رد: انا غرقان
 

طيب انا معايا عربيتي خليجي سبورت 2010 مش عارف ادخلها الضمان................عند ك حل لو تكرمت

رد: انا غرقان
 

يا محمد يونس بية توكيل اية لو مؤخذة ان شاء الله عربيتك مش يحصل فيها حاجة ومتخفش انت بس قلقان لانها عربية جديدة وغالية متخفش خالص وارتاح وريح بالك مفيش اى حاجة بس حاول لما تخلص اول 1500 كيلو تغير الزيت والفلتر لان المحرك لسة جديد وربما اثناء عمليات التطبيع الاولى لاجزاء المحرك المختلفة يكون هناك رايش يعنى جزيئات دقيقة مش ممكن تشوفها بعينك نتيجة المحرك لسة جديد وبيطبع وبالتالى بس غير زيت محرك وفلتر زيت اصلى واستخدم زيت موبيل وان وبس خلاص مفيش مشاكل واهتم ان يكون الزيت فى المستوى المحدد وبالكمية الموصى عليها فى كتالوج العربية لان فى ناس بتحط زيت بزيادة او بتفكر ان كل العربيات بتحتاج بس الكمية الموجودة فى جالون الزيت
اطمن وغير زين وفلتر وانسى العربية حتى موعد الصيانة المقبل وتقبل تحياتى

رد: انا غرقان
 

دخول التوكيل لعمل صيانة معلوماتى انة عادى جدا ً كما ذكرت من قبل
- اما ان كنت تقصد انك تعمل ضمان ضد عيوب الصناعة كأى عربية وكيل فمعلوماتى
* هناك صالات تعطى ضمان من سنة الى 3 سنوات بمتوسط سعر السنة من 1000 جنية الى 1500 جنية
- ولكن انا شخصياً سألت فى توكيل ميتسوبيشى ( المصرية ) على هذا الموضوع واتقلى " دة نصب "
وكمان سمعت حكاية من مندوب المبيعات عند شراء عربيتى وهى خليجى دبى بضمان مباشر على الرواس وقال لى المندوب ان واحدة اشترت ضمان من صالة لعربيتها والعربية جابت وش سلندر ولما راحت تدخلها ضمان اتقلها ان الضمان دة مش من عندنا
- كما سمعت من بعض الزملاء هنا فالمنتدى ان البعض اشترى ضمان فعلا ً لعربيتة
الخلاصة :-
انا شايف ان حضرتك تروح صالة كبيرة ومحترمة وتسأل على موضوع الضمان وتعرف هو على اى جهة بالضبط وقبل ماتدفع اى فلوس تروح بنفسك ( مش تتصل ) الى مركز الخدمة وتتأكد من الموضوع وتسألهم على نوعية الختم اللى المفروض يكون على كتيب الصيانة
- ولكن نحن لم نسمع على مشكلة او عيب صناعة فى عربية زيرو ويابانى وطالما حضرتك اشتريت بالفعل يبقى تجمد قلبك مع التزامك بمواعيد الصيانة وان شاء الله تمشى الامور على خير

رد: انا غرقان
 

علي كل حال جزاك الله كل خير علي الاهتمام بس انت عارف لما بتعمل صيانه في التوكيل افضل مهما كان لانهم مهما كان فاهمين ومتخصصين وانت عارف ان ده بيحافظ علي سمعه العربيه وعلي حالتها حتي اثناء اعاده البيع لما تقول عربيه صيانتها في التوكيل غير لما تقول عربيه عامل صيانتها عند عم احمد اللي علي الناصيه..............واكي د انت فاهم مخزي كلامي فما رايك

رد: انا غرقان
 

كلامك صح ولا غبار علية لكن اللى كنت انا افقصدة لو كانت طالبة معاك خليجى لاى سبب او دافع من عندك فلا تقلق جدا فالتوكيل المحلى فى مصرى اصبح فى كثير من الاحوال مبتز اكثر من انة مقدم خدمة يعنى بقت مش فارقة وغير مؤهلين دة الاغلبية العظمى ولو فى فنى كويس فالباقى مستواهم تعبان وبعدين الاهم ان تغير الزيت والفلتر مش عايز توكيل ومش توكيل دة كله التوكيل بيسترزق لكن اى حد يعمله
وفى اغلب الاحيان لو فى مشكله بتدفع دم قلبك
وبعدين التوكيل زى كل دول العالم حتى لو العربية مش فى الضمان او من برة طالما انت جاى انة يقدم خدمة لجميع السيارات طالما بياخد فلوس بس ردة فعل الوكيل تدل على جشعة انة عايز ياكل كل حصة السوق
على العموم طبعا خليك فى السليم وريح نفسك وروح التوكيل واشترى من عندهم بس نصيحة وانت بتستلم عربيتك اعتبر نفسك انك بتاخد عربية مستعملة شيك وراهم واتأكد كل شىء سليم وحسب المواصفات وان العربية مش مضروبة او مصدومة ومتصلحة متخفش انا مش بخوفك دة مع اى عربية لازم تعمله اجراء وقائى ولك منى كل الشكر والاحترام والتقدير وقول يارب وتوكل

رد: انا غرقان
 

كتر الف خيرك علي الاهتمام بس انت واضح انك مفهمتش رسالتي انا اشتريت فعلا من بره الوكيل سبورت خليجي كويتي 2010بس بره الضمان ومش عارف اكمل صيانتها بره لاني كلمت التوكيل ورفض دخولها الصيانه عنده فهل اعملها صيانه الالف كيلو بره ولا عندك حل لدخولها الضمان والصيانه واكرر شكري

رد: انا غرقان
 

حاول تروح الرواس اللى فى العجوزة وانت جاى من الكيت كات