رد: الاكسل الاكسس اللانوس البرايد
 

زى ما قال الاستاذ احمد اكسنت جميلة جدا و بها كل اللى يناسبك خصوصا ال 1500 لان بها باور
مميزاتها
عملية جدا - سهلة الصيانة لانتشارها - بها الكماليات كافية ( باور - زجاج كهربا امامى - سنتر لوك - فتح التنك و الشنطة من الدخل - طبعا تكييف ) اقتصادية فى البنزين - قطع غيار رخيصة
انا معايا العربية و جايبها مستعملة لكن الحق يقال العربية فعلا حلوة و بنت حلال
العيوب
العربية واطية - منتشرة كتاكسى - ال 1300 مافيهوش باور و الدريكسيون تقيل - التابلوه بتاعها بيتحجج عشان يشقق يعنى صعب تلاقيه اكسنت تابلوها مش مشقق الا لو واحد بيخبيها عن الشمس

هى و الانوس قريبين من بعض
اتمنى اكون افدتك باللى اعرفه عن تجربة

رد: الاكسل الاكسس اللانوس البرايد
 

ايه يا باشا والله عربيتك حلوه وخساره فيها البيع انا بردو طلعت في دماغي من اسبوع كده موضوع البيع وكنت هجيب اكسنت بردو بس انا قررت اصبر شويه واجيب حاجه احسن وانا رئي ليك يا باشا اصبر شويه ربنا يكرمك وتجيب كرستاله او لانوس . وانا رئي اكيد الانوس احسن من الاكسنت

رد: الاكسل الاكسس اللانوس البرايد
 

انا زيك تمام ابحث عن سيار ناعمه و موفره فى البنين و قطع الغيار ولكنى وجد اكثر من اختيار
كوسا و بولو و بونتو وكل ده موديل ٢٠٠٠ و ىعمل من ٣٥ : ٤٠ حسب الحاله
ولكن اﻷكثر انتشار و أﻷرخص اﻷكسنت موديل ٢٠٠٠ ١٣٠٠ cc
عربيه موفره فى البنزين وقطع الغيار
و لو جت على البور معظم اﻷكسنت مركب بور و شغال زى الفل
انا عن نفسىناوى ان شاء الله اجيبها الشهر الجاى

و بالمناسبه والدى معاه لاوس ٢٠٠٧
عربيه واطيه جدا
استهلاك بنزين جدا خاصه فى حاله التكييف

اكسنت مع ابن عمى احسن ١٠٠ مره منها

رد: الاكسل الاكسس اللانوس البرايد
 

اللانوس اعلى من الاكسنت و الاتنين الاعتمادية بتاعتهم محترمة بس الانوس افضل فى رايى
بلاش الكورسا و البولو و خليك فى الاكسنت او اللانوس
خلى بالك برده ان الاكسنت بتعوم فى السرعات العالية و اللانوس افضل منها فى الثبات
لو معاك لحد 40 الف يبقى هات بقى ال 1500 ليه تجيب ال 1300 بس متجبش الاكسنت الا من موديل 99 الى 2003 لانهم افضل الموديلات فى الشكل القديم

رد: الاكسل الاكسس اللانوس البرايد
 

مش عارف الانوس افضل ليه ارجو التوضيح
انا بفضل ١٣٠٠ cc
علشان اولا استهلاك البنزيين
و ثانيا منعى من الجرى والشد بالعربيه
ولا انتا شايف ايه
وانا سمعت ان الكورى افضل فى ﻷكسنت وهو موديل ٩٩ و ٢٠٠٠ بس
انا مش متأكد من المعلومه ده يريد اﻷفاده

رد: الاكسل الاكسس اللانوس البرايد
 

انا فى رايى ان االانوس اعلى من الاكسنت و عملية اكتر منها و كمان بحب شكلها عن الاكسنت لكن الاكسنت اوفر فى استهلاك البنزين من الانوس و ارخص فى قطع الغيار بشكل طفيف
لو مش عاوز جرى و لا بتسافر بيها يبقى 1300 جيدة بس ركبلها باور و تجيبها حالة محترمة
الموديلات الكورى فعلا من 99 و 2000 زى اللى معايا و لو تعرف تجيبها خليجى هاتبقى تمام
الاكسنت و الانوس مافيش فروقات ضخمة بينهم الاتنين عربيات بتتحمل ارف طرق مصر و ارف اسعارها لانها عربيات عملية فى الفئة السعرية بتاعتها

رد: الاكسل الاكسس اللانوس البرايد
 

الدايو لانوس أفضلهم
أنت قولت عايز عربية بتكيف و 1300 سي سي العملية صعبة علشان الموتور هيبقى تقيييييل اوي
الانوس من غير ما اتكتب كتير بصراحة الناس قالت رأيها
و ممكن تلاقي لانوس بالتمن ده في سوق العاشر و انزل و لف في كذا مكان كده بس بصراحة هتنبقى موديل 98 99 بس ان شاء الله تلاقيها