رد: اعادة امتحان المرور النظرى (الاشارات)
 

محدش يعرف يا جماعة لو الواحد لا قدر الله سقط في اختبار السواقة يكون ميعاد اختباره الثاني بعد مدة كام بعد الاختبار الاول

رد: اعادة امتحان المرور النظرى (الاشارات)
 

انا اسف طبعا اني هقولك كده بس اذا كانت الرخصة مهمة عندك جدا لهذه الدرجة و بتعرف تسوق فعلا الي هيخليك تغيير محل الاقامة و تلف اللفة دي كلها اما تشوف وسطة و تخلص الرخصة فى نفس اليوم من غير 3 ايام و لا 3 شهور اما تشوف حد فى وحدة المرور يأخذ حاجة و يخلصلك الموضوع بنفس تكلفة تغيير الاقامة و اللفة دي كلها

رد: اعادة امتحان المرور النظرى (الاشارات)
 

انت متأكد ان مش لازم انتظر ثلاثة شهور وهل تعرف شخص مر بنفس الظروف واستطاع ان يعيد الامتحان قبل ثلاثة شهور لانهم قالوا لى فى المرور ان التنيجه بتكون مسجله على الكمبيوتر ومتقدرش تعيد الا بعد مرور ثلاثة شهور ارجو الافاده

رد: اعادة امتحان المرور النظرى (الاشارات)
 

استاذي انت اختبرت فى وحدة مرور ايه

رد: اعادة امتحان المرور النظرى (الاشارات)
 

اخى الفاضل انا اختبرت فى وحدة مرور شبر الخيمه (مش عبود)

رد: اعادة امتحان المرور النظرى (الاشارات)
 

الاخ الفاضل من تجربتى واصدقائى اوعى تغير محل الاقامة لعبود مثلا كل الهم واحد فى كل وحدات المرور ودوخة ملهاش حل ويقولك ايصال كهرباء باسمك مش بس عقد شقة مسجل لا ******وياريت تحكيلنا بالتفصيل خطوات الامتحان فى الاشارات بالتفصيل من اول مادخلت وحدة المرور وبالشرح والوصف للمكان والاشخاص اللى اتعاملت معاهم والامتحان كان عبارة عن ايه ومين الممتحن واتعاملت ازاى مع الكمبيوتر وهل قمت بنفسك بالامتحان على الكمبيوتر ام العسكرى هو اللى كان بيكتبلك الاجابات علشان انا رايح امتحن اشارات فى شبرا الخيمة ارجوا التفضل بالرد والتواصل ولك خالص تحياتى

رد: اعادة امتحان المرور النظرى (الاشارات)
 

طبعا انا ماكنش معايا اى واسطه وانا مهندس ميكانيكا وعندى 47 سنه وباسوق كويس ولما ربنى كرمنى بقرشين وحسيت انى لازم يكون عندى عربيه حتى مستعمله قلت ابتدى فى اجراءات الحصول على رخصة ونزلت امتحان الاشارات من المنتدى وذاكرته كويس جدا وتدربت عليه وكنت باجيب 100%وقلت ابتدى فى الاجراءات ذهبت للمرور مره للاستطلاع ومعرفة الامور ماشيه ازاى وبعده بفتره قلت اتوكل على الله وخش الامتحان طبعا اول حاجه قاللو تجيب صورة البطاقه وتاخد عليها تأشيره من البيه الظابط وخدت التأشيره علشان ادخل امتحان الاشارات وقعدت منتظر اما حجرة الكمبيوتر ونده عليا البيه العسكرى واول ما دخلت عنده البيه مكنش عاجبه صورة البطاقه وقاللى صور البطاقه صوره تانيه رحت لماكينة التصوير جنبه وصورت البطاقه صوره ثانيه وبص فيها سيادته وعجبت سياده وبعدين شاور على موظفه جانبه وقاللى هات منها نموذج اختبار وذهبت للاميره الموظفه قالت مافيش نماذج اختبار لسه هانروح نجبها من المخزن قمت رايح للبيه العسكرى وقولت له قاللى استنى بره لغايه مانجيب النماذج وبعد فتره نده لى البيه العسكرى ودخلت لقيت سيادته مبتدى الامتحان على الكمبيوتر وخلانى امضى على نموذج الاختبار على بياض وعمل نفسه بيشرح لى طريقة الامتحان وكان عدى سؤالين ماجاوبتش عليهم وجاوبت على اللى لحقتهم وفى الاخر لاقيت النتيجه على الكمبيوتر 62 % وطبعا النجاح من 80% قللى خلاص تيجى بعد ثلاثة شهور ومن خلال التجربه لاقتنعت ان لازم يكون معايا واسطه تخلصى الموضوع او احاول اقدم فى وحده مروريه أخرى