|
رد: السكودا اوكتافيا 2009 وقائمة بالتعديلات الجديدة
ماشي
معاك حق على العموم هنشوف الباسات القادمه و نسخ ال A6 , A8 من اودي على الرغم من معرفتي انها لن تكون تحول شديد |
رد: السكودا اوكتافيا 2009 وقائمة بالتعديلات الجديدة
معلش أنا فى حاجة عاوز أقولها
هو مش هجوم على صاحب الموضوع لا سمح الله بس هو توضيح عشان ميبقاش فى مشاكل مع منتدى أخر الموضوع ده موجود وتقريباً بنفس النص بس بالأنجليزى فى منتدى أخر و فيه صور من نفس الموقع Carscoop و أنا كنت مشارك فى الموضوع اللى على المنتدى التانى ببعض الصور و كمان التفاصيل الأنجليزى. ومعنديش مانع أنه يتنقل بس أنا كلامى عشان ميحصلش مشاكل............والله من وراء القصد |
رد: السكودا اوكتافيا 2009 وقائمة بالتعديلات الجديدة
انا متفهم قصدك تماما بس لازم اوضح لحضرتك بعض النقط بصفتى بفهم على قدى فى موضوع النشر والمصادر الاخبارية
الموضوع حضرتك بتقول انة موجود فى منتدى تانى بس بنص انجليزى طيب حضرتك عارف مصدر النص الانجليزى اللى فى المنتدى التانى منين ؟ المصادر الاخبارية تقريباً واحدة خاصة فيما يخص الاخبار المتخصصة زى اخبار السيارات وبالاخص لما الكلام يبقى عن عربية جديدة لسه الشركة منزلتهاش فى السوق ولسه حتى معملتش ابديت للموقع بتاعها علشان يشمل معلومات تفصيلية عنها فالاخبار مصدرها وكلات اخبار عالمية بتاخد حقوق النشر للمعلومات وبتديها للمجلات العالمية ومنها للدنيا كلها دليل بسيط على كلامى ان حضرتك لو عملت بحث على الانترنت عن معلومات عن الموديل ده مش هتلاقى معلومات فنية اكتر من اللى مكتوب فى التقرير ده وهتلاقى كل المواقع والمجلات العالمية ناشرة نفس الكلام مع اختلاف الصياغة وتعليق هنا ولا هناك على معلومة او توضيح ليس اكثر دليل اخر نفس التقرير ده هتلاقيه موجود فى مجلة عربيتى العدد123 الصادر فى يوم الاربعاء 24 - 9 - 2008 بنفس الصور ونفس المعلومات ! نخلص من ده كله ان المصادر واحدة زى ما قولت قبل كده وكل جهات النشر المحترمة متقدرش تحط معلومة غير المعلومات المتاحة من وكلات الانباء او من الشركة مباشرة وبالتالى الموضوع ده وامثالة من التقارير الاخبارية مينفعش نقول انها منقولة من منتدى كذا او موقع كذا لان الكل ناقل من وكالات الاخبار اما الكلام عن المنتدى الاخر واحتمالية وجود مشاكل فبردو فيه توضيحات واجبة اولا المنتدى اللى حضرتك اتكلمت عنة خد الموضوع كوبى وبست من المصدر (سواء صور او نص) ولم يتكلف عناء ترجمتة محتواة ثانياً المنتدى الاخر فعلا عامل مشاكل كبيرة بالنسبالنا مش علشان بينقل مننا تقارير لاكن للاسف بينقل مواضيع حصرية عبارة عن دروس ومقالات كتبها متخصصين بمجهود فردى علما بان - المنتدى له سياسة غريبة فى عدم السماح للاعضاء بذكر مصدر النقل سواء اسم الكاتب او رابط الموقع - حاولنا فتح حوار معهم للوصول لنتيجة لاكن هم مصريين على العناد والاستمرار على سياستهم التى تقضى بعدم ذكر اسم اى موقع او حتى كاتب المقال باعتبار ان اى موقع اخر موقع منافس لهم فى حين اننا كموقع مبتدئ (عمرة 3 شهور) سياستة معلنة منذ البداية وتقضى باحترام حقوق الملكية الفكرية للاصحاب الموضوعات وبالتالى لا نمنع اى شخص من ذكر اسم كاتب المقال الاصلى او حتى وضع رابط له وانا شخصيا واعضاء تانية نقلنا مواضيعنا من هناك مع ذكر الروابط الخاصة بها بعد ان رفضت الادارة حتى مسح موضوعاتنا هناك والاصرار على الاحتفاظ بها هناك متجاهلين رفضنا ! ارجو ان اكون وفقت فى توضيح الامر وانا على استعداد لمناقشة اى نقطة قد تكون غير واضحة بما يكفى |
رد: السكودا اوكتافيا 2009 وقائمة بالتعديلات الجديدة
أستاذى العزيز
كل كلامك مفهوم وواضح........أنا بس لقيت أن الأخ صاحب الموضوع كاتب فى التوقيع أن الموضوع حصرى لمصر موتورز وأنه لايسمح بنشره.... وطبعاً زى ما حضرتك قولت......الأنترنت مفتوح قدام الجميع ( ده حتى أنا جايب مشاركتى هناك من الموقع اللى متاخدة منه الصور.......يعنى مش سر حربى ولا حاجة ) ونظراً لأن الموضوع التانى موجود قبل ده فقلت أنى لازم ألفت أنتباهكم بس....... وده عشان ميحصلش مشاكل......مش أكتر كون أن المنتدى التانى ليه سياسة و انتم ليكم سياسة فدى بصراحة حاجة متخصنيش أنا كعضو بدرجة كبيرة ( أنا بتكلم عن نفسى ) لأنى فى الأول وفى الأخر بعمل المشاركات دى عشان الناس اللى فى المنتدى تستفاد مش عشان يقولو مين عمل موضوع أيه أو هو فُلان عمل كام موضوع أنا عضو هنا وعضو هناك وبحترم المنتدييين وأدراتهم حتى لو أختلفوا وتقبلوا تحياتى ptmnlo123per1122 |
رد: السكودا اوكتافيا 2009 وقائمة بالتعديلات الجديدة
كل التحية والتقدير لاسلوبك الراقى فى الحوار اللى اتمنى اننا كلنا نتلزم بيه والاعضاء اللى عملت تنوية بحقوق النشر فى تعليقاتهم او مواضيعهم عملت جدا كرد فعل للى حصل قبل كده من تعدى اكيد حتى حضرتك مش هتقبل بيه
واخيرا تقبل تحياتى وتقديرى |
رد: السكودا اوكتافيا 2009 وقائمة بالتعديلات الجديدة
انا احبذ الشكل الجديد ...وخصوصا مياعة الفوانيس كما قال ابو نورا ...ان كنت بحس الفوانيس القديمة مخلية العربية للناس العواجيز بس لاكن الشكل دة ممكن يمشى زى البى ام التالتة مثلا هتلاقى فى اقبال من الشاب علية
|
رد: السكودا اوكتافيا 2009 وقائمة بالتعديلات الجديدة
اقتباس:
أنا أؤيدك |
| الساعة الآن 01:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017