المشاركة الأصلية كتبت بواسطة Bendary (المشاركة 171365)

نصيحة بلاش الاتنين
تريوس مو2000 : هيه صحيح مش متهانه عامله 100 الف كم فى 10 سنين بس - فى ناس بتعمل ال 100 دول فى 3 سنين
لكن عربيه ثباتها ضعيف جدا وضيقه من الداخل ( مش بتاعت عيله ) وقطع غيارها مش رخيصة .
اما الكليو : سمعت من ميكانيكى معرفه ان مشكلتها موضوع الكمبيوتر بتاعها ، لو حصل فيه مشكله هتدفه دم قلبك فى التوكيل عشان تصلحه وغالبا مش بيتصلح وبيتركب جديد ومش موجود بره يعنى لازم فى التوكيل
ولو حبيت تبيعها تخسر فيها كتير اوى

من الاخر لو ميزانيتك 40-45 الف : فكر فى كريستاله او على الاقل فيرنا - لانوس اللى همه منتشرين ومفيش خوف من تكلفة صيانتهما
أما تريح دماغك خالص وتحطهم مقدم زيرو - والمصاريف اللى هتروق بيها اى عربيه مستعمله هتتشتريها ادفعهم قسط .

المشاركة الأصلية كتبت بواسطة gym1974 (المشاركة 171716)

انا معايا كليو موديل 2003 / 1200 سى سى عاملة لحد دلوقتى 155000 كيلو والله العظيم العربية تحفة واول مرة اسمع ان فى مشكلة فى طرمبة البنزين ما فيش أى مشاكل معايا خالص قطع غيار زى الفل ومتوفرة فى كل مكان مراكز صيانة كتير ونصيحة لك يا اخى الكريم ابعد عن كلام اى ميكانيكى لأن الناس ده والله العظيم ما يعرفوا أى حاجة فى أى حاجة ودول كتيرهم يصلحوا الفيات القديم فقط

المشاركة الأصلية كتبت بواسطة POP EL GAMED (المشاركة 171459)

باشا مع كامل احترامى ليك بس الميكانيكى ده نصيحه اخويه متوديلوش عربيتك عشان كده ده واضح انه مالوش فى الميكانيكا اساسا
الكليو يا سيدى الفاضل لا تختلف عن اى عربيه فى مستواها والعربيه اللى فيها حساسات كتير هى الميجان ومش موضوعنا نقاش حول الميجان
انما الكليو فيها ECU زى اى عربيه زى اللانوس والفيرنا والاسبيرانزا والفيات سينا وكتير غيرهم اللى هما عربيات اقتصاديه مش معقده ومفيش الكلام اللى الميكانيكى قاله لحضرتك ده العيب الوحيد المعروف للكليو فى الموديلات القديمه هو طلمبه البنزين لو انت من النوع اللى بيجيب اخر التانك كتير هتبوظ مع الوقت ودى حلها بسيط وكل اللى معاهم كليو بيعملوه انه بيعتبر التانك بتاعه تلات اربع العربيه يبقى فيها ربع يدخل يمون وبكده اعرف اتنين محتاجوش انهم يعملوا اى حاجه فى طلمبه البنزين اللى هى العيب اللى الناس بتتكلم عليه فى الكليو
وياباشا العربيات الرينو موجوده ومنتشره استيراد فيه اربع وانصاص وعربيات كامله كمان مين اللى مش موجود غير فى التوكيل حضرتك تقصد الفلوانس؟؟؟؟
الكليو موجوده جوه التوكيل وبره التوكيل وبأسعار فى متناول الجميع ومش غاليه
ونصيحه لوجه الله بلاش تسمع كلام الميكانيكى ده