|
رد: استشارة لشراء سيارة 7 راكب
السلام عليكم ورحمة الله وبركاته
جزاك الله خيرا أخي أيمن وجزاك خيرا أخي أبو نورا بمشيئة الله تعالى أستخير الله فيما تنصحاني به وأرجو من أهل المنتدى الكرام ألا يبخلوا علي بالنصح وأخيرا أريد رأيكم في السيارة Chana CM8 Benni فقد قال لي بعض الأخوة أنها 7 مقاعد وجزاكم الله خيرا على النصائح الغالية ,,,,, |
رد: استشارة لشراء سيارة 7 راكب
السلام عليكم يا شيخ خالد
أهلا بك معنا في مصر موتورز المبلغ 30000 جم مقدم صغير للحصول علي سيارة 7 راكب بالاضافة للقسط 1000جم شهريا كما اقترح ayman abdelrazek ، بيجو 504 7 راكب ممكن يبقي حل معقول كبداية لو حضرتك معاك سيارة حاليا يا ريت تقول نوعها علشان نفكر معاك بوضوح أكتر في حلول غير تقليدية شوية زي الـ SUZUKI التونايةptmnlo123per160 بحوالي 70000 كاش أو بعض السيارات الصيني الشبيه (في منها أشكال غير تقليدية) أما الافانزا المانيوال 1.3 بـ 89000 جم التقسيط في معظم الشركات حيبقي في الحدود دي مقدم: 30000جم قسط شهري: 1470 جم لمدة 60 شهر ptmnlo123per144 أما الافانزا المانيوال 1.5 بـ 104000 جم مقدم: 30000 جم قسط شهري: 1845 جم لمدة 60 شهر اللوجان 1.6 بـ 92000 جم مقدم: 30000جم قسط شهري: 1545 جم لمدة 60 شهر أما اتفاقية أغادير فلن تتبق علي اللوجان الـ 7 راكب لانها لن و لم تصنع في المغرب |
رد: استشارة لشراء سيارة 7 راكب
اقتباس:
و عليكم السلام و رحمة الله و بركاته القلوب عند بعضها يا شيخ خالد ptmnlo123per122، بص يا شيخ العربية دي هي اللي قصدي عليها في الرد فوق أنا شوفتها ، شكلها غريب شوية (أزواق) و الباب الخلفي منزلق زي الميكروباص عملية جدا بس بعد مرور سنة العربية بقي شكلها عجوز جدا معنديش معلومات عنها اكتر من كده و ربنا يوفقك للاصلح لك |
رد: استشارة لشراء سيارة 7 راكب
السلام عليكم ورحمة الله وبركاته
جزاك الله خيرا أخي إســلام ونسأل الله أن يتقبل صيامنا وقيامنا وأن يرزقنا التقوي وأن يعننا على ذكره وشكره وحسن عبادته |
رد: استشارة لشراء سيارة 7 راكب
السلام عليكم جميعا ....
شوف يا شيخ خالد الشانا دى اوعى تجيبها... فى عربيات صينى كتير دخلت مصر زى ما تقول ماسورة سيارات صينى وانفجرت الحلو فيها واللى له خبرة زى السبرانزا والبرليانس مش فالح مابالك بالسيارات التانيه اللى زى الشانا والفروته...الخ. صدقنى با شيخ التوكيلات بقت تتسابق على اللى يجيب عربيه صينى فاكرين الناس مش فاهمين حاجه انا نفسى سافرت الصين وماشفتش هناك غير السيارات الشهيرة(فولكس-مازدا-ميتسوبيشى-شيفروليه-اودى-تويوتا-بيجو-فورد-كاديلاك-مرسيدس- بى ام) والسبرانزا كانت موجوده على استحياء. ابدأ انشالله بال 504 على فكره فى منها مكيف.... ولما ربنا يرزق من نعمه ابقى هات اللى نفسك فيه زى ما ابونورا واسلام والاخوه اللى اقترحوا عليك.. على فكرة ممكن تلاقى 505 ستيشن بس هتبقى غاليه شويه ولو صبرت شويه ممكن تركب مرسيدس الأسستيشن اللى بيقولوا عليها الأسرائيلى اللى شغاله على خط العريش لأنها هتتلغى وبرضه هيبقى سعرها تراب والله المستعان على ما يصفون... |
رد: استشارة لشراء سيارة 7 راكب
السلام عليكم ورحمة الله وبركاته
جزاكم الله خيرا أخي أيمن أنا فعلا أبحث الأن عن معرض يقسط طبقا لإحكام الشريعة الإسلامية و سأقوم بمراجعة بنود العقد وعرضها على العلماء فإن أفتوا بجوازها وإلا فسأبحث عن ال 505 وجزاكم الله خيرا |
رد: استشارة لشراء سيارة 7 راكب
لنكات الموضوعين دول عن شراء السيارات بالتقسيط من الناحية الاسلامية
موسوعة فتاوى التقسيط نظام التقسيط داخل بنك فيصل الإسلامي يا ريت يا شيخ خالد تشارك فيهم و تحكيلنا تجربتك في الآخر ربنا يوفقك للأصلح |
| الساعة الآن 05:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017