|
رد: رأيي الشخصي في الكريسلر
اقتباس:
مساءك فل يا باشا أولا انا مش قصدى مدح ولا ذم فى العربية انما انا اقر حقائق ووقائع تجربة شخصية.. و انا ماجيبتش سيرة 300 C فى كلامى خالص لأنى بصراحة ماسقتهاش و مش مع حد من اصحابى أخرى ركبتها فى المعرض و هى و اقفة و ماعجبنيش الانتريور بتاعها شبه الدودج تشارجر بالظبط ..... بس كعربية بصراحة ماعرفش عنها حاجة .. فا مقدرشى افتى و انت بتقول ان 300M كانت جر امامى و هى 1999 لحد 2004 يعنى مش موديل ستينات ولا سبعينات برده .... و بالنسبة للمقارنة بين كرايسلر 99 و عيون 99 فازى ما انت قلت الكرايسلر تتميز بالوسع عنها فقط أما كل حاجة تانية فى صالح المرسيدس طبعا .....و بلاش تدخل الكرايسلر فى مقارنة مع المرسيدس علشان صعب قوى و طبعا المقارنة ككل هتكون فى صالح الوحش الالمانى. أما ماهو تحت الكبوت و طريقة تقفيله المعقدة جدا فا هى طبعا مش فى كل الامريكانى ولا حاجة زى ما انت بتقول .... انا معايا شفروليه كابريس 2004 و طبعا الموتور عليه غطا بس كل حاجة واضحة و بسيطة فى الفك و التركيب....و بعدين انا بكلمك عن تغيير بطارية مش عمرة موتور ...حلوة معقدينها علشان محدش يلعب فيها دى ... ههههه.. سامحنى.. اما عن الموتسيكلات و الطيارات ... انا ماعرفش عنها حاجة .. عشان كدة مش هفتى .... بالنسبة للفرامل الضعيفة عيب فى كل عربيات اصحابى و غيرنا التيل و الديسكات كمان مافييييش فايدة .... هى عربية فراملها ضعيفة و ليست مناسبة لقوة المحرك و القصور الذاتى الذى ينتج عن وزن السيارة و انا قلت (ضعيفة نوعا ما ) و ماقلتش انها ضايعة خالص... حكاية العربية واطية فا دى انا معاك فيها ان مطابتنا فى مصر هى اللى غير مطابقة للمواصفات... بس جرب تركب 4 افراد او اكتر فى العربية كدة بقى محتاج تراك فورميلا 1 تمشى عليه مش شوارع عادية ..... و العيب ده موجود فى عربيات كتير .. ايه المشكلة يعنى .... و سعر اعادة البيع المتدنى فله اسباب كثيرة و لن اخوض فيه و ده فعلا لأن فيه عربيات كتير اسعار اعادة بيعها متدنية جدا زى الاودى مثلا زى ما انت قلت و اما عن الدودج رام .. انت كدة دخلتنا فى حاجة تانية خالص... فى النص نقل.. كل اللى اعرفه عنها ان موتورها قوى .... غير كدة انا ماعرفش عنها حاجة فا مش هفتى لكن انا اعرف كتير جدا عن دودج ديورانجو لأنى كنت هشتريها فى يوم من الايام فا لو عاوز نتكلم عنها تحت امرك .... وطبعا يا باشا مستنيين تقريرك عن الدودج رام بفارغ الصبر ... كلمة اخيرة ..... يا ريت بلاش التعصب من اجل سيارة معينة بعينها .. انا لما دخلت قلت مميزات و عيوب و صدق على كلامى الاستاذ حورس الذى كان أحد مالكى السيارة و كانت له معها صولات و جولات .. واعتقد اللى يهمنا اكتر فى المنتدى هو تبادل المعلومات .... مادخلتش اشتم و خلاص و لا امدح و خلاص و لما انت رديت عليا كنت موافق معاك الرأى فى بعض النقط.... فا يا ريت بس بلاش التعصب لعربية بعينها لأن مفيش فى الدنيا كلها عربية كلها عيوب بس او مميزات بس..... و فى الاخر هى وجهات نظر و ما تقوله حضرتك هو رأيك الشخصى فقط كما هو عنوان الموضوع ..... و هو زى آراءنا جميعا يحتمل الصواب و الخطأ ... ولك فائق الشكر و الاحترام |
