مصر موتورز مجتمع السيارات
صفحة 2 من 3 1 2 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Accent Verna RB اكسنت فيرنا (https://www.masrmotors.com/vb/forumdisplay.php?f=237)
-   -   تفتكرو اجيب فرنا؟ (https://www.masrmotors.com/vb/showthread.php?t=2939)

eslamturbo 20-10-2008 12:43 AM
رد: تفتكرو اجيب فرنا؟
 
شكرا جدا ليكو على ردودكو انا مكنتش متخيل حتردو بسرعة كدة بس انتو رديتو عليا بالنسبة للعربية طيب بالنسبة للوكيل اخباره ايه ( معلش بقى جديد ف الcar) ptmnlo123per1127

Ahmed Anwer 20-10-2008 01:19 AM
رد: تفتكرو اجيب فرنا؟
 
اقتباس:
المشاركة الأصلية كتبت بواسطة eslamturbo (المشاركة 8580)
شكرا جدا ليكو على ردودكو انا مكنتش متخيل حتردو بسرعة كدة بس انتو رديتو عليا بالنسبة للعربية طيب بالنسبة للوكيل اخباره ايه ( معلش بقى جديد ف الcar) ptmnlo123per1127
بص حضرتك ،،

مش عارف ارد عليك اقولك ايه ،،

انتا متتوقعشي انه خمس نجوم

و متتوقعشي انهم شوية بلطجيه فاتحين شركة

توقع انك داخل مكان في مصر

بكل سلبياتها ،،

انا شخصيا ساعات اروح ابقي عايز اقول الناس دي هبل من كتر الاستجابة و الاهتمام

و ساعات اطلع العن اليوم اللي اشتريت فيه العربية من كتر السلبية و الاهمال

بس العميل الذكي بياخد حقه تماما

مش فكرة الزحمة اللي بيقولوا عليها ،، هيونداي 36 مركز خدمة علي مستوي الجمهورية

فكرة الحجم الكبير و الادارة اللي مش قادرة تسيطر عليه

و عموما ريح دماغك و فكر في الجيتز - البونتو كلاسيك - البيكانتو

و كمان فيه عربية ممكن تفكر فيها اللانسر ال 1300 هاف اوبشنز خليجي سمعت ان مازال فيها موديلات 2007 زيرو و نتيجة لقدم الموديل بتتباع ب 80000

و يبقي اسمها لانسر برده بس من غير ضمان و لو تقدر علي تكاليف الياباني

Masrawy 20-10-2008 01:59 AM
رد: تفتكرو اجيب فرنا؟
 
اقتباس:
المشاركة الأصلية كتبت بواسطة eslamturbo (المشاركة 8544)
السلام عليكم

انا كنت بافكر اشتري فيرنا بس سمعت الكتير عن مشاكل غبور و توكيلاته و مشاكل ف الفرنا ( فرامل ضعيفة و مش متزنة و بيظهر فيها مشاكل ف الموتور بعد ال 80000 كم)

انا دلوقتي مش عارف اجيبها ولا اجيب بيكانتو او لانوس بغض النظر عن الفرق ف السعر

انا مش عايز اقرف نفسي ف التوكيلات
مع العلم ان ( دي اول عربية حاشتريها ولسة باتعلم سواقة, ظروف شغلي حتخليني اروح بالعربية احيانا لمناطق بعيد شوية زي العبور و العاشر و 6 اكتوبر يعني مثلا مشوارين تلاتة كل اسبوع ) و لازم العربية تبقى جديدة مش حينفع اشتري مستعمل
نصيحة اخوية بلاش فيرنا

ahmed_gman 20-10-2008 02:51 PM
رد: تفتكرو اجيب فرنا؟
 
السلام عليكم ورحمة الله وبركاته

طب ايه رأيكم فى الأفيو المستوردة الكورى بـ 80000 والتوكيل منصور معقول وقطع الغيار معقوله واراها

منتشرة برده وأقل عيوب عن غيرها

أو ديهاتسو سيرون يابانى وبـ 80500 ج و1300 cc وبرده توكيلها اعتقد انه كويس العالميه المعادى وعرفت انه

بيقسط مباشر بمقدم 15% وفائده 7% 5 سنين على موديلات 2007 و 2008 ptmnlo123per155

Zikoman 20-10-2008 03:26 PM
رد: تفتكرو اجيب فرنا؟
 
اللى عنده فيرنا ولانوس بيشكر فى الانوس أكتر
بالنسبة للبيكانتو معرفش حاجة عنها

POP EL GAMED 20-10-2008 10:23 PM
رد: تفتكرو اجيب فرنا؟
 
مش عارف ليه يا جماعه محدش بيجيب سيره اللوجان مع انها احدث منافس للفيرنا فى الفئه السعريه؟؟؟

sam ram 01-11-2008 04:17 PM
رد: تفتكرو اجيب فرنا؟
 
اقتباس:
المشاركة الأصلية كتبت بواسطة POP EL GAMED (المشاركة 8670)
مش عارف ليه يا جماعه محدش بيجيب سيره اللوجان مع انها احدث منافس للفيرنا فى الفئه السعريه؟؟؟
لأن اللوجان لسه جديده ومش معروف عنها حاجه
وبالنسبه لتوكيل هيونداي فهو كويس بس الضغط عليه جامد اوي (خصوصا ابو رواش)يعني تتصل تحجز قبلها بأسبوع عشر ايام والصيانه العاديه تاخد نص يوم - مركز قليوب الضغط عليه اقل بس مساحته اصغر
وطالما انت لسه جديد في السواقه متهيألي الجيتس كويسه .... حجمها كويس و موتور 1600 قوي تنفعك جدا في المشاوير و اللف و الزحمه وكمان المشاوير الطويله (هي الشنطه صغيره بس صالونها مريح وحلو جدا من جوه).
انما مسمعتش عن حد اشتكى منها
يعني موتور قوي و حجم مناسب و متهيألي هي دي المعادله اللي انت محتاجها


الساعة الآن 03:35 PM.
صفحة 2 من 3 1 2 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017