رد: تقرير شامل عن JAC A Class
 

لو دى فعلا اسعار قطع غيار التوكيل والله العظيم يفتح الله دى اسعار حرام جدا نفسى افهم اية الفايدة من اقتناء سيارة صينى مازالت تكافح وتجاهد لتجد لها موطء قدم
قطع غيار باهظة الثمن
سعر السيارة يعتبر باهظ مقارنة بجودة السيارة واسمها وتاريخها واداءها
سعر اعادة بيع فى الارض وربما تحت الارض
ياريت يا جماعة ما نشتركش فى المهازل دى احنا كمستهلكين اللى بنورط نفسنا زى ما عملنا من سيارات كتيرة فى السوق المصرى اسطورة السيارات وزى الدهب فى حين انها غير مقبوله فى سوق فى العالم ولا حتى الهند وزلالت تنتج عندنا للان مع ان الموديل شاخ وكبر ومات ودفن الا انها مازال يوجد منة 2010
احنا بنعمل دعاية من غير ما نحس
طيب على الاقل نتظر على الاقل سنة نشوف تشغيل السيارة ازاى فى الاجواء المصرية ومدى تجاوب التوكيل
المفروض ان التوكيل هو اللى يكافح علشان يفتح السوق بعروض اسعار وتخفضيات وصيانات مجانية الخ كما فى دول العالم الخ وشكرا ودمتم بخير

رد: تقرير شامل عن JAC A Class
 

لان بكل بساطة الاسبرانزا اثبتت نفسها اكتر من سنة بالذات الموديل a113 يتمتع بتشغيل سلس وجيد واقتصادية رائعة وسعر مقبول ذكى منافس يعنى مش مساله اشمعنى انا عندى عةامل ومقاييس من خلالها بقييم الموضوع من خلال نبض الشارع
ممكن تكون العربية الجاك اكتر من ممتازة لكن دة تسرع واندفاع اننا نقييم عربية عمرها ايام وحدش جربها
يعنى يحتمل انها تكون ممتازة او سيئة او متوسطة لكن نعمل دعاية صعب اوى
وبعدين برغم مساوىء وسيئات ابو الفتوح الا انه له الاستمرارية فى السوق يعنى مش فص ملح وداب مراكز خدمة عملاقة وشبكة موزعين وقطع غيار فى السوبر ماركت تلاقيها وحققت انتشار فى فترة وجيزة بشكل تصاعدى ملفت للنظر هذة حقائق وليس كلامى انا هنا فى مصر موتورز حيادى يجب ان تكون جميع انواع السيارات على محك النقد بكل تجرد لانارة القراء واظهار لهم ما هو الاجود والجيد والوسط والسيىء يجب ان يكشف الجميع هنا خبراتهم للرأى العام لتعم المعرفة والفائدة طبعا يوجد البعض هواة والقليل محترف ولكن فى المجمل كلها تصب فى ملف الحقائق والتققيم النهائى وانت تقرر المهم انك تكون على يقين بانك لم تهدر اموالك ولك حرية القرار والاختيار وتقبل خالص التحية والاحترام وشكرا لسعة صدرك اسف للاطاله

رد: تقرير شامل عن JAC A Class
 

شكرا يا باشا
وعموما انا كنت حابب اتوصل لشئ او بمعنى اتأكد من معلومة سبب شدة هجومك على كل سيارات جاك وقد اثبت صحة ذلك
وعلى فكرة منيين قررت تدني سعر اعادة بيع الجاك مع ان لسه محدش عرضها للبيع
وام بخصوص اهتمامك بأن تعم الفائدة للقراء طيب ادي فرصة للي اشترى العربية او اللي شافها يقول رأيه بدون هجوم من او سياسة التخويف

رد: تقرير شامل عن JAC A Class
 

مشكووووووووووورررررررر

رد: تقرير شامل عن JAC A Class
 

هى منطق معروف عربية مفيش منها جديد فى السوق ولازلت قيد التجربة وتوكيل اسمة غير رنان ومركز خدمة وشبكة توزيع لازلت فى حدود الدنيا هذا كله يجعل اساسا اعادة بيع السيارة مستحيل خصوصا انها جديدة وغير منتشرة من سيبع سيارتة الا لو كانت مقلب هذا التفسير الطبيعى مع الاخذ فى الاعتبار العوامل السابقة وشكرا لك

رد: تقرير شامل عن JAC A Class
 

عموما كويس ان لسه محدش قال عليها انها مقلب وعرضها للبيع
ودليل على جودة الصيانه والتوكيل حجم مبيعات الجاك النقل واعتقد ان السيارات العاملة في هذا المجال لا تلاقي اقبال الا اذا كانت جديرة بذلك والدليل على هذا كثرة انتشارها وفي المثال وليس الحصر عدم تواجد سيارة اسبيرانزا النصف نقل في السوق

رد: تقرير شامل عن JAC A Class