|
رد: حكايتي مع حادثة موتوسكل ( واتصرفت إزاي )
الف حمد الله علي سلامتك و الحمد لله انها جات علي قد كده.
طبعا موقف لا تحسد عليه و ربنا يكفيك و يكفينا شر الطريق. |
رد: حكايتي مع حادثة موتوسكل ( واتصرفت إزاي )
احمد ربنا طبعا علي كل شي انا اعرف واحد جالي يأمن بعد حادث لعربيتة هو كان بيقول التأمين دة حرام وفضل ماشي بالعربية سنة زي الفل من غير خربوش وبردو حادث موتوسيكل بس الحوار مختلف شوية في شارع فيصل الله يحرقة وانتو عارفينة قد اية شارع زحمة ومقرف الراجل سايق براحة جدا سرعة 10/20 لان الشارع واقف وقدامة طابور عربيات (اصل كل حاجة عندنا دلوقتي بالطابور - المهم) هوة دورة في الطابور رقم 3 العربية رقم 1 وقفت فجأة علشان موتوسيكل عدي من علي الجزيرة الي في الطريق بسرعة من قدام العربية والعربية 1 صاحبها اتبهدل قبل كدة في القسم بسبب موتوسيكل بردو راح مفرمل وقال مش مهم عربيتي من ورا المهم اني ملمسوش علشان مرحش القسم . بس طبعا غلطة باقي الطابور وغلطة كل الناس الي بتسوق في مصر الا من رحم ربي تلاقي الطابور ماشي مفيش نص متر بين العربيات وعلشان كدة العربيات كلها لما رقم 1 يفرمل كل العربيات بتبوس بعض وكلو بيخيش . طبعا المهم بقي ان البوسة بتاعت صاحبنا اتكلفت 7500جنية مصر في عربية نيو اكسنت ومن ساعتها غير فكرتة عن التأمين ونستفيد من القصة دي 1- انك لما تبقي سايق سيب مسافة كفاية بينك وبين العربيات الي جنبك. 2- خليك مركز في الطريق. 3- الناس الي بتعاكس وهي سايقة تحترم نفسها. 4- بلاش اختراعات في السواقة وشغل العافية علي الطريق . 5- بلاش موبيل والاخطر الدفيدي. هتلاقي الطريق ماش كويس من غير مشاكل علشان احنا الي بنعمل المشاكل وكمان الطرق بتاعتنا زي الزفت وربنا يحفظنا جميعا.والي يشوف بلاوي الناس تهون علية بلوتة وعجبي |
رد: حكايتي مع حادثة موتوسكل ( واتصرفت إزاي )
ألف حمد لله على سلأمتك وقدر الله وماشاء فعل ، بس على فكرة أنا اللى مضايقنى فى الموضوع أنك مش غلطان وكمان ربنا سهلهالك وأهل الولد أتصلحوا معاك وبالرغم من ذلك رحت أديت الوله الأمين 150 جنيه ،طب ليه!!!!!!!!!!
وشوف أنت بنفسك بتقول أنك دخت السبع دخات عشان تجيب صورة المحضر ؟!!!!!!! يا أخى أعلم أن ما أصابك لم يكن ليخطك وما أخطاك لم يكن ليصيبك وكل شىء مكتوب يعنى كنت تسيب كل حاجة تمشى فى وضعها الطبيعى ومكنش ليه لزمة اللى انت عملته وتديه فلوس وده مبلغ مش قليل ، الموضوع أبسط من كدة بكتير وأهم حاجة فى الموضوع وربنا سبحانه وتعالى حلها لك من عنده وهى أن الولد بتاع الموتوسيكل بخير وأهله طلعوا كويس وتصالحوا معاك ،تقوم أنت تيجى بعد كده وتصعبها على نفسك ، مش منطقى طبعا لأن لو كان الولد بتاع الموتوسيكل حصله حاجة فماكنش أمين الشرطة ده هيسيبك والفلوس اللى أنت أديتهاله دى سمحنى ومتزعلش منى حرام عليك وذنب لأزم تستغفر ربنا عليه لأنك بأختصار رشيته ، أنا قولت لك متزعلش منى وسامحنى بس واجبى كمسلم يحتم عليه أقولك كده . وبعدين كده أو كده سواء غلطان أو مش غلطان شركة التامين لأزم تدفعلك وبرده سواء غلطان أو مش غلطان هايخصموا منك -شفت بقى ان كلها محصلة بعضها ومن حقك أنك كنت تعمل محضر أثبات حالة بدون أى فلوس واذا أعترض أمين الشرطة فتوجه للضابط وهو هايسعدك ( لأن زى ما فى ناس وحشة لسه برده فى ناس كويسة )، بس يظهر أنك ومعلش متزعلش منى تانى -طمعت أمين الشرطة أو بمعنى أصح هو حس وقراء فى عنيك أنك عندك أستعداد تدفع ؟!!!!!!!!!! عماتآ حمد لله على سلمتك وربنا يسللم طريقك وطريق الناس كلها وأرجو أن تتقبل مرورى . |