رد: رأيي الشخصي في الكريسلر
برضة مفيش كلام اقولة بعد كلام محمد باشا
و زي ما قلنا انا كان معايا الكونكورد و هي علي فكرة نفس ال 300m في كل حاجة الا الطبلون اقل فخامة لكن النسخة الفل اوبشنز نازل فيها نفس طبلون ال 300m و ده كان قاهرني جدا لاني مش لاقي سبب ليه بالنسبة لسعر اعادة البيع هاتلي اودي او جاجوار او اودي تكون عاملة 3000 كيلو و تتباع بنص السعر يا راجل انا كان هيجيلي تخلف و كنت همسك في رقبة المتمن و ايه الكلام ده في توكيل العربية نفسة يعني مش تاجر ولا توكيل منافس و لا واحد مش فاهم غير كده زي ما محمد باشا وضح العربية معقدة زيادة عن اللزوم و علي ايه مش عارف انا في سنسور اتغير مرتين في خلال 20,000 كيلو اي نعم في الضمان بس قلة راحة خصوصا ان لمبة ال check engine بتنور و العربية مبتعديش RPM 2 شخصيا العربية لم تلبي اي من طموحاتي و يكفي ان بسببها كرهت حاجة اسمها الامريكاني في العربيات انا مقدر شعورك و اعجابك بالعربية لانها في مصر طبعا تعتبر عربية هايلة و ده يرجع انها بتغني منفرده لكن لما تتحط في منافسة مع اقرانها للاسف عيوبها كلها بتبان طبعا انا عارف انك دلوقتي مش طايقني بس انا مش قصدي اكرهك فيها ده راي و بكل بصراحة و طالما العربية عاجباك و مريحاك يبقي سيبك من كلامنا خالص و ربنا يبارك لك فيها و مبروك علي الدودج مقدما |
رد: رأيي الشخصي في الكريسلر
اقتباس:
أولا حضرتك ال 300c تعتبر امتداد لل300m حيث ان ال 300c موترها مابين 2700 سي سي we-6100 سي سي وم al-300m هو 3500cc فال 300c هي سيارة أسطورة ولو هنقارن سيارة جنرال موتورز بكريسلر قارن ال corvette ب viper وشوف مين أحسن http://www.youtube.com/watch?v=cyesM...eature=channel شوف الدودج viper أسرع واحدة فلي في السباق 0 60 ميل في 3.4 ثانية سبقت البورش اللي اغلى الضعف والنيسان GTR اللي هي امتداد لنيسان سكاي لاين وده دليل قوة محركات كريسلر أما عن 300m نعم يها عيب في الفرامل بس مش جامدة تظهر ليلي بيجروا جامد وكده أما بقى معلومة أنا عندي beachbuggy Polaris magnum 500cc و ده امريكاني والموتور الميكانيكي مبيعرفش يحط ايده فيه زي الياباني بيتش باجي ده موتوسيكل بأرْبع عجلة للصحرة والجبال عشان الناس تبقى عارفة والمكنيكي مبيعرفش يحط ايده فيه لازم التوكيل وpolaris أحسن ماركت بيتش باجي وموتوسيكلات جليد وتاني ماركة في الموتوسيكل الكلاسيك بعد هارلي واسم الموتوسيكل بتاعها victory وده دليل ان الامريكاني معقد أكتر من الأوروبي والياباني أما عن الكابريس فـأنا عمري ماركبتها أنا عارف إنها منتشرة في السعودية بس معلش أنا مش بقتنع بالشفرولة العربية اللي عجباني في جنرال موتورز هي الكاديلاك وحتى الهمر ممفيش هامر جامدة بعد al-H1 واللهِ العظيم أنا في قرية فينوس الساحل الشمالي من سنة ونص فيه عربية hummer غرزة على الشاطئ بتاع القرية اللي هو ممهد ومن بعدها بقة في نظري سيئة واللي طلعها من الغرز عربية لاند كروزر قديمة كانت عاملة زي الأسد