مصر موتورز مجتمع السيارات - ازاي تطلع رخصه السواقه من مرور فيصل من غير كوسه ولا رشوه :D

اقتباس:

المشاركة الأصلية كتبت بواسطة hazem_khidr (المشاركة 168629)

برافو عليك و الف الف مبروك الرخصه
تستعملها في الخير ان شاء الله
و اللي انت عملته دا الصح و عين العقل
اللي معاه واسطه بينجح مافيش مشكله
لكن اللي مش معاه مش معناه انه حيسقط
و مافيش حاجه اسمها تدفع علشان تطلع الرخصه
يعني كل اللي سايقين عربيات من غير وسايط بقي دافعين ولا ايه؟؟
اللي انت عملته دا عين العقفل و كويس انك لميت الموضوع كله في يوم واحد
و الف الف مبروك مره تانيه

الله يبارك فيك يا باشا

كان قدامي الي بيقدم ورقه و حاطط معاه كرت واسطه و بيخلصو و يمشو
و ناس بتخلص ورق الرخصه بتاعه مدرسه السواقه كان و هو واقف برا يديله الورق يتختم و يمشي !!!
بس بردو انا بسوق بقالي 6 سنين و مش معقوله معرفش الف حوالين القراطيس و يسقطوني
بس الحمد لله الامتحان طلع مفيهوش قراطيس لان كان فيه فحص بتاع تجديد رخص السيارات

اقتباس:

المشاركة الأصلية كتبت بواسطة ganash (المشاركة 168647)

الف مبروك يا باشا وان شاء الله اطلعها فى الاجازه بس انا تبع طنطا ايه رأيك هتبقى سهله كده ولا اقدم فى مدرسه وخلاص

الله يبارك فيه يا معلم
لو بتعرف تسوق كويس و عارف الاشارات كويس جدا لانهم بيحطو اشارات عمرك ماتشوفها في مصر
زي جالي اشاره عجيبه عباره عن مثلث و جواه خطين علي شكل 8 بالعربي
و الاختيارات مستشفي او مخيم او حاجه تالته مش فاكره
المهم دي اشاره منطقه تخييم الي استحاله يبقى فيه واحده منها موجوده في مصر !!!!!
بس الامتحان مش بس اشارات لا فيه اسإله عن الميكانيكا زي دوره الزيت بتبرد العربيه
عباره صحيحه او خاطئه ف هي عباره صحيحه
و اساله عجيبه مالهاش علاقه بالسواقه خالص زي الي قولته في الموضوع فوق

بس انت ركز علي الاساله الي في الموقع الي هي متثبته في القسم هنا و حاول تحفظها
و حاول تروح قبلها بيوم القسم تشوف الامتحان عامل ازاي و امتحان النظري كمبيوتر ولا الظابط بيسألك من ورقه الاشارات ؟؟
لو كمبيوتر ف محلوله و لو ورقه الاشارات ف موجوده في اي مرور او اي مكتبه جنبه

ان شاء الله تروح و تمتحن و تنجح من غير واسطه ولا رشوه
و ربنا يوفقك

اقتباس:

المشاركة الأصلية كتبت بواسطة mansoub504 (المشاركة 168662)

الف مبروك يا باشا
بس انت مستغرب عشان انا نفس المرور ده ولما رحت الدنيا كانت بظرميط
ده انا شفت منظر في واحد بيمتحن علي موتوسكل حطله قمع وقاله لف حواليه
الراجل قعد يلف والظابط نسيه حوالي ربع ساعة لحد ما الظابط بيلف لاقي الراجل بيقع لأن الراجل قعد يقرب من القمع ويبعد وبجد شكله تعب والمفروض رجله متجيش علي الارض وهو بيلف صاحبنا قفشه وهو بيحط رجله علي الارض نزله بس معرفش بقي سقط ولا لا
والف مبروك مره تانية علي الرخصه

الله يبارك فيه يا معلم
اصل الحكايه كلها واقفه علي الظابط موجود او مش موجود
لو مش موجود يبقى خربت
و بعدين انهارده كانت الحكايه ماشيه كوسه ف كوسه ف انا اما روحت و جبت عربيه امتحنت علي طول من غير ما استني دور :HAPPY_~211:

الحمدلله علي كل حال
انا كنت رايح فاقد الامل و اما شوفت الي خارجين من امتحان الكمبيوتر اتحطمت
ptmnlo123per160

بس الامور مشيت و اهي الرخصه طلعت قبل الناس بتوع الواسطه :HAPPY_~211: