|
رد: سوق سيارات 6 اكتوبر خبر جاااااامد اخر حاجة
تسلم يا برنجي علي الخبر بجد خبر جميل جدا لانه كدا هيبقي جنب البيت عندي وممكن ابقا انزل كدا اتفرج واشوف الدنيا فيها ايه بس ياريت فعلا ميكونش زي بتاع مدينة نصر المزبله ده ويخلي شكل المدينة مش تمام
|
رد: سوق سيارات 6 اكتوبر خبر جاااااامد اخر حاجة
السلام عليكم كل اعضاء المنتدى
الحمد لله يا جماعة شركتنا اصبح لها حق ادارة ساحة سوق السيارات بجد بجد انا عايز مقترحاتكم عشان نجعلة اجمد من سوق العاشر وارائكم تهمنى جدااااااااااااااااااااااا اا |
رد: سوق سيارات 6 اكتوبر خبر جاااااامد اخر حاجة
اول اقتراح يا ريت يكون السوق ده مقسم نظام الموديلات مثلا من 1970 الي 1980 في مكان محدد ومن 1980 الي 1990 في مكان تاني وهكذا بحيث ان الواحد ميلفش السوق كله علشان يدور علي عربية موديل قديم علي قد فلوسه ويا سلام لو اتقسمت لنظام الماركات الهيواندي في مكان والفيات في مكان وهكذا
|
رد: سوق سيارات 6 اكتوبر خبر جاااااامد اخر حاجة
بجد انا فكرت فى حاجة قريبة من كدة
يعنى اليابانى كلة فى جنب والالمانى والصينى و......... كل بلد فى مكان بس فكرتك جامدة جدا وتحت التنفيذ ومستنى باقى مقترحاتكم |
رد: سوق سيارات 6 اكتوبر خبر جاااااامد اخر حاجة
بس كده أعضاء النادي هيكرهوا اليوم اللي اشتركوا فيه !!!
لما يوم الجمعة الأحازة يبقي النادي سوق سيارات |
رد: سوق سيارات 6 اكتوبر خبر جاااااامد اخر حاجة
استاذ محمد هندي فيه اقتراح لتنظيم السوق غير ما تم ذكره وهو المقارنة من ناحية الفئة السعرية يعني كل كام عربيه في مدي سعر معين يكون فيه خبراء في مدخل السوق يفلترو العربيات الداخلة وتوجيهها والزبون يقارن بين انواع مختلفة في سعر معين فكرة صعبة شوية أو يبقي دوشة ومزعج زي الحراج في الاسواق الخليجية بالمزاد لكل عربية وده رأي وممكن تعملو حاجة بعد اجماع آراء وتستقرو عليها او كل اسبوعين او شهر تطبقو فكرة من الافكار المطروحة وتقارنو كمنظمين ومتابعين لاي فكرة الافضل مع خالص تحياتي لكم بكل التوفيق
|
رد: سوق سيارات 6 اكتوبر خبر جاااااامد اخر حاجة
يا ريت كمان لو يبقي فيه ناس ميكانيكية وعفشجيه والواحد مننا نقدر نستعين بيهم في شراء اي عربية وياخدو اللي فيه النصيب ويكونوا يعرفوا ربنا علشان ميلبسوناش في الحيط زي ناس معندهمش ضمير
|
| الساعة الآن 03:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017