رد: صوت حكه فى الدريكسون
 

ptmnlo123per1127 OOPS !!!!
هل العربية باور ؟
هل الصوت ظاهر على طول و لا لما تجيب الدركسيون للاخر ؟
حاول معرفة مصدر الصوت بدقة قبل ما تفك حاجة
مهما حصل متحاولش تفك تارة الدركسيون ( مش مستاