رد: مشكله فى الماروتي
 

هو طبعا العربية عاملة قليل بس مش حتخسر حاجة على الاقل لو نضفتهم
بالنسبة لفلتر الهواء بيبقى تحت العمة (انا الصراحة مشفتش ماتورها كتير بس الى شفته كان في عمة) المهم حتتفك العمة عند اى بنزينة و الفلتر غالبا حيبقى مدور و يتنفخ فيه بالهواء المضغوط (كومبريسور) من الداخل يعنى عكس اتجاه دخول الهواء
و كذلك فلتر البنزين (فعلا معرفش فين الا لو العربية قدامى) حيتنفخ فيه عكس اتجاه دخول البنزين

رد: مشكله فى الماروتي
 

الف شكر ياجماعه على اهتمامكم وانا هروح انضفهم ولو حتي اغيرهم مش مهم المهم صوت الخنقه ده يروح الف شكر

رد: مشكله فى الماروتي
 

بس لما تغيرهم مترميش فلتر الهواء علشان لو مفيش فرق (الكتمة مراحتش)ارجع ركبه تانى و احتفظ بالجديد للتغيير القادم
و ابقى طمنا و واحدة واحدة ان شاء الله حتتحل

رد: مشكله فى الماروتي
 

المشكلة دى فعلا فى فلتر الهواء انتا عندى ماروتى 2009 و عامل برضة 10 الف كليو و لما فكيت فلتر الهواء لقيته كانه كان تحت الارض و مدفون فى التراب لدرجة انه لما كنت بخبط علية كان بينزل تراب و نظفته بالبلاور و ركبته خلى سحب العربية مظبوط و فتحت فى السرعة


اما بخصوص فلتر البنزين هتلاقيه تحت العجلة الشمال اللى تحت الباب اللى وراك و موجود داخل علبة صاج تفتح العلبه بمفتاح 10 بلدى او مشرشر و يفضل لقمة
هتلاقى فلتر البنزبن تفكه و تشوفه الاول نظيف و لا مش نظيف لو نظيف ركبه تانى مكانة و روح راجع على كهرباء العربية

و متنساش تقولنا اخيرا عملت ايه و مين اللى كان خانق العربية بتاعتك

رد: مشكله فى الماروتي
 

الله ينور يا ايمن باشا
هيا برضه كانت عايزة خبير ماروتى

رد: مشكله فى الماروتي
 

انا نضفت فلتر الهواء والحمد لله بقت تمام الف شكر علي اهتمامكم

رد: مشكله فى الماروتي
 

الحمد لله الف مبروك