وشدتها ويعني صاحب العربية دفع ألف جنيه عشان يطلعها وباتت على الشاطيء بالليل واتبهدلت عقبال ماحد طلعهـا والعرب خده ألف جنيه عشان يطلعوها بعربية تانية والهمر ديه من عربيات جنرال موتورز أما كريسلر فـعملت al-300c كسرت الدنيا برة والدودج رام الحية تجمع بين الجيب وال بيك أب والعربية العدية ولما إن شاء الله والدي يجبها هاعمل عنها تقرير وفي أبوغالي لما روحنا نحجزها كان فيه الدرانجو هناك موجودة والرجل الينا هي نفس امكانيات الرام لكن اصغر حتة ووالدودج رام بتكسب عربيات جنرال موتورزوده على اليوتيوب صدقني هي أقوى عربية وهـ هي فيديوحاتها http://www.youtube.com/watch?v=LOyBV...eature=related http://www.youtube.com/watch?v=rFh-c...eature=related http://www.youtube.com/watch?v=v_gIS...eature=related http://www.youtube.com/watch?v=W9Ehb...eature=related وده سباق ليها مع البي ام دبليو m5 http://www.youtube.com/watch?v=JesA7-foDFU يكفي الفيديوهات ديه توريك قوة سيارات كريسلر أنا مردتش أجيب كمان الدودج شارجر الحية أسرع من موستنج gt و mercedes slk 350 أنا مش منحاز للشركة لكن كريسلر اجبرتني على كده لكم جزيل الشكر وفائق الاحترام <input id="gwProxy" type="hidden"><!--Session data--><input onclick="jsCall();" id="jsProxy" type="hidden"> <input id="gwProxy" type="hidden"><!--Session data--><input onclick="jsCall();" id="jsProxy" type="hidden"> <input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"> |
رد: رأيي الشخصي في الكريسلر
على فكرة يا جماعة الكريسلر 300m مينفعش واحد يخمس بيها ويعملdrift بسهولة لانها جر امامي يعني مينفعش زي باقي العربيات مش هتبقى أمان ديه عربية معمولة مش للشباب دي معمولة للعائلات
<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"> |
رد: رأيي الشخصي في الكريسلر
شوف يا باشا ...
انا عارف 300C طبعا بكل موديلتها و مواتيرها و الاوبشنز بتاعتها كمان... انا لما قلت لك ماعرفش عنها حاجة قصدت انى ماتعاملتش معاها على الطبيعة ... و مفيش حد من اصحابى معاه العربية دى و انا مابحكمش على عربية ماجتش تحت رجلى....لازم اسوقها و افحتها كمان و اجربها فى كذا موقف و بعدين اقول رايى فيها ... اما عن المعلومات و المواصفات فهى مالية النت و الجرايد و المجلات..... و عموما الكابريس بتاعتى 5700 سى سى و 330 حصان و بتجيب 100 فى 5.5 ثانية و كان معايا قبلها مرسيدس زلمكة موديل 92 .... و انا مش هقارن امريكانى بأمريكانى ... لأن كله زى ماقال الاستاذ شريف منسى زى بعضه بالنسبة لى ... و هنا فى الكويت و فى الخليج عموما الامريكانى معروف انه (جير و ماكينة) بس... عربية كبيرة و واسعة و فيها موتور كبير و قوى بغباء و الفيديو اللى انت جايبه بين الرام و ام 5 دا طبعا مش سباق ... دا شوية درفتات ... هاتهم جنب بعض و خليهم يشدو فى طريق و شوف الرام هتعمل ايه عند اول منحنى أو غرزة جامدة .... طبعا البى ام ولا فى الدماغ هتمشى و لا كأن فيه منحنى اصلا ,, و الرام .. معروف طبعا هتعمل ايه ... هتبقى فى الباى باى.. الحكاية مش قوة موتور بس ... هى باكج على بعضها و التشارجر الحية لو سبقت المرسيدس slk 350 يا ترى هتعمل ايه مع SLK 55 AMG بس ..