رد: لماذا نجحت اسبيرانزا فيما فشل فيه الأخرون
 

اتفق مع حضرتك تماما استاذ حازم و مع باقى الاخوة الاعضاء ان اسباب انتشار العربية دى هو اسم التوكيل و ثقة الناس فيه و شكل السيارة المميز و ايضا السياسة التسعيرية للسيارة من اهم اسباب الانتشار ، و لكن فى رأى ان هناك سبب اخر يضاف اليهم و هو : البدائل او الخيارات المتاحة امام المستهلك ، بمعنى ان ايه اللى يخلى العميل يشترى عربية تمنها من 50 الف الى 60 الف و يضحى بقوة الموتور و بكماليات من المفترض انها اصبحت اساسيات علشان خاطر اسمها ، و هو قدامه ال 113 مثلا عربية ممتازة ، موتورها جبار ، امكانياتها جبارة بالنسبة لسعرها و هكذا .... نفس الكلام برده مع ال m11 و التيجو و ال620 .
يعنى برده ممكن السبب ده يكون مرتبط بالسياسة التسعيرية الذكية جدا ، و هى انهم يخلوا العميل مش قدامه اى بدائل اخرى فى نفس الشريحة السعرية ( اللى هما مختارينها بذكاء شديد ) .
فى النهاية الاسبيرانزا من وجهة نظرى من انجح السيارات الصينى الموجودة على الساحة ، و فعلا تستحق الترتيب الثالث و لكن ما ينقصها فعلا هو الاهتمام بتقفيل العربية و بالخامات ، لانهم فعلا لو اهتموا بالحاجتين دول مش بعيد ينافسوا على المركز التانى و الاول كمان ، لو اشتغلوا صح عن كده .

رد: لماذا نجحت اسبيرانزا فيما فشل فيه الأخرون
 

على الطريق تتساوى كل السيارات طالما تخدم صحبها

رد: لماذا نجحت اسبيرانزا فيما فشل فيه الأخرون
 

موضوع رائع يا حازم
فبالرغم ان كل مايقال سواء بالسلب او الايجاب عن العربية فمع ذلك مازالت فى انتشار مستمر
التيجو اهى بقالها معايا سنة بالظبط و الحمد لله تمام و زى الفل
يمكن اللى مدايقنى ان مفيش مركز صيانة فى بورسعيد او ميكانيكية بيشتغلو فيها هنا لان لو كدة ممكن الواحد يكبر دماغه من حوار السفر للتوكيل علشان صيانة ولا تغيير زيت, لانه فعلا مشوار رخم ومش كل وقت الواحد يعرف ياخد اجازة مخصوص من شغله علشان يسافر للتوكيل

رد: لماذا نجحت اسبيرانزا فيما فشل فيه الأخرون
 

مشكلة التعامل مع التوكيل علشان الحفاظ على الضمان فقط لكن
أنا بعمل كل حاجة فى العربية فى بورسعيد حاليا
بس أنا خرجت من الضمان بعد الحادثة

رد: لماذا نجحت اسبيرانزا فيما فشل فيه الأخرون
 

انا بفكر جديا اكبر دماغى من موضوع الضمان ده , بس هل فيه حد بيبيع قطع غيارها هنا فى بورسعيد ؟؟؟؟ وهل الميكانيكية اللى موجودين بيعرفولها كويس ؟؟؟؟

رد: لماذا نجحت اسبيرانزا فيما فشل فيه الأخرون
 

لا مفيش قطع غيار فى بورسعيد

بالنسبة للعفشة ممكن أى عفشجى أمين يشتغل فيها ﻹن مفيهاش حاجة مختلفة
أما الميكانيكا و الكهربا فأنا بتكلم على الصيانات العادية ﻹن محصلتليش مشاكل كبيرة و الحمد لله
و إن كنت صلحت مشكلة كبيرة فى التكييف برضه فى بورسعيد بعيدا عن التوكيل

رد: لماذا نجحت اسبيرانزا فيما فشل فيه الأخرون
 

ياريت حد يقول ليه الام 11 لم تنتشر الى الوقت الحالى ليه

انا من اللى شوفته من عربيتى وعربيات الاخوه

ان والحمد لله ان او الفتوح عمل عمليه اباده الى العربيه

والحمد لله ولذالك العربيه لم يتم انتشارها خالص

ولان مشاكل العربيه للاسف انها موجوده فى جميع الام 11

ولاكن للاسف ان فيه ناس مقتانعه ان عربيتهم زى الفل

و516 اللى لازم علاشان تكون عربيه محترمه ويروح منها التخبيط والتصقير اللى فى العفشه

لازم يركبلاها مسعدين لانسر ومش عارف ايه لانسر

ويتم تعديل الدريكسيون عند احمد مهران ويتم عمل جلب اليه علاشان الصوت التخبيط

اللى في الدريكسيون يروح

طيب لما يتم تغير وتعديل العفشه والديركسيون كل ده هيسرف كام

يعنى انا اجيب عربيه با مثلا 68000 الف وروح اعدل فيها وصرفلى كمان 10000 الاف

جنيه تانى عليها علاشان تكون تمام وزى ماناس بتقول وانسا يامعلم العربيه

طيب يبقا العربيه وقفت بكام 78000الف طيب من اجيب عربيه محترمه وتظل معى الخمسه سنين زى الفل مش اسبرانزا اللى كلاها مشاكل

واسف على الاطاله