رد: سيتروين
 

ؤبنا يبارك فيكم يا رب بس هى مع واحد قريبى ومزنوق علشان كده وافق انى انزل معاه فى السعر ثانيا انا بجد عايزا اعرف فين عنوان او رقم تلفون الراجل الى يجبلى التكييف ويركبهولى وابقى مشكورا جدا ليكم هى فيها مكان للتكييف يعنى الحمد لله على التركيب بس عايزا ارقام تلفونات او عناوين الى يجبلى التكييف والسنتر لوك والزجاج الكهربائى للعلم انا ساكنه فى مدينة الشروق طريق مصر اسماعليه الصحراوى وهو للعلم مكنش عايز يبعها ده جاب ليها 4 كوتشات جداد سبور وتسجيل جديد وكمان رخص سنه وشكرا ليكم

رد: سيتروين
 

رد: سيتروين
 

مش عارفا هو مكتوب كده فى الرخصه وربنا يباركلك فيها طيب انا اسفه انى اسألك انت اشترتها فى حدود كام وكونت عايزا اقول لكم انها فيها شوية حجات زى الدبرياج عايز يتظبط والباب عايز يتضبط شويه وانا مش عارفا اعمل الحجات دى فين افيدونى افادكم الله انا عايزا اركب سنتر لوك وزجاج كهربائى واضبط الحجات الصغيره الى فيها اعمل كل ده فين وكمان عايزا اركب لها مرايات جديده لان المرايات بتاعتها مش شايفه منها حاجه خالص مبتعلاش بتتقتح وتتقفل بس

رد: سيتروين
 

أنا شايف أن حضرتك لازم تكشفي على العربيه كويس وتجيبي ميكانيكي بيفهم في الفرنساوي ويكشفلك عليها وكمان سمكري كويس علشان في حاجات في أساسيات العربيه بتكون مهمه ومتكونش لاقدر الله فيها حاجه مأثره على عضم العربيه وقوايمها وكمان تعرفي إذا كانت رشه دواخل ولا لأ علشان ده شئ مهم جداَ وخصوصاً حوض العربيه والشنطه ومهما كان اللي عايز يبيع معرفه فدي حاجه متزعلوش أنك تكشفي على العربيه محدش بيرمي فلوسه في الأرض لأني مفهمتش يعني أيه الدبرياج عايز يتظبط يعني هي محتاجه طقم دبرياج وده شئ مكلف ولا محتاجه سلك دبرياج لان اللي فيها تقيل ودي حاجات مش ممكن تكتشفيها أو حد يكتشفها بالكلام لازم يتكشف عليها كويس وبالنسبه لتظبيط الباب دي مش مشكله في ناس كتير بتوع ضبط الأبواب لكن المهم تكشفي كويس عليها وتعرفي أنها عربيه سليمه أنتي ممكن تاخديها أي محطة بنزين فيها كشف على السيارات وأطلبي عمل كشف شامل عام عيها هما حيكشفوا عليها ويرفعوها ويشوفوها كلها لو أنتي مش عارفه ميكانيكي كويس وبما أنها أول مره تشتي سياره خليكي حذره علشان متقعيش في عربيه مشاكله كتير وتلاقي نفسك كل يوم عند الميكانكي بيها وتقف منك وانتي ماشيه بيها .
بالنسبه للكماليات الأنذار والسنتر والتكييف وخلافه ده شئ مش صعب في بتوع الكماليات في شارع دمش في مصر الجديده حيركبولك نظام سنتر وأنذار كامل وزي ما قلتلك قبل كده في معرض السجان أو الأمبراطور وغيرهم فدي مش مشكله والتكييف كمان مفيهوش مشكله حيتركب في حدو 3500 جنيه كامل المهم أن العربيه تكون حالتها كويسه وتستحمل التكييف على موتورها اللي أنا مستغرب هو إزاي 1200 سي سي لأن كل الموجود منها 1400 سي سي.
فأكشفي عليها كويس لأن سعرها يقلق شويه.وربنا يوفقك بإذن الله

رد: سيتروين
 

انا كشفت عليها والحمد لله خلاص اشترتها وربنا يكرمنى فيها ويكفينى شرها ويكرمكم يا رب وانا توكلت على الله واشترتها لان سعرها كده كويس هو كارمنى فيها ومش راشه دواخل ولا عامله حادثه قبل كده الحمد لله بس مشكلة العضه الى فى الدبرياج دول قالولى انها بس عايزا حد يبص على دراع الفتيس هو ده مكلف ولا ايه وانا بس لظروف عندى مش قادرا انزل بيها تحت اركبلها الحاجه وشكرا ليكم يا جماعه وانا حشوف الناس الى فى مصر الجديده واروح لهم اظبط الحاجه دى لان انا مشيت بيها مفهاش غير الدراع بتاع الدبرياج وربنا يكرمنى بيها يا رب وانا شايفه ان ده نصيب يعنى انا كشفت عليها عند اكتر من واحد وقالوا جميله وسعرها تحفه ومش متغير فيها غير البطاريه والكاست والعجل باقى الحاجه بتاعتها خصوصا الماتور رقمه مكتوب ومتفتحش وممكن اوى يحصل لقدر الله حاجه فيها بسببى يعنى مقدرش اقول غير ان ده نصيب وتوفيق من عند ربنا انا يا جماعه طالبه منكم الدعاء لوالدتى بالشفاء لانى بعد ما جبت العربيه ولدتى تعبت واول مشوار بالعربيه كانت للمستشفى ادعولى الله يباركلكم ومتشكره جدا ليكم

رد: سيتروين
 

ألف مبروك ورزقك الله خيرها وكفاكي شرها وإن شاء الله الحاجات اللي فيها تعمليها حاجه حاجه.
شفى الله والدتك وعافاها من المرض بقدرته وأمره وإن شاء الله تقوم بالسلامه ويكون الأمر بسيط.