|
رد: كل ما يخص الشهر العقارى
المطلوب لعقد البيع او للتوكيل :-
رخصة سيارة سارية وبدون حظر بيع او ضرائب بطاقة الرقم القومى سارية ومدة انتهاء البطاقة 7 سنوات اذا كانت للسيارة توكيلات خاصة بالبيع او عقود بيع فيجب احضار الاصل اما اذا كانت توكيلات عامة فيجب احضار صورتها اذا كانت هناك وراثة للسيارة فيجب احضار اعلام وراثة اذا كان هناك من لم يعدى 21 سنة اى قاصر فيجب احضار اذن نيابة بالبيع للوراثة اما اذا الوالد موجود غير مطلوب اذا لم يكن الاب موجود فيجب احضار قرار الوصاية يجب احضار بطاقة او شهادة ميلاد للقصر |
رد: كل ما يخص الشهر العقارى
مخاطر التوكيل والثغرات الموجودة به والصيغة الصحيحة له :-
صيغة التوكيل هى البيع للنفس او للغير والتعامل مع المرور وتوكيل الغير والتجديد والترخيص التجديد والترخيص من اخطر ما يمكن للبائع حيث انه من الممكن ان تنتقل الرخصة الى المشترى ثم الى مشترى اخر بنفس اسم صاحب السيارة القديم فبعد مرور الزمن يفاجى صاحب الرخصة بان السيارة باسمة يجب ان يكتب بالتوكيل البيع للنفس او للغير ليصبح التوكيل نافذ اى لا يلغى الا بحضور الطرفين تلقائيا اذا كان المشترى اكثر من شخص هناك حالتان اما ان يكونا شركاء او ان ينهى احدهم الاجراءات فاذا كانوا شركاء يجب ان يكتب مجتمعين اما غير ذلك فيكتب مجتمعين او منفردين عند عمل توكيل ادارة لا يهم الرخصة فقط بيانات السيارة من رقم وشاسية وموتور وموديل والمفاجأة ماذا تفعل عندما تكون سيارتك عليها حظر وتريد بيعها ؟فقط لمصر موتورز اليك الحل يتم عمل توكيل عام فى بيع السيارات ويجب كتابة الماركة والموديل ثمنه 30 جنيها مثال هيونادى فيرنا موديل 2010 كما يتم عمل توكيل ادارة ببيانات السيارة ثمنه 10 جنيهات وللحديث بقية |
جدول تحديد الرسوم الشهر العقارى
كما وعدتكم أهداء الى مصر موتورز جدول تحديد الرسوم للشهر العقارى
وايضا يمكنكم الاستفسار عن اى شى داخل الجدول او خارجة برجاء اضافة 20 جنية الى جانب الرسم المقرر بالجدول http://i64.servimg.com/u/f64/14/34/33/12/210.jpg http://i64.servimg.com/u/f64/14/34/33/12/111.jpg |
رد: كل ما يخص الشهر العقارى
الف شكر موضوع اكثر من رائع وبارك الله لك وجزاك خيرا |
رد: كل ما يخص الشهر العقارى
السلام عليكم يااخ سيد اول الف شكرا على خدماتك الجليلة للاعضاء ثانيا انا اشتريت عربيه جولف موديل 1979 1600سىسى وانا مش موجود فمصر عاوز اسالك بعد اذنك اولا السيارة فيها تصريح مؤقت لحين ورد ملفها من مرور المنصورة وانا فاسكندرية والتصريح خلص 1مايو ولسه البايع حيروح يجدده والتوكيل مكتوب فية لنفسه وللغير والتعامل مع المرور دلوقتى بعد اذنك الوالدة معها توكيل عام منى لها ينفع تروح الشهر العقارى تخلص بدل منى ثانياهو ممكن يقدر يلغى التوكيل من غير مااعرف ثالثا ايه هى الاوراق المطلوبه وكذلك الرسوم لان الوالدة كبيره ف السن ومش عاوزها تتبهدل
|
رد: كل ما يخص الشهر العقارى
اخى رحيم
اولا : وعليكم السلام ورحمة الله وبركاتة ثانيا : انا اسمى محمد فتح الله الصعيدى وليس سيد بسم الله الرحمن الرحيم طالما وجد بالتوكيل البيع لنفسة فلا يستطيع البائع ان يلغية بمفردة يعنى لازم انتم الاثنين مينفعش الوالدة تروح مكانك بالتوكيل العام الا فى الحاجات اللى تخصك انت وليس بصفتك بمعنى انت معاك توكيل من الراجل البائع يبقى لما هتعمل عقد بيع لنفسك هيتكتب فيه صفتك وكيل عن البائع اما التوكيل اللى مع الوالدة فهو عنك انت يبقى لازم تكون انت موجود بالنسبة للرسوم 120 جنية رسوم عقد البيع اما الاوراق بطاقة سارية او جواز سفر حديث به الرقم القومى او رخصة قيادة + شهادة ميلاد او جواز سفر عادى ويكون سارى + شهادة ميلاد رقم قومى بجانب اثبات الشخصية فى الخيارات المتاحة اعلاة يجب ان يكون معك رخصة السيارة سارية وبدون حذر او شهادة بيانات موجهه للشهر العقارى ( وياريت تراجع بيانات السيارة فى هذه الشهادة كويس يعنى رقم السيارة وعدد السلندر ورقم الشاسية والموتور ) وده بجانب طبعا اصل التوكيل الخاص اللى معاك من البائع ملحوظة هامة اذا كان رقم السيارة حديث يعنى اتغير وبقى مختلف مع اللى فى التوكيل يجب ان تحضر شهادة بيانات وليس رخصة ويكتب بشهادة البيانات (اصلها ثم الرقم) واخيرا لو عايز تستفسر ومش فاهم حاجة اكتبها وان شاء الله احاول اساعدك |
رد: كل ما يخص الشهر العقارى
اضافة بسيطة لو اتكتب فى شهادة البيانات انتاج محلى هتبقى الرسوم 60 جنية
|
| الساعة الآن 07:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017