رد: قصة اول عربيه فى حياتك
 

رد: قصة اول عربيه فى حياتك
 

اول عربيه سوقتها كانت كورولا 97
طبعا كانت تجربه جديده و مثيره و العربيه كانت حلوه و خفيفه ف من ساعتها و انا بحب السواقه
و حبيت العربيه اكتر بعد ما سوقتها اكتر من مره و اتعودت عليها

بس دلوقتي معانا كورولا 2006 و بردو فيها نفس خفه و حلاوه ال 97 ( بس اخف شويتين ptmnlo123per1127 )

رد: قصة اول عربيه فى حياتك
 

تسلم ايدك علي الموضوع الهايل ده

انا اول عربية سقتها كانت بيجو 505 موديل 83 و كانت عربية والدي في مصر
و استلمتها منه سنه 2002 و بقت عربيتي لكن ذكرياتي معاها مش كلها سعيدة
و مقدرش اقول اني حبتها او كرهتها بس هي ادت مهمتها و اتكلت علي الله

و ممكن تلاقوا في الموضوع ده تفاصيل اكتر عنها و عن كل العربيات اللي مرت عليا
http://masrmotors.com/vb/showthread.php?t=7408&page=37

رد: قصة اول عربيه فى حياتك
 

أول عربية سوقتها كانت 128 حمراء 1300 سى سى
وطبعا كان عندى تقريبا فى حدود 11 سنة وطبغا كان شعور فظيع عمرى ما هنساه
شعور فرح وخوف وإنتعاش وقلق وتركيز وحاجات كتير
لكن أول عربية ليا هيونداى إكسيل وكنت بموت فيها وكنت بعقد ألعب بيها وأدعبس فيها فى كل حاجة فى الميكانيكة
لحد أما ربنا كرمنى بالفيكترا اللى معايا وبصراحة بغير عليها أوى ومش بحب حد يسوقها غيرى

رد: قصة اول عربيه فى حياتك
 

انا اول عربية هيا الكيا برايد ولسه معايا لغاية دلوقتى العربية بصراحة اصيلة وقطع غيارها حنينة واسرع مما كنت اتصور وساعات كمان بتشد حلو معايا

انا فاكر اول ما جيبتها كنت كل خميس انزل بيها بعد الساعة 12 واروح بيها لغاية مدينة الشروق عند نسايبى وفى الايام العادية كنت باصحى من الساعة 5 وانزل الشغل قبل معادى علشان اسوقها ولما كنت اروح الشغل افضل مستنى معاد انتهاء الشغل علشان برضو اسوقها

ده هوس السواقة وصل بيا انى مرة عرضت على واحد صاحبى انى اروحله من عندى فى وسط البلد لغاية عنده فى مصر الجديدة واوديه مشوار لغاية 6 اكتوبر وبعدين ارجعه تانى مصر الجديدة وبعدها ارجع تانى وسط البلد وسوقت يوميها اكتر من 3 ساعات وكنت مرهق جدا والتنك فضى فى المشوار د مع انى كنت مفوله بس كنت سعيد بالمشوار ده .

رد: قصة اول عربيه فى حياتك
 

أول عربية سقتها، وما زالت معايا، وكل ما أفكر أبيعها ما تهونش، وبأحبها جدا: مازدا 323 الجيش، أصيلة جدا

رد: قصة اول عربيه فى حياتك
 

مرسيدس 230 مو97 بس مش سواقه سواقه أصل إتقفشت بدري وهاتك يا زعيق هههههههه
أما أول مرة بجد كانت لانسر بومة مو2005