فا انا يا باشا بقولك العربية فيها عيوب زى ما فيها مميزات... عادى يعنى و مش بلومك انك مقنع بيها .. بالعكس لولا اختلاف الاذواق لبارت السلع .... الفكرة كلها يا باشا ... زى ما قلت قبل كدة و بقول تانى مفيش عربية من غير عيوب... و لك منى جزيل الشكر و الاحترام |
رد: رأيي الشخصي في الكريسلر
بص يا زعيم اهو انت كده دخلت السكة اللي محمد باشا نبهك منها التحيز
و انا هرد علي تعليقك واحدة واحدة اقتباس:
الكورفيت ال Z06 مش اقوي كورفيت موجودة دلوقتي ال ZR1 جت و دي اقوي من الفايبر و ارقامها دليل علي هذا و ادي فيديو فيه مقارنة بين الاتنين و الفايبر هنا SRT 10 يعني النسخة الاقوي من اللي في الفيديو اللي حضرتك حطيته http://www.youtube.com/watch?v=VMHI89W_9zI اما البورش اللي في الفيديو فدي ال GT2 القديمة برضوا اللي كانت دفع خلفي بس الجديدة بقت دفع رباعي و بمحرك اقوي و عموما الالماني بالذات ملوش في الدراج ريس لان كله طلعته تقيلة و الغلبة هتكون دايما للامريكي لكن تعالي علي اول ملف و شوف اللي هيحصل و علي الرغم من كده تفوقت علي الفايبر و الكورفيت. و الموضوع مش موضوع سعر و ان الفايبر نص تمن البورش و الكلام ده. البورش مش غالية من فراغ بل من تكنلوجيا و هندسة متفوقة و ده اللي الامريكان مش قادرين يفهموه اقتباس:
لكن شئنا ام ابينا شيفورليه و جنرال موتورز يتفوقوا علي الكرايسر بشكل عام و المبيعات و السوق هو الدليل اما قصة الهامر دي فالهامر غير ال H1 ملوش في Off Road من اساسه بسبب وزنه التقييييل و اللي طبعا هيكون عائق كبير قدامة. من الاخر الهامر دي عربية منظرة و السلام اما الفيديوهات اللي حضرتك جايبها للدودج فدي اعلانات يا زعيم و شركة دودج هي اللي عاملاها فاكيد الراي مش محايد انا اللي اعرفة ان ملكة الفئة دي هي الفورد F150 و انا مش خبير ولا مطلع علي الفئة دي لكن ده اللي بسمعة و البي ام اللي في الفيديو من M5 خاااالص دي شكلها كمان 523 يا اما السواق كان بيتمشي بيها مش بيسابق من الاخر شركة كرايسلر من شركة صغيرة بالعكس دي شركة كبيرة و ليها اسم و تاريخ لكن حاليا اقدر اقولك انها الي حد ما خارج المنافسة و شوف الشالنجر الجديدة المفروض ان دودج عارفه ان شيفورليه و فورد بيحضروا ال Muscle بتاعتهم فكان المفروض يتعبوا اكتر من كده لكن شوف بنفسك الكمارو و الموستينج مبهدلينها و عموما كلهم كده بربطة المعلم الهيونداي جنسيس كوبية علمت عليهم طبعا في فئة ال V6 http://www.youtube.com/watch?v=6i-QqjLLjO8 الخلاصة العربيات الامريكاني بتتلخص في حاجتين راحه و متور غبي غير كده متلقيش |
رد: رأيي الشخصي في الكريسلر
معلش يا زعيم
اتمني الكلام اللي بنقوله ميكونش زعلك بس قدرك كده تقع مع اتنين الواضح انهم مش طايقيين حاجة اسمها عربيات امريكاني مش كده و لا ايه يا كيمو باشا هههههههه |
| الساعة الآن 04:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017