|
رد: اخر تطورات الjac b 15
حضرتك مرة الاستهلاك قل ل 7.3
ودخلت على المنتديات الصينى لقيت ان افضل استهلاك كان ما بين 6.9 الى 7.3 انا مبقلش ان الاستهلاك عالى ابدا والله انا بس فى اعضاء كانوا عاوزين الاستهلاك كام فحسبتة وربنا يباركلك فعربيتك انا شخصيا بحبها جدا وربنا يحفظهالك كدة ويديك يخرها ويكفيك شرها |
رد: اخر تطورات الjac b 15
لأ انت كده بتغيظنى يا odaoda لكن ان شاء الله توصل للـ 6.9 لتر - ساعتها ابيع السيراتو واشترى السندريللا
|
رد: اخر تطورات الjac b 15
اخر الاخبار العربية عاملة مع اول مالك فالجمهورية 15600 كيلو بسم الله ما شاء الله ربنا يبعد عنة العين ويعينة يارب
واستهلاك النزين معاة بقى بعد صيانة ال5 الاف 6.7 بمتوسط للل 100 كيلو ياريت كل الى معاة العربية يتابع ويقولنا عربيتة عاملة كام كيلو واية اخبارها معاة والمميزات والعيوب والى عندة عيب ميتحرجش منة دة وراد فكل العربيات والله المستعان على افادة الجميع |
رد: اخر تطورات الjac b 15
العربية فعلا حلوة بس هل الوكيل هيفضل يدعمها ، وعلى فكرة العربية عجبانى قوى
|
رد: اخر تطورات الjac b 15
السلام عليكم --- معلش يجماعه --- هكتب عن شىء قالقنى شويه --- وهى ملاحظه!!!!!! عن بعض المشتركين اوالمشاركين فى قسم السيارات جاك على سبيل الحصر !!!!! بلاحظ ان فى ناس بتدخل فى مواضيع بعينها لمجرد تسخين الموضوع ليس الا !!! اى انه لاتجد فى ردودهم اى شىء قد يفيد لامن قريب او بعيد فى صلب الموضوع --- فتشعر ان المقصود هو اما اظهار السياره بشكل يقلق او تشويه صورتها بأثارة القلق فى نفوس المتحمسين لهذه الماركه او لموديل معين فيها --- فهناك من يسأل اسئله مطاطه ويلف ويدور ويرجع من حيث بدأ سؤاله وفى النهايه هو خايف من الصينى او خايف من السياره او خايف من التوكيل --- على الرغم اننى معه اى مع الذى يخاف اويقلق ولكن عن نفسى لن اسهب فى الخوف لأن كل شىء له حدود يعنى مش هقضيها خوف على طول بمعنى اننى هفضل قلقان لفتره ولأنى محتاج سياره ومحدش اخد على ركوب سياره يقدر يستمر فتره طويله يبحث بخوف وبلذات لو له سوابق وخبره مع السيارات ---لذلك فأن فترة الخوف هذه مش هتاخد كتير اقله ايام وابدأ اتخذ القرار المصيرى بلشراء لأنى بلبلدى كده خلاص هبقى دست السوق كله وعرفت طلبى ايه ما أنا شوفت اى التوكيلات أحسن وأى الدول اولا بلشراء لمنتجاتها وذلك بناء على السمعه والخبره --- يعنى من الأخر طالما الموضوع صينى يبقى يفتح الله وخلينا فى المضمون --- ارجوا من القلقانين ألا يزيدوا فى قلقهم لأنهم بصراحه عن نفسى بقلق على قلقهم --- وبحبلهم الخير والله -- ارجوكم يامن لاتقتنعوا بلصينى متتعبوش روحكم وخليكم واضحين مع انفسكم --بمعنى عندك استعداد للمغامره زى وزى غيرى ممن غامرو وتوكلوا على الله واشتروا ولا لألألألألألألألألألألألأل ألألأ وكفايه نغمة انا قلقان من الصينى وانا مش واثق فى الصينى وفوانيس رمضان واشياء اخرى بتتقال بجد انا لو فى مكان اى احد مش معترف بهذه السيارات لن التفت اليها واضيع وقتى على النت واشارك فى اى موضوع يخصها لأنه --- طالما وجد مواقع للحديث عن السيارات الصينى او حتى اى منتج صينى يبقى ده معناه ان هذه المنتجات اصبحت امر واقع وان شئنا ام ابينا سوف تجد ناس تشتريها وتتعامل معها فلول اختلاف الأذواق لبارت السلع المهم مش عيزين قاسم السماوى ينكد علينا لمجرد ان الواحد اختار شىء يرى فيه انه غزال وليس قرد يبقى كده الصينى فى عيننا عزال --- وكفايه ارحمونا سبونا نفرح بعربيتنا ونتحمل اخطائنا ---- ويكفى كلمة مبروك --- وكل سنه وجميعكم بخير-- بس على فكره المش هيشترى هو عارف نفسه لأنه مفضوح با أسئلته ده بيبقى شخص قاصد شىء فى نفسه ولكنه مكشوف !!!!!!!!!!!!! كفايه بقى ????????????
|
رد: اخر تطورات الjac b 15
استاذ ايمن انا معايا العربية اصلا وشاريها من زمان!!
اخبار العربية معاك اية |
رد: اخر تطورات الjac b 15
استاذ odaoda -- انا عارف ان حضرتك معاك العربيه من قبل ناس كتير فى المنتدى --- وعارف حضرتك انا اشتريت العربيه من اول اعلان قرأته فى اخبار اليوم و لكن قبلها كنت ناوى على عربيات اخرى من ضمنها التيجو والأم 11 والألنترا والكروز ولكنى بعد ما اتفرجت على التيجو وشفت انها ضيقه جدا من الداخل وان مكوناتها وتقفيلها لايرقى بسياره suv على الرغم ان العربيه كا تصميم عشره على عشره ولكن كل هذا وبعد المقارنه وبين كل هذه السيارات من اوجه عديده وجدتنى امام الجاك وكأنها هى التى تختارنى مش انا البخترها --- فعلا سياره جيده من جميع الوجوه --- والى الأن العربيه الحمدلله تمام واستهلاك البنزين مثلك بلضبط لأنى متابع جيد لملاحظات حضرتك الجيده وان كنت حزنت جدا عندما علمت ان سيارتك اتخبطت --- ربنا يعوضك خير--- للمره الألف السياره زى الفل --- ونفسى اليتكلم يتكلم عن تجربه شخصيه او خبر يكون واثق فيه وبضمير لايشوبه الخبس -- وكل سنه وحضرتك بخير -- وانا فهمت كده ان حضرتك من الشرقيه -- على فكره انا كنت جامعة الزقازيق --- خريج حقوق بس من زمان لأنى عجوز شويه يعنى انا دفعت 84 شوف بقى من امتى وقضيت فى الزقازيق اجمل ايام عمرى على الرغم ان هذه الفتره لم تكن الزقازيق كمدينه بها اى شىء يختلف عن غيرها من مدن الدلتا اوميزه يعنى ولكنها كان لها طعم جميل وتشعربأنك وسط اهلك بلفعل -- المهم مش عايز اطول على حضرتك -- ارجوا ان تكون فى اتم صحه وبخير وربنا يفرحك بسيارتك الجميله ودع القافله تسير!!!!!!!!!!!!!!! رمضان كريم عليك وعلى الأمه الأسلاميه يارب--- السلام عليكم
|
| الساعة الآن 08:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017