مصر موتورز مجتمع السيارات - رسالة تحذير لسائق السيارات المتهور

مصر موتورز مجتمع السيارات (https://www.masrmotors.com/vb/index.php)

- صور وفيديو الأعضاء (https://www.masrmotors.com/vb/forumdisplay.php?f=57)

- - رسالة تحذير لسائق السيارات المتهور (https://www.masrmotors.com/vb/showthread.php?t=27311)

رد: رسالة تحذير لسائق السيارات المتهور

اقتباس:

المشاركة الأصلية كتبت بواسطة احمد على 1999 (المشاركة 193116)

مش عارف اقول ايه
جزاك الله خيرا
الفيديو اثر فيا جدا جدا
و معلش فى الى حقوله
لو على قد اذية الى بيمشى بسرعة لنفسه تبقى هينه
الكارثة زى ما الفيديو عايز يوضح انك غير انك حتدمر حياتك الكارثة انك حتدمر حياة ناس ابرياء تانية متعرفهمش بس غيرك يعرفهم
حتحرم ام و اب من ابنهم او بنتهم و دى اصعب حاجة فى الدنيا و الى يعمل كده متهياليش حيعرف يعيش كانسان تانى حتى لو فى السجن
او تحرم اطفال من امهم او ابوهم
و ممكن الكلام ده يبقى قدام عنيهم
يا رب الناس الى تشوف الفيديو ده تتعظ قبل ما تدخل جهنم ( اصل السواقة فعلا حتدخل ناس كتير جهنم )
و تحكيه و توريه لكل الناس

اقتباس:

المشاركة الأصلية كتبت بواسطة احمد على 1999 (المشاركة 193119)

على فكره لو المنتدى قائم على الموضوع ده بس لكفاه ده اهم حاجة فى عالم السيارات
انا اتغيرت قبل الموضوع كنت واحد و بعده واحد تانى بعون الله
الموضوع فعلا محتاج توبة الى الله من هذه المعصية الرهيبة ( اذا مكنتش كبيره و الله اعلم ) حتى لو متسببتش لغاية دلوقتى فى مصيبة ليك او لحد من عيالك او لحد تانى
لان كل مرة بتعدى على خير معناها انك بتقرب اكتر للحظة الكارثة
و حياتك محتاجة جزء من الثانية علشان تتقلب و تقلب حياة حد تانى جحيم

اقتباس:

المشاركة الأصلية كتبت بواسطة احمد على 1999 (المشاركة 193122)

اناشد ادارة المنتدى بكل قلبى
الموضوع ده يبقى بشكل ما يبقى متاح لكل حد يدخل المنتدى ( يعنى ميبقاش يتلاقى بالصدفه )
مثلا زى رسالة ادارية فى اول ال log in و الى عايز يشوف يشوف و الى شاف يعمل skip

اقتباس:

المشاركة الأصلية كتبت بواسطة احمد على 1999 (المشاركة 193141)

و على فكره معظم المصايب الى كانت فى الفيديو كانت على سرعات مش عالية ( معظمها جوة البلد ) يعنى العربية بمجرد ما اتحركت اصبحت اداة قتل محتملة للى فيها او براها فربنا يهدينا جميعا و يسلم طريقنا
حتى اتفه الحاجات تعتبر كارثة زى ما ترد على تليفون بايدك و تسوق بايد واحدة و يا سلام لو العربية مانيويل كده انت تحولت لقاتل محتمل جاهز يقتل فى اى لحظة من غير ما يدرك

أستاذ أحمد على ... جزانى الله وإياك
وأشعر بكل ما تقوله
فأنا مثلك تماماً ،،، تحولت 180 درجة بعد مشاهدة هذا الفيديو
فهو مؤثر جداً جداً جداً

ربنا يسترها معانا ويسلم طرقنا كلنا

رد: رسالة تحذير لسائق السيارات المتهور

اقتباس:

المشاركة الأصلية كتبت بواسطة احمد بدر1978 (المشاركة 193137)

بجد ممتاز تسلم ايدك ارجوا من الادارة التثبيت للاهمية الواحد بجد لازم يفكر فى طريقة سواقتة وفى الى بيحبوة وعيزينة يرجعلهم بالسلامة

