|
رد: خواطر ما قبل الفيرنا
الف مبروك مقدما يا استاذ ايساف وربنا يديك خيرها ويكفيك شرها
العربية بسم الله ما شاء الله جميلة جدا الاتوماتيك بتزيد علي الفول اوبشن المنيول في فوانيس الشبورة وجنوط 14 ومريات كهربا ولو هتيب الفيرنا استار هتزيد عتب رياضية وسبويلر وشبكة امامية رياضيه وفرش داخلي مختلف وافضل من الفرش القديم وتابلوه وعددات رياضية وطاسات رياضية واي استفسار تاني احنا في الخدمة وهيبقي كدا الفيرناوية زادو واحد وتقبل تحياتي |
رد: خواطر ما قبل الفيرنا
اخى corsair واخى kae انا سعيد بالردود المشجعة وان شاء الله هنزل الصور قريبا اخى corsair العربية اوتو عادة موش ستار بس انا ان شاء الله اول شئ هركبة الشبكة الرياضية تانى شئ هشيل الفرش واشوف فرش رياضى يكون فيبر او مصنوع من المواد المضغوطة بحيث ان الصالون يبق اوسع شوية وخصوصا الكنبة حتى لو عرفت اغير الكنبة فقط وفى فكرة بس موش هركب اسبويلر لانه فلوس على الفاضى ممكن اعمل فتحه سقف بس لما اخلص الضمان ههههههههههههههههههههههههه ه اللى ناوى يشتغل فى عريتوا الفيرنا يبق يقولى ونتفق ونبداء شغل مع بعض وبردوا الجنوط هغير لونا بس موش عارف هيبف فى مشاكل وال لاء يعنى المشوار طويل بس ان شاء الله هيبق فى شكل تحفة فى الطريق وممنوع سرقة الافكار هههههههههههههههههههههه
|
رد: خواطر ما قبل الفيرنا
هههههههههههه ده انتا داخل سخن ليه كدا يا ايساف متحاولش تعدل فيها لحد ما فترة الضمان تعدي
بالنسبة للفرش حرام لو شلته هينزل من قيمة العربية كتير انتا ممكن تشيل الفرش والكراسي والكنب عندك وتجيبلك كراسي ريكاردو ولما تفكر تبيعها ترجع كل حاجه زي ما كانت وبالنسبة لفتحة السقف خلي بالك علشان لو متعملتش صح تجيبلك بارومه مع اول نقطة ميه تنزل علي العربية وبالنسبة للجنوط متغيرش عن اللي نازله بيه يعني ممكن تركب جنوط اسبور مقاس 14 اعلي من كدا هتخرج من الضمان بس والله انا عجبني الحماس بتاعك ده بس انا شايف ان الاسبويلر هيكون اشيك ولو لقيت حد عنده اسبويلرات زي بتاعت الانسر البومه ينفع يركب علي الفيرنا لو عرفت سعره ابقا قولي |
رد: خواطر ما قبل الفيرنا
هو حماس مبتدئين ههههههههههه بس موضوع البارومة لية اكتر من حل والحمد لله مش مشكلة دلوقت اهم شئ الفرش وانا طبعا مكنتش هغير الفرش وابيعة هههههههه لا عندنا بيت فاضى عاملة ورشة ليا مليان كيسات كومبيوتر ومليان حاجات وخردة ههههههههههه هبق احط فية العفش وهحاول اشوف كراسى وكنبة بيبق شكلهم زى فيبر مضغوط موش بياخد مساحة زى العفش اللى نازل فيها الاسبويلر انا موش مقتنع بية بس انا شوفت طقم أضاءة تحت العربية بس موش نيون هما 6 او 8 كشافات بتتركب بلازق او بشنيور زى مانت عايز وفى منهم جميع الالوان انا عايزك تقول سعر ليهم اشوف انا اتضحك عليا وال لاء لان كان فى صديق نازل من بولندا وقولت له امبارح يجيب لى الطقم ده والموقع تحفة فى شوية اكسسوارات انا كنت عايز اشترى حاجات كتير بس للاسف هو مكنش معاه مكان فى الشنط والوزن معاه كان كتير عموما انا اشتريت الطقم ده بما يساوى 25 جنية مصرى يابلاش وهرفع لكم صور الطقم ده بس لما ربنا يرزق بكاميرا كويسة هههههههههههههههههه المهم انا هنتظر لما الضمان يخلص مع انى موش مقتنع بية لان احمد كار علمنى ازاى اعمل الصيانة بنفسى الله يكرمة الفيديوا بتاعه جامد اوى وانا فهمت من اول مره الحمد لله
|
رد: خواطر ما قبل الفيرنا
استلمت ولا لسة ؟ عامتا مبروك مقدما
|
رد: خواطر ما قبل الفيرنا
والله يا ايساف انتا برنس زمانك لعلمك انتا ممكن تكلم صاحبك ده لو يعرف يبعتلك من اللمبات ديه هتعمل بيها احلي مشروع هنا وسلملي علي غبور ملك الطيور
|
رد: خواطر ما قبل الفيرنا
الصور فيين يا ايساف باشا
|
| الساعة الآن 07:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017