رد: هام جدا ..المثلث و شنطه الاسعافات
 

أنا روحت النهاردة مرور عين الصيرة ولقيت هناك شنطة الاسعاف عاملة 44 جنيه والمثلث عامل 30 جنيه ومجموعهم 74 جنيه وينفع تشترى واحد منهم مش لازم الاتنين ، وأنا عملت كده وجيبت شنطة الاسعافات بس والمثلث كنت جايبه من التوفيقية ب 10 جنيه وماحدش دقق معايا .

بس السعر ده مش ثابت فى كل مرور لانى لما روحت مرور العتبة لقيت عندهم المثلث والشنطة عاملين 64 جنيه أو 66 جنيه .

رد: هام جدا ..المثلث و شنطه الاسعافات
 

طيب أنا عندي سؤال هل قانون المرور بيشترط مواصفات ولا بيشترط مكان للشراء

لأني أعتقد أنه بيشترط مواصفات ودي تتحقق في أي شنطة وأي مثلث ولو مكانش عاجبهم اتخانق معاه

أنا اعرف واحد قريبي كان بيرخص سكودا فانتازيا وبيكون معاها طفاية حريق راح الموظف قاله دي ماتنفاعش لازم تشتري طفايا من عندنا . راح اتخانق معاه وقاله واكتبلي ورقة تثبت ان دي ما تنفعش واختمهالي وأنا هابعتها للشركة الأم وارفع عليك قضية لو تنفع وبعد شد وجذب اعتمدوها وما دفعش حاجة

أظن نفس الكلام في الشنطة والمثلث بس احنا المشكلة مش بنسأل على حقوقنا ولا بنطالب بيها فبياكلوا علينا فلوسنا

رد: هام جدا ..المثلث و شنطه الاسعافات
 

المثلث و الشنطه بتباع في اكشاك معتمده من المرور و غالبا بتبقي داخل وحده المرور او جنبها

رد: هام جدا ..المثلث و شنطه الاسعافات
 

مفيش دلوقتى تسليم مجانى فى ادارات المرور.
سعر المثلث والشنطة حوالى 75-85 ج

لكن المشكله كما قال بعض الاصدقاء فى المواصفات المطلوبة
لان نفس المثلث ونفس الشنطة موجودين فى التوفيقية بس مش عارف بكام - هل هى انواع مضروبه بنفس اللون والشكل

ياريت حد يكون عنده نص القانون الجديد فيما يخص موضوع المثلث والشنطة يفيدنا
عشان انتو عارفين امناء الشرطه الرخمين فى الاشارات واللى بيطلعوا من تحت الارض
ودلوقتى مفيش اى تحيه اقل من 50 ج
يبقى نشترى المواصفه الاصليه احسن ونريح دماغنا .

رد: هام جدا ..المثلث و شنطه الاسعافات
 

أنا رخصت وفحصت فى يوليو 2009 وأخذت المثلث بس بردو وماكانش عندهم شنط اسعافات فى وحدة المرور
فهل ممكن إنى أروح تانى للوحدة وأشتريها ولا أعمل إيه ؟؟؟

رد: هام جدا ..المثلث و شنطه الاسعافات
 

يا جماعة انا اخر حاجه سمعتها ان شنطة الاسعافات اتلغت والمثلث بس هو اللي موجود
ويا ريت نرجع لقانون المرور الجديد لأن الكلام ده انا سمعته من المرور وانا برخص اجره مش ملاكي
فياريت اللي يروح المرور يشوف كتيب بتاع قانون المرور ونشوف بقي الشنطه دي موقفها ايه

رد: هام جدا ..المثلث و شنطه الاسعافات
 

اللي اعرفه ان الشنطه و المثلث موجودين مافيش حاجه اتلغت بدليل انهم بيتباعوا في اكشاك داخل المرور