|
رد: عاوز أركب موتور علي عربيه إيديا 2 علشان موتورها زباله
اقتباس:
السلام عليكم معلش حضرتك متأكد إن موتور الألتو يركب عليها علشان أنا مش عاوز ألعب في الحوض وشكرا لك وياريت لو فيه إقتراحات تانيه |
رد: عاوز أركب موتور علي عربيه إيديا 2 علشان موتورها زباله
السلام عليكم أنا لسه جاي من المرور وسألت علي تغيير الموتور قالو ينفع بشرط عدم اللعب في قواعد الموتور ويكون الموتور معاه إفراج جمركي وده طبعا عادي المواتير الإستيراد لها إفراج جمركي بس المهم الموتور يركب بدون تعديل في القواعد وشكرا |
رد: عاوز أركب موتور علي عربيه إيديا 2 علشان موتورها زباله
السلام عليكم معلش أنا لقيت الكود ده للموتور الأصلي DA468Q وده لينك فيه صوره ومعلومات http://www.chinacartimes.com/2007/05/01/the-ideal-car-ideal-2-about-to-hit-the-streets/ |
رد: عاوز أركب موتور علي عربيه إيديا 2 علشان موتورها زباله
وده الموقع الأصلي للعربيه http://www.changheauto.com/html/English/Ideal.htm |
رد: عاوز أركب موتور علي عربيه إيديا 2 علشان موتورها زباله
اقتباس:
السلام عليكم أستاذ محمود معلش فيه واحد هنا في المنتدي معاه هافي لوبو ودي نفس الموتور بتاعي القديم نفس الرقم بيقول ركب عليها موتور شاريد 1000 سي سي 3 سلندر وبيقول ركب علي نفس القواعد الأصليه في الحوض كل التعديل بس في التوصيلات الكهربيه والكوبلن الشمال طوله شويه عند الخراط وبيشكر جدا في موتور الشاريد وبيقول أحسن من الألتو لأن الناس اللي عندها ألتو بيغيرو مواتير برده وكمان الألتو هندي مش ياباني وبيقول موتور الشاريد قوي جدا عن الموتور الصيني مع العلم إن الصيني 1100 سي سي والشاريد 1000 سي سي فياريت تقولي رأيك وياسلام لو رقم موبايلك وشكرا جزيلا لك |
رد: عاوز أركب موتور علي عربيه إيديا 2 علشان موتورها زباله
اقتباس:
ماتور الشاريد حلو جدا و قوي كمان......... بس اسأل علي قطع غياره عامله ايه غالية ولا رخيصة...?? و اتأكد ان مش حيبقي في تعديل اما يركب..... و علي فكرة ماتور الالتو ممتاز جدا و هو 1100 cc مفيش منه 1300cc و اسأل علي قطع غياره برده.... و شوف اقل واحد حيحصل في العربية تعديل و ركبه و انشاء تبقي تمام و بالتوفيق انشاء الله |
رد: عاوز أركب موتور علي عربيه إيديا 2 علشان موتورها زباله
أنا بقترح عليك تسقط لها موتور أوبل كورسا 99 1100 سي سي بس مش متأكد من القواعد دي بس ممكن تودي العربية لميكانيكي أوبل ( فيه واحد اسمه صابر عند رابعة العدوية خلف مبنى الجيش الأخضر ) وهو يقولك ممكن يركب عليها ولا لا وفي الحالة دي هايكون أحسن من كل المواتير المقترحة لو نفع
|
| الساعة الآن 12:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017