دي ففي الجامع الخرطوم اللي بيطلع الشوائب متسرب علي مكان الوضوء فبلاقيه بيطرد مياة كتير اوي فحاسس انه كده تبذير مياة في وقت المياة مهمه جدا فيه ولازم مش نهدرها
بس ده كل اللي اقدر افيدك بيه وربنا يوفقك

رد: اشترى اى فلتر مياة تانك ولا اكوا تك ولا جنرال وكام شمعه
 

اللي حضرتك بتتكلم عليه ده محطة تحلية مياه صغيرة مش فلتر ودي تقريبا سعرها بيبدأ من 1500
اما عن وحدة القياس بتكون وحده دولية كل لتر

يعني 540 وحدة دولية و 70 وحدة دولية

الفلتر من اسمة يعني بيشيل شوائب فقط مش بيضيف حاجة لكن في الفلتر 7 مراحل اضيف له المرحلة السادسة وهيا مرحلة معادلة البوتاسيوم والماغنيسيوم لان دول اكبر مصيبتين لو نقصوا من الجسم بيعملوا مشاكل كتير جدااااااااااااا
اما المرحلة السابعة في الفلاتر فهي مرحلة ال uv او الاشعة فوق البنفسجية ودي لتعقيم المياه قبل خروجها من الفلتر

اما المراحل الاولى له فهي فلتر قطني 5 ميكرون ، فلتر قطني واحد ميكرون ( الميكرون وحدة قياس القطر تساوي 1 على 1000000من المتر) دول سعرهم تقريبا 7 جنية ، المرحلة التالته فلتر كربوني لازالة الشوائب والرائحة ودي سعرها تقريبا 20 جنية وبتتغير من 6 شهور لسنة على حسب الاستخدام والطبيعة المياه ، المرحلة الرابعة زي التالته بالضبط وهيا زيادة تأكيد فقط
المرحلة الخامسة مش فاكرها
المرحلة السادسة دي وحدة البوتاسيوم والماغنسيوم والمفروض لما تخلص تتغير لكن طبعا فيه ناس بتكسل وفيه اوقات مبتكونش موجوده وبطنش او ناس تنسي
واول لما تلاقي الاسرة كلها بدأت رجليها توجعها من اي مجهود او ضغط ويحصل الم كتير يبقى ده بدايه اعراض نقص بوتاسيوم ومحتاجين تكشفوا وتظبطوا المياه
وربنا يسترها معانا ومعاكم


كل اللي فات ده ينطبق على الفلتر
لكن اللي حضرتك بتتكلم عليه ده محطة معالجة مياه

رد: اشترى اى فلتر مياة تانك ولا اكوا تك ولا جنرال وكام شمعه
 

استاذ محمد رديت ع جزء من السؤال على قد معرفتى واستخدامى
لاننا بنستخدم الفلتر الثلاثى وهو كويس اوى :)
وعموما حضرتك معلومات اوضح واشمل
شكرا للتوضيح

رد: اشترى اى فلتر مياة تانك ولا اكوا تك ولا جنرال وكام شمعه
 

كلنا ردينا على قد ما فهمنا الموضوع مكنش واضح من الأول وبعدين استاذ مهدي وضحه وانا مهما طلعت ولا نزلت معلوماتي محدوده برضة

وبعدين الحاجة ام المعرفة مش ام الاختراع بس
وانا اتنزقت في موضوع المياه ده اكتر من 3 شهور كل يوم انزل والف وكل ما اعدي على معرض او اقابل حد اسأله علشان اجيب حاجة كويسة وعقبال لما خلصت اسئله كانت المياه اتظبطت في المنطقة بتاعتنا لانها كانت فترة صيانه وعدت ( الله لا يعودها ) وكانو بيفصلوا بيدعموا الخط الرئيسي ويقللوا من الخط الارتوازي
بعد كده لان الموضوع مبقاش مؤثر جبنا فلتر 3 مراحل رغم ان الناس كلها لازالت بتتعامل مع شركات تنقيه المياه ( رغم اني علي يقييييييييييييييين انهم بيعبوا الجراكن من جنب محطة تحلية المياه ويجيوا يبيعوها لنا ههههههههههههههههههههههههه هههه)