|
رد: عيوب ومميزات السيراتو من مهندس صيانة بالتوكيل
انا ياجماعه باجيب بالسيراتو والالنترا سرعات عاليه فى السفر فوق ال 160 وباقولك ان السيراتو مش خفيفه ولا بتعوم ثباتها مش خرافى بس معقول
|
رد: عيوب ومميزات السيراتو من مهندس صيانة بالتوكيل
ياجماعة انا معايا سيراتو خليجى جنط 15 و جبت بالعربية 150 و كان ثباتها كويس ( دا راى يمكن حد يكون شايف غير كدا)
-لكن اللى مضيقنى هوا ان عفشتها نشفة شوية بس كل الناس بتقول انها بتلين بعد 1000 كم لما اشوف لسه |
رد: عيوب ومميزات السيراتو من مهندس صيانة بالتوكيل
ياجماعة ده رائ واحد شغال فى التوكيل قابل للصواب وللغلط وهو مش مصنع العربية يعنى
|
رد: عيوب ومميزات السيراتو من مهندس صيانة بالتوكيل
الأحساس بعدم الثبات هوه فقط احساس فى أول لما بتشترى العربية عشان العفشة ناشفة و العربية بتتنطط فى المطبات لكن بعد 10-15 ألف العفشة بتطرى و الاحساس ده بيروح و هاتحس ان العربية حاجة تانية مع الاحتفاظ بميزة الارتفاع عن الارض. و العربية تقفيلها فى مستوى اليابانى. المصرى و الخليجى متقفلين فى كوريا و لا يوجد اى اختلاف فى الجودة و لكن ممكن المواصفات تختلف و لكن بفرق مش كبير (مثلا نوع الكاسيت او ايرباج زياده)
السيراتو خلص الكلام عنها و اتحسم لانها مغرقة الشوارع و ماحدش اشتكى منها و سعر اعادة البيع عالى. يعنى زى الدهب |
رد: عيوب ومميزات السيراتو من مهندس صيانة بالتوكيل
والله الموضوع يا جماعة ان دا راي مهندس الصيانة من واقع الشكاوي اللي بتجيلهم من السيارة بس من حيث الامكانيات الراجل ما عابش فيها بل بصراحة بيشجعني عليها وبيقولي ها تكون مبسوط منها والله وبيقولي خليك في الخليجي برغم ان عندهم توكيل مواصفاته اعلى وما اقلقش من موضوع الصيان لان المشاكل اللي بتيجلهم في السيراتو مش كبيرة بل بالعكس اثبتت كفاءة ممتازة
|
رد: عيوب ومميزات السيراتو من مهندس صيانة بالتوكيل
أنا مع استاذ احمد فاروق الالنترا الجديده افضل
|
رد: عيوب ومميزات السيراتو من مهندس صيانة بالتوكيل
لو عيب الثبات ده حقيقي يبقى العربية دي مش تمام إذا كانت الفيرنا بتعوم بعد ال 120 يبقى السيراتو بعد أد أيه والنبي وكمان حكاية العفشة دي مشكلة العربية بجد واللي مرخماها وبالنسبة للي بيقول ان العربية في سعر إعادة البيع عالية أكيد عالية لأن العربية لسه جديدة بس المشكلة إن اللي عايزين يبيعوها كتير وده اللي مايطمنش |
| الساعة الآن 01:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017