رد: طريق المنيا الغردقة أمشي ازاى بظبط
 

رد: طريق المنيا الغردقة أمشي ازاى بظبط
 

اولا /انا ماتريقتش انا هزرت معاك وراجع كلامى هتلاقى مفيهوش تريقة عليك
ثانيا / انا قلت فى معرض ردى على الدكتور عبد السلام ان اللى مشى طريق يكون عارفه والدكتور قال انه طريق مكسر ومهجوروحضرتك قلت انك سمعت (خلى بالك من سمعت دى) انه اتصلح
طيب هل منطقى واحد يسالنا عن طريق سفر (وبرضه خلى بالك من سفر دى) نقوم نقول له على طريق مكسر ومهجور وسمعنا انه اتصلح واالا نقول له على اسهل طريق يمشى منه
ثالثا / الطريق اللى قال عليه الدكتور عبد السلام انا عارفه ومشيته والطريق كله زراعى لحد قنا لكن طويل ومشاكله كتير ولذلك لم ارضى ان اقول له عليه لان المسافة بين اسيوط وسوهاج منحنياتها كتير جدااااااااا بل ان فيها منحنى عبارة عن دائرة شبه كاملة وفيها مناطق ضيقة جدا بين ابو تشت وفرشوط وهما اول مركزين فى قنا والاهم من ده كله 99% من السائقين فى قبلى وبالذات من ااسيوط وانت دداخل لجوه واخدين السواقة فتحة صدر وفتونة وعافية حتى ولو كان ده ضد مصلحتهم ولذلك حوادث الصعيد بالذات غالبا ماتكون صعبة ونسبة الوفيات فيها عاليه
ولذلك شرحت الطريق الاسهل والاوسع والاقل فى المدة الزمنية واللى خدماته نسبيا معقولة
نرجو انك تكون فهمتنى

رد: طريق المنيا الغردقة أمشي ازاى بظبط
 

ملحوظة صغيرة الطريق من القطامية للغردقة 410 فقط ومعلش انا حسبتها زمنيا بسواقتى انا لانى بسافر من البيت فى الزيتون لحد مطروح وهى مسافة 450 كيلو فى 3 ساعات الا ربع مع العلم ان مبعرفش اجرى على المحور ولحد 6 اكتوبر ملتزم جداااا بالسرعة لحد 6 اكتوبر ولذلك قلت ساعتين لان القطامية من الزيتون او طريق السويس من الزيتون ربع ساعة فقط بالنسبة لى والدكتور عبد السلام ركب معايا وشاف انا بسوق ازاى وامشى من اى طرق توصل اسرع واسهل

رد: طريق المنيا الغردقة أمشي ازاى بظبط
 

ايه يا خوانا ؟ أروح أنام تمسكوا فى بعض ؟؟ ptmnlo123per1106
أولا طريق الشيخ فضل موجود من زمان ! وبيفتح فعلا أمام جبل الزيت ! يعنى بين شقير والغردقه !

للى ما يعرفش جبل الزيت ! أو حوالى 45 دقيقه قياده سريعه للغردقه جنوبآ و مثلها لرآس غارب شمالا !

ثانيآ :- أنا قلت مهجور أو مكسر لآن ( زمايلى الصعايده ) لم يسافروا عن طريقه لآن معظمهم من قنا وخاصة

المخادمه ! يعنى أقصى الجنوب وكمان ما بيروحوش عن الطريق اللى قلت عليه لآن تقريبآ اتعمل طريق جديد

من أمام الغردقه مباشرة الى الصعيد بياخد من ساعتين الى ساعتين و نصف وماعرفش بيفتح على فين على النيل !

أما طريق فضل فهو مش مهجور بالمعنى المجرد ! ولكن لايسير فيه الا السيارات الخاصه ولا يوجد طبعآ بلاد أو

خدمات عليه ! ثانيآ : مافيش مشكله يا عم خليفه انك نسيت الطريق ده أو ما مشيتش عليه أو حتى ما تعرفوش !

ثالثا : الآخ atgps شكرآ على تدخلك بس أعتقد عمنا خليفة كبير الصعايدة كان بيهزر معايا وبيتريق عليا من باب

الهزار ! ده حتى مره أنا رحت له حط لى مسدس فى الشاى ! رابعآ : الآخ خليفه سواقته رهيبه فعلا ! اوعى وشك !

وربنا يسترها معاه ! يعنى هوه راكب نيسان صنى فورميولا وان وبتمشى بالغاز الطبيعى ! وفعلا وصلنى من أعماق

الزيتون الى آخر نقطه فى زهراء مدينة نصر فى عز الزحمة فى ربع ساعه أو عشرون دقيقه !

مجرد سحابة و عدت ! والشيخ فضل لو عرف ان كان ح يحصل كده ! كان غير اسمه الى " أبله فضيله " !

Dr. Bolbolan ptmnlo123per111

رد: طريق المنيا الغردقة أمشي ازاى بظبط
 

والله انت زى العسل يادكتور وانا دايما بعترف ان طرق سينا ممشيتهاش بس عارف بعض مداخلها بحكم انى بقعد اتابع اليفط على الطريق وانا سايق ثم احنا مش هنشوفك قبل متسافر واللا ايه

رد: طريق المنيا الغردقة أمشي ازاى بظبط
 

والله يا حاج خليفه ! انت عارف الآيام الآخيره قبل السفر ! تقريبآ المدام والآولاد بيقعدوا مع بعض يفكروا

و يقدحوا زناد فكرهم ان ازاى ناخد أقصى استفاده من الراجل ده قبل ما يسافر ! يعنى بأوصل لباب الطياره

وأنا معصور زى الليمونه أو عود قصب فى مكنة عصير من بتاعة زمان ! اللى بتدخل العود للعصر 10 مرات

لغاية ما تطلع د.... أهله ! وسعادتك برده رجل أعمال ماحدش عارف يتلم عليك ! وكنت جايلك من 10 أيام علشان

نروح للكهربائى مع بعض و تبقى مقابله لكن انت زحلقتنى ولا أجدع شامبو ! ptmnlo123per1106

Dr. Bolbolan :HAPPY_~211:

رد: طريق المنيا الغردقة أمشي ازاى بظبط