رد: أرجو الإفاده ضرورى جدااااا فعلا فى محتاره
 

لو بتفكرى انك تجيبى مستعمل و خصوصا 128 أو 127 لازم تخلى بالك من:
1- حالة الموتور (لازم يكون معاكى ميكانيكى و واحد بيفهم فى العربيات كويس) و يركز أوى على البلوكه بتاعت الموتور أصلها بتكون فيها مشاكل كتير
2- العفشه و المقصات
3- البرومه وصله لحد فين فى العربيه (ركزى على الفخد الأربعه و الرش الداخلى و الخارجى علشان ممكن تكون واخده خبطه جامده فى الشاسيه و مابتعدلش)

و نصيحه منى لو لسه بتتعلمى خليكى فى المستعمل و تكون 127 علشان حاجتها موجوده و قطع غيارها بقرش
1- فوانيس أمامى 40 جنيه
2- فوانيس اشاره 10 جنيه
3- اكصدام أمامى أو خلفى 150 - 160 تقريبا
4- فوانيس خلفى 80 جنيه
يعنى حاجتها من الأخر ملمومه

رد: أرجو الإفاده ضرورى جدااااا فعلا فى محتاره
 

طالما ممكن تدفعي لحد 30 ألف يبقى هاتي هيونداي إكسيل، عربية جميلة وعملية.
وممكن جولف أواخر الثمانينات بحالة ممتازة.
وممكن فيات 128 موديل عالي يعني كسر زيرو.
وممكن هوندا سيفيك أواخر الثمانيات بحالة ممتازة.
وممكن بيرودوا كانشيل موديل عالي يعني ممكن 2004 مثلا.
لكن المهم في المستعمل إنك تسألي كثير، ولازم يكون في حد ثقة معاكي وإنت بتشتري، ولازم تتأكدي من الرخصة في المرور، وخاصة رقم الشاسيه عشان العربيات إلا مركبة نص، وفي حالات تزوير بتحصل في الرخص، يعني خلي عنيكي في وسط راسك ، معلش أنا مش بأخوفك بس هو ده الواقع، والله أنا أعرف واحد شغال بقاله 10 سنين في تجارة السيارات ومع ذلك اتنصب عليه في عربية مسروقة، ودفع فيها 60 ألف جنيه، وكانت الرخصة مزورة.
ولو عايزة تريحي دماغك من وجع القلب، ادفعيهم مقدم وهاتي ألتو وخلاص، بس الخوف لأحسن تجيبي جديد وإنت لسة ما بتعرفيش تسوقي فتبهدليها، وده أكيد إلا هيحصل،
عموما استخيري ربنا سبحانه، وربنا يوفقك.

رد: أرجو الإفاده ضرورى جدااااا فعلا فى محتاره
 

الافضل انك تتعلمي على عربية بعد كده تشتري جديد و الاتو افضل طبعا

رد: أرجو الإفاده ضرورى جدااااا فعلا فى محتاره
 

عندك حق، الأونو بردو جميلة ، شكرا ليك

رد: أرجو الإفاده ضرورى جدااااا فعلا فى محتاره
 

ممكن تجيبى عربية إكسيل كام شهر وبعد كدة تبيعيها وتجيبى جديد
وفى نفس الوقت لما تيجى تبيعى الاكسيل سعرها فى إعادة البيع كويس يعنى مش هتنقص
يعنى زى ما هتشتريها زى ما هتبيعيها

رد: أرجو الإفاده ضرورى جدااااا فعلا فى محتاره
 

ادربي على عربية في شركة سيارات الاول و بعدين اشتري 128 مستعمل و بعدين فري في الجديد تكوني اتمرنتي على كل حاجة

رد: أرجو الإفاده ضرورى جدااااا فعلا فى محتاره
 

بالاضافه للى قالوه الاخوه بارشحلك ال i10 لو ممكن تشتريها يبقى وفرتى على نفسك كتير
العربيه صغيره وقويه وناعمه وسهل ركنها فى اضيق الاماكن
بس لازم تتعلمى صح الاول على اى عربيه من عربيات العيله باشراف صاحبها وبلاش المدارس لانك هاتطلعى مش فاهمه حاجه منهم
بالتوفيق