مصر موتورز مجتمع السيارات - الفيرنا ولا البروتون ساجا احسن ؟

صفحة 2 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - الفيرنا ولا البروتون ساجا احسن ؟ (https://www.masrmotors.com/vb/showthread.php?t=24100)

remonds

17-04-2010 12:17 AM

رد: الفيرنا ولا البروتون ساجا احسن ؟

اقتباس:

المشاركة الأصلية كتبت بواسطة MoDy_OnLiNe (المشاركة 165901)

السلام عليكم

تقريبا الفيرنا والساجا الفول اوبشن مانويال فى نفس الفئة السعرية

الفيرنا ثباتها مش قد كده على السرعات العالية ومشاكلها كل الناس عارفاها

بس برضوا الساجا جديدة ولسه ما قعدتش علشان نقدر نحكم عليها

ياريت حد يكون عنده خلفية عن العربيتين يقولى

مين فيهم احسن

وياريت لو مقارنة خفيفة

اخوكم احمد

المنطق بيقول الفيرنا ... مضمونه ومتجربه واقتصاديه في حاجات كتير وغنيه عن التعريف

لكن الواقع بيقول الساجا ... اوبشن عالي وراقي شكل جميل حلوة برة وجوة عن الفيرنا كمان علشان انت هتدفع فلوس عاوز تلاقي قصادها اوبشن كويسه بقدر الامكان

انا زيك في نفس المأزق ... محتار بين المضمون والمتجرب بس بدون كماليات مناسبه لسعرة , وبين الجديد ابن امبارح لكن كمالياته اكتر وكويسه ومناسبه لسعرة

ربنا يهديك للاخيتار الصحيح

ايمن منصور ((عباسى ))

17-04-2010 05:53 PM

رد: الفيرنا ولا البروتون ساجا احسن ؟

اولا العربيتين مش نفس الفئه فصعب انك تقارن
الفيرنا 1600 والساجا1300 في فرق لو عايز تقارن الفيرنا قارنها بالجين 2
ولو عايز تقارن الساجا مفيش غير ال اي 10 لان مفيش 1300 في الهيونداي
اما للفيرنا فهي عربيه قوتها في متورها لان فعلا الموتور نقطه التميز بلفيرنا وده بياثر علي الاحساس بالقياده غير الموتور 1300 حيبقي في فرق كبير وبالذات لو محمل 4 افراد ومشغل التكيف
اما الصالون برده اوسع من الساجا مع ان صالون الفيرنا مش واسع اوي
الثبات في الفيرنا معقول لو عايز ثبات اكتر يبقي عليك بالجنوط 14او15
العفشه كويسه جدا
الصاج ضعيف شويه
قطع الغيار رخيصه جدا بالمقارنه باي عربيه وفي منها الصيني والتيواني والكوري وموجده عند اي حد زي الفيات
وانا انصحك بالفيرنا والسعر في حدود ال67 للفول اوبشن

corsair

21-04-2010 02:34 PM

رد: الفيرنا ولا البروتون ساجا احسن ؟

خامات الساجا من جوه زبالة الزباله وكمان ده كفايا اوي انها ماليزي تقفيل مصري ده كفيل بس بانه يكرهك في العربية وكمان مش منتشرة اوي وكمان توكيلها ضعيف وسعر اعادة بيعها في الضياع وكمان قطع غيارها مش متوفرة وغالية لكن الفيرنا انتا بتقول ان ثباتها ضعيف علي السرعات العالية حبيبي انا روحت بيها الصعيد علي الصحراوي الغربي ماشي 160 وثباتها روعه ووصلت بيها كمان ل 190 بس علشان والدي كان معايا فاضريت اني ارجع امشي تاني 160 وثابتها جميل جدا وعفشتها روعه وعزلها كويس وماتورها جبار وتقبل تحياتي وتوكل علي الله وهات الاستار الفول اوبشن عامله 69500 جنيه

ابراهيم داود

21-04-2010 05:20 PM

رد: الفيرنا ولا البروتون ساجا احسن ؟

اقتباس:

المشاركة الأصلية كتبت بواسطة corsair (المشاركة 168500)

رايك ممتاز ياباشا وفى محله ربنا يبارك فيك وفى عربيتك وارجوك تمهل شويه فى القياده

bistoo

21-04-2010 05:21 PM

رد: الفيرنا ولا البروتون ساجا احسن ؟

الفيرنا افضل من غير كلام وبدون منازع

tareksakr

21-04-2010 08:19 PM

رد: الفيرنا ولا البروتون ساجا احسن ؟

المقارنة لصالح الفيرنا عربية متجربة منتشرة قطع غيارها في كل مكان و بأسعار معقولة جدا مالهاش عيوب مؤثرة غير قوة المحرك علي وزن خفيف فبتديك تسارع رائع يعيبها عدم الثبات علي السرعات العالية فوق 120 فراملها بعد 120 ضعيفة نوعا ما عايزة عقل في سواقتها وده لا يعيب البروتون ساجا فهي سيارة جميلة كمالياتها حلوة يعيبها عدم انتشار قطع غيلرها لسة متجربتش هتحتاج التوكيل في حاجات كتير مع ان اللي اشتروها ما شتكوش منها فخليك في المضمون وهات الفيرنا

corsair

21-04-2010 08:30 PM

رد: الفيرنا ولا البروتون ساجا احسن ؟

ربنا يخليك يا استاذ ابراهيم وربنا يسترها ونصيحة مقبولة من اخ كبير

الساعة الآن 11:54 PM.

صفحة 2 من 3

عرض 7 مشاركات من هذا الموضوع لكل صفحة