مصر موتورز مجتمع السيارات - دليل صيانة فيات 128

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - دليل صيانة فيات 128 (https://www.masrmotors.com/vb/showthread.php?t=27286)

رد: دليل صيانة فيات 128

اقتباس:

المشاركة الأصلية كتبت بواسطة يحيي فؤاد الشلقاني (المشاركة 285368)

السلام عليكم و رحمة الله ... كل سنة و أنتم طيبون
الرادياتير جديد و الترمستوات بيشتغل بسرعة .. و الموتور خفيف باين من الفايس
أحياناً تسحب جامد و ساعات تحس أنها تقيلة .. هي فيات 128 موديل 85 مكتوب في الرخصة إنها 1116 سم3 هل هي 1300 سي سي أم 1100 لأني بسمع كلام مختلف من الصنايعية مرة و مرة و هل البيجهات لها علاقة بالسخونية أم لا .. و بالنسبة لفرامل اليد خفيفة أوي إيه حلها
ومن فضلكم لو فيه كتالوج صيانة فعلاً للفيات 128 برجاء إرساله و جزاكم الله كل خير و هذا بريدي yahiasenior@yahoo.com

بالنسبة لموضوع السخونة هل بيصاحبه نقصان سريع فى ماء الريداتير ؟؟

وبالنسبة لموضوع ساعات تسحب كويس وساعات لا .. فده اكيد حسب الحرارة لو مظبوطة والجو مش حر (باليل مثلا) تبقى كويسة والعكس صحيح ...

بالنسبة لسعة المحرك بتاعك هى 1116 cc لكن احنا بنقول مجازا 1100 ..

اصلا كلمة cc دى اختصار لـ Cubic centimeter يعنى سم3 (سنتيمتر مكعب)

اما بالنسبة للبوجيهات فلا علاقة لها بالسخونية ..

بالنسبة لفرامل اليد بتروح للميكانيكى وبيفك العجلتين اللى ورا وبعدين يفك طنابير الفرامل هيلاقى حاجة زى الصامولة كد وهى شداد فرامل اليد بيشدها ويربط الطنابير تانى .. ودى حاجة سهلة خالص وهتاخد حوالى نص ساعة وتديله 15 او 20 جنية ..

يا رب اكون افدتك ..

نورت المنتدى يا غالى وكل سنة وانت طيب ....

رد: دليل صيانة فيات 128

انا عندى مشكلة كبيرة فى عربيتى ال128 وفعلا انا كمان نفسى فى الدليل ويا ريت حد يرد عليا انا غيرت الأسطوانة بتلعة الدبرياج 4 مرات فى شهر واحد مافيش ميكانيكى قالى العيب فين فيدونى وياترى ابيعها احسن واخلص لكن المشكلة اعمل اية بعد ما ابيعها .ادخل فى اقساط....مش عارفة

رد: دليل صيانة فيات 128

اقتباس:

المشاركة الأصلية كتبت بواسطة يحيي فؤاد الشلقاني (المشاركة 285370)

نسيت أسالك متى يتم تغيير الزيت للموتور و الفتيس و كذلك الأبلاتين و الكوندسور
و كذل سير الدينامو والكتاينة و في حالة إن الموتور خفيف هل لا بد من عمل شمبر وقتي أما من الممكن أنتظر حتي التجديد في نهاية شهر 6 2011 و هل الشمبر يعتبر عمرة أم نصف عمرة
و كيف أثق في ميكانيكي يقول إحنا هنفتح و نغير شمبر بس ممكن نلاقي شميز و صبابات و بساتم يعنى بعد ما قالي 600 قالي ممكن تفتح مع العلم بأن فيه ميكانيكية تاني قالولي على الشمبر 300 جنيه تكلفة أصدق مين و فعلاً لو فتحت حتوصل 2000 جنيه يبقى في الحالة دي موتور إستيراد أحسن طبعاً .. و هل يوجد موتور 128 جديد زيرو و لو فيه سعره يبقى كام ... و شكراً

يوجد بالفعل موتور جديد (زيرو) للـ 128 وسألت عليه عند واحد فى شارع فيصل اسمه يوسف محمد يوسف واخد توكيل للفيات وكان سعره 4500 جنيه جديد كامل بس من غير وحدات التغذية ( كاربراتير او اسبراتير او موبينة او بوجيهات)

رد: دليل صيانة فيات 128

شكرا جميل جدا

رد: دليل صيانة فيات 128

شكرا على هذا المجهود

رد: دليل صيانة فيات 128

اقتباس:

المشاركة الأصلية كتبت بواسطة m_elmasoudy (المشاركة 309285)

ممكن عنوانه بالضبط واسم المحل وهل الموتور 1300cc ولا ايه ؟ والضمان؟ ممكن يكون موتور استعمال وهما مضبطينة ولا ايه ؟؟؟

رد: دليل صيانة فيات 128

يا جماعه انا كان عندى 128 وبعتها
لكن ممكن افدكم فى بعض الامور الخاصه بالسخونه واسبابها
1 الرداتير ممكن يكون مسدود او غطاه بيسرب(يجب تسليكه وتركيب غطاء جديد)
2 ترموستات الحراره (يكون بيفتح متاخر) يوجد ترموستات يفتح التشغيل عند اقل درجه حراره
3 اتجاه دوران المروحه يجب يكون دخول الهواء اتجاه الموتور وليس العكس
4 ضبط التكاهات وذلك يسبب السخونه
5 كهرباء السياره (الاسبراتير) ممكن تكون متقدمه او ماخره والبلاتين بيكون مقفول
وهى دى اسباب سخونه السياره 128
ويمكن عمل زر يدوى لتشغيل الملروحه بلمبه بيان عند الكهربائى
وشكرا
محمد ابراهيم