الله يسلمك أستاذ أحمد

اقتباس:

المشاركة الأصلية كتبت بواسطة hazem_khidr (المشاركة 193282)

جزاك الله خيرا يا استاذ احمد السيد علي المووضع
و جزاك الله خيرا يا استاذ علي علي تعليقاتك
الموضوع مؤثر فعلا و ربنا يسترها علينا و علي جميع المسلمين يا رب

آمين ... آمين ... آمين

جزانى وإياك أستاذ حازم
وتقبل الله دعاءك

رد: رسالة تحذير لسائق السيارات المتهور

اقتباس:

المشاركة الأصلية كتبت بواسطة أحمد فاروق سيد (المشاركة 193294)

امين يا رب
انا الصراحة رحت الشغل الايام الى فاتت فغبت عن المنتدى 7 ايام و اول ما جيت امبارح دخلت على الموضوع و كنت مستنى يعمل ضجة و نسبة المشاهدة تبقى عالية بس لقيتها 78 مشاهدة فنفسى النسبة تبقى مليون و مش عارف نعمل ايه بس انا اول ما رحت الشغل من اسبوع حكيت الفيديو لناس زمايلى ممكن برضه نبعته e mail و يبقى ان شاء الله فى ميزان حسناتك يا استاذ احمد فاروق و يا ريت يبقى رسالة ادارية فى دخلة المنتدى

رد: رسالة تحذير لسائق السيارات المتهور

اقتباس:

المشاركة الأصلية كتبت بواسطة hazem_khidr (المشاركة 193282)

شكرا يا استاذ حازم و الله انا الموضوع ماثر فيا جدا و انا شفت الفيديو تانى النهاردة و ناوى اشوفه كل شوية علشان لما احط رجلى فى العربية اتلم و اسوق بما يرضى الله و ربنا يهدينى و يهدى جميع الشعب
العشوائية الى متخططه بيها شوارعنا ادت الى عشوائية السواقة الى احنا فيها بس لازم نتغير احنا و الموضوع مش صعب انا ياما خدت غرز و شديت علشان مستعجل و يا ما عديت من ناس و جيت فى اشارة او زنقة و لقيت الراجل العجوز الى سايق على مهله عدانى من حتة سالكة و هو مش فى باله فاكتشفت ان الفرق ما بينى و ما بينه

طبعا هو عدانى
استهلكت بنزين اكتر منه
عرضت نفسى و غيرى للخطر بعكسه هو معرضش نمله للخطر
عرضت العربية بتاعتى و الى حوليه للخبط
شديت اعصابى
هو وصل قبلى
و لو وصلت انا قبله فهو وصل قبل ما انا اركن

فهل الى فات مستاهل الى بعمله
و جربت اعمل العكس اراقب ناس بتشد و تاخد غرز و انا امشى عادى لقيت ان فى معظم الاحوال انا بعديهم او بوصل بعدهم بفارق لا يتعدى الدقائق مع المكاسب الى قلتها فى المثال السابق

الفرق الوحيد الى ملموس حيبقى على الطرق المفتوحة فعلا ممكن تفرق اكتر من تلت او نص ساعة على طريق زى اسكندرية الصحراوى بس هل تستاهل انك تموت او تموت او تموت و تموت الى معاك او التانيين علشان نص ساعة

رد: رسالة تحذير لسائق السيارات المتهور

جزاك الله كل خير

رد: رسالة تحذير لسائق السيارات المتهور

بصراحة الفيديو جاامد جدا بس دة يخليك تخاف تسوق اصلا ربنا يسترها علي الجميع

رد: رسالة تحذير لسائق السيارات المتهور

ربنا يحفظنا جميعا ....بصراحة الفيديو مؤثر جدا بس أحسن علشان الواحد يفكر 1000 مرة قبل ما يمشي بسرعة زائده او بتهور

جزاك الله خيرا علي الفيديو و علي النصيحة و أكرر دعائي مرة تانية ربنا يحفظنا جميعا قائدي سيارات و مشاه