رد: حكايتي مع حادثة موتوسكل ( واتصرفت إزاي )
الف حمدلله علي سلامتك وانتا غلطان انك اديت الامين ده فلوس
انتا من حقق انك تعمل محضر من غير ما تدفع ولا مليم هوه شاف انك طيب وخد منك كل اللي هوه عايزه انا لو منك كنت كلت الامين ده جوز اقلام محترمين المهم حمدلله علي سلامتك وهيه عربيتك نوعها ايه والحادثه ديه حصلت فين وياريت تفيدنا دايما بكل ما هوه جديد مع شركة التامين وانتا صحيح مامن فين علشان نعرف الدنيا هتمشي معاك ازاي وربنا يحميك |
رد: حكايتي مع حادثة موتوسكل ( واتصرفت إزاي ) (( تكملة القصة مع شركة التأمين )) عرفتم بقا انا دفعت لية 150 جنية
السلام عليكم جميعا اخواني
تكملة القصة اولا - بالنسبة لل 150 جنية اللي انا اديتها للامين ده ماكنش غير علشان اصلا يرضا ان العربية تفضل في مكانها عند مكان الحادث وانها ماتتحرزش في القسم لاني عارف لو حصل كده العربية (( هاتتصفي وتتسرق تماما عفوا داخل القسم )) كان فيها طفاية حريق وكاسيت وشنطه عدة وشرحة شنطة اسعاف وغطا عربية جلد وفرش جلد كل ده كان هايروح ثانيا- دفعت ال 150 جنية علشان كنت ها ادفع للبنزينة اللي بعتتلي عربية النقل والرفع 80 جنية للساعة وماكنتش عارف اني ها افضل قد اية في القسم ثالثا- انا مش سازج علشان ادفع شيء رغم ان ده حقي بس الحكمة (( كان لازم ادفع علشان يغير نوع المحضر من تهمه لسواق الموتوسيكل وانه قانونا لازم يحضر ويمضي عليه وبالطبع العربية والموتوسيكل ها يتحجزو وضياع وقت علي الفاضي واصلا الموضوع خلص بره القسم بالتراضي )) غير نوع المحضر الي (((((( ضد مجهول ))))) وانة كان امام (( سرايا القسم )) دفعت فلوس علشان ارحم نفسي والعربية من ظلم (( القانون في ظل الظروف دي - شغلي اروحو إزاي -الاولاد ومدارسهم- تقريبا كل ده كان هايتوقف لغاية التالي لازم- طبيب شرعي يشوف الواد ويحرر محضر انه سليم لازم ظابط يعاين مكان العربية ويؤكد سبب الحادث لازم العربية تتفرتك وتتساب بره القسم جنب اخواتها وتتسرق وفي النهاية استلمها بعد المعاينة عرفتم بقا انا دفعت لية 150 جنية علشان اخلص في يومها رغم اني مظللللللوم بدل ما اشتكي الوضع وضياع الوقت والمال والبهدلة (( ومن غير ما اخد حق حد بالرشوة )) دفعت فلوس علشان الموضوع يمشي صح واخيرا دفعت 3000 جنية ... زمش عارف ياترا ه اخدهم من شركة التأمين واللا لا هيا اصلها بتصفي تقريبا ( الجمعية التعاونية بالعباسية )) وانا وحظي علشان الافاده للجميع انا روحت مأمن تاني في مصر للتأمين ... ويارب يسترها معانا ومعاكم اخوكم.. واتمنا الاستفاده للجميع من حكايتي مع متوسيكل |
رد: حكايتي مع حادثة موتوسكل ( واتصرفت إزاي )
الف شكر عالمعلومات دي يا باشا
بس احب ازود .. نخلينا دايما مع ربنا لما نركب ولما لا قدر الله يحصل حاجة يعني نذكره و نستغفره ,, مش ننساه |
رد: حكايتي مع حادثة موتوسكل ( واتصرفت إزاي )
الحمدلله انها جت على كده ( قدر الله و ما شاء فعل ) و ماحصلش حاجه للولد بتاع الموتوسكيل
مع ان الولد غلطان و تلاقيهم سايقين يتمرجحوا بين العربيات يمين شمال من غير اي وسيلة امان ولو شاف لجنة يلبس الخوذة و الله يا أخي تبقى سايق و متوقع اي اي حاجه و تبقى متوتر من كل حاجه ربنا يسلم طريقنا و يحفظنا وربنا يصبرك و حسبي الله و نعم الوكيل |
| الساعة الآن 11:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017