|
رد: انا حجزت سيمبول اتوماتيك . اغير واحجز سكالا؟؟؟؟؟؟؟
شكرا جداااااااااااااا على ردكم
انا اقتنعت برد الاستاذ بوب مع احترامي لاراء الاخرين انا هنتظر السيمبول بس هي اتاتخرت اووووووووووووووووي ادعولي استلمها وادعولي يبارك فيها اول ما استلم اكيد هكلمكوا عن رايي شكرا |
رد: انا حجزت سيمبول اتوماتيك . اغير واحجز سكالا؟؟؟؟؟؟؟
أمبارح كنت فى السبع موتورز و شفت السكالا الحقيقة متواضعه جدا من ناحية التقفيل و لم تعجبنى و بعدها رحت للمصرية و أشتريت العربية الوحيدة اللى كانت فاضله عندهم من السيمبول مانوال و السعر 77000 جنيه و بصراحة فرق التقفيل و الشكل الخارجى و "ريحة الفابريقه" اللى فيها يساوى أكثر بكثير من فرق السعر اللى هوا 12000 جنيه و اللى هو ايضا لصالح السيمبول.
|
رد: انا حجزت سيمبول اتوماتيك . اغير واحجز سكالا؟؟؟؟؟؟؟
اولا احب اشكر بوب الجامد على مساعدته للناس واللى كنت انا شخصيا واحد منهم لما نويت اجيب السيمبول ... انا الحمد لله العربية معايا بقالها حوالى شهر ونص تقريبا وعملت بيها 1500كم لحد دلوقتى وهقولكوا انطباعى عنها باختصار يمكن اقدر افيد اى حد محتاج مساعدة
انا معايا سيمبول اوتوماتيك لون شامبين وكنت شاريها من الميكانيكيون العرب اللى فى جوزيف تيتو .. انا اخترت العربية بعد عناء وحيرة بين كذا حاجة زى الاكسنت والصنى و الكيا ريو وكذا حاجة فى نفس الفئة السعرية .. بس انا كنت مرتاح للسيمبول و اقتنعت انها احسن كتير من اى حاجة كورى و كان عاجبنى اوى شكلها وتقفيلها وشكل التابلوه وخامات فرش الصالون فاستخرت الله وجبتها فى الاول كنت متضايق عشان سحبها ضعيف معايا ولو ان فى ناس اكدتلى ان دة فى الاول بس .. وفعلا دلوقتى سحبها ماشاء الله فرق كتيييييييييير عن الاول وبقت جراية اوى .. وناس مجربينها قالولى ان لسة أدائها هيفرق كمان بعد ال3000كم صوت الموتور وانت واقف بره العربية تحس انه عالى شوية بس وانت جوة ما بتحسش بيه خالص .. دة انا ساعات بكون قاعد جوة العربية و أنسى العربية دايرة ولا لأ أروح باصص على التابلوة عشان اعرف من كتر ما صوت الموتور هادى اوى وانت جوة .. ودة كمان عشان عزل الصوت فى الصالون عن برة هايل فى صوت دبة بسمعها اما بتنزل بالغيار .. بمعنى انك لو سايق بسرعة وفرملت تحس بنقلة العربية للغيار الاقل فى شكل دبة كدة مش فاهم دى من اية بصراحة ودى الحاجة الوحيدة اللى احتمال اشتكى منها فى صيانة ال5000 ان شاء الله وياريت لو حد عارف دى من اية يقوللى حاسس ان العربية بتدبدب شوية فى المطبات ... هى طبعا فى المشى ناعمة جدااااااااااا بس مع المطبات بحس بهبدة كدة غالبا طبعا عايزة تربيط عفشة ودى حد قالهالى ان تربيطة العفشة بتاعت الخواجات ما بتبقاش زى التربيطة المصرية المتينة ... بس مش عارف بقى استنى الصيانة وكدة كدة بيربطوها ولا اربطها برة عند اى عفشجى ؟؟؟ الباور بتاع العربية هااااااااايل بجد انا بلف الدركسيون ب صباع واحد بس ... واكتر حاجة عاجبانى فيها المرايات الجانبية كاشفة الطريق كله وراك .. وكمان اللى عاجبنى اوى التحكم فى الراديو والكاسيت من الدركسيون عشان دى حاجة كانت بتلخمنى وتربكنى وانا سايق عربيتى القديمة ... والكاسيت صوته نقى و جامد جدا بالمناسبة الصالون مساحته معقولة جدا بالنسبة لعيلة ... يعنى ياخد 3 اشخاص ( من الاوزان الطبيعية ) مرتاحين فى الكنبة ... لكن اللى بجد مالوش حل الشنطة مساحتها رهيبة وواسعة جدا .. يمكن تكون اكبر شنطة عربية شوفتها لحد دلوقتى يعنى مثلا النيسان صنى على طولها دة كله شنطتها اقل من السيمبول .. ودى طبعا ميزة للناس اللى غاويين سفر او مجانين شوبينج زيى كدة ....................... عموما العربية هايلة وانا مبسوط منها جدا ... وياريت محدش يسمع كلام الناس اللى بتقولك كله الا الرينو وابعد عنها عشان دة فكر خاطىء وهيتغير مع الوقت .. وطبعا اكيد الناس حسة رينو السنة دى انتشرت ونازلة بتقلها ازاى بكذا موديل زى اللوجان والفلوانس والسكالا اخيرا يا ريت أكون قدرت افيدكوا باى حاجة ... واسف على الإطالةptmnlo123per122 |
محتار اختار مين فيهم
السلام عليكم سؤال فنى بعد اذنكم انا معايا قرشين وعاوز اجيب تاكسى اجرة ايه رئيك فى الرينو الوجان او السيمبول او اسبيرنزا m11 او a516 انا محتار بينهم كتير وكذا حد خوفنى من الرينو بس انا مقتنع بيها يقولى الرينو قطع غيارا غاليه ومتتعملش غير فى التوكيل اما الاسبرنزا هتلاقى قطع الغيار بتاعتها عند البقالين وفكل حته انت ايه رئيكم بكلام ده وهل مثلا لو اخترت احد الرينو ينفع احولها غاز ولا لأ |
رد: انا حجزت سيمبول اتوماتيك . اغير واحجز سكالا؟؟؟؟؟؟؟
السلام عليكم أنا رأيى سكالا لأنها يابانى تقفيل كورى وإن شاء الله هتنجح زى السيراتو لأنها فى الأول والأخر صنى اللى أنتشرت وهى تقفيل مصرى وأنا إن شاء الله هأتوكل على الحى الذى لايموت وأشتريها وعلى فكرة الوكيل بتعها بيقسط مباشر أبوحمزة
|
رد: انا حجزت سيمبول اتوماتيك . اغير واحجز سكالا؟؟؟؟؟؟؟
يا باشا انا روحت شوفت السيمبول فى المعرض التقفيل بتاعها زى الزفت **** ووحش جداااا روح وعاين بنفسك ده اللحامات بين الباب حتى باينة جدا وبارزة كده والفرش بتاعها
|
رد: انا حجزت سيمبول اتوماتيك . اغير واحجز سكالا؟؟؟؟؟؟؟
خليك ف السييمبول طبعا و كفاية انها كليو
|
| الساعة الآن 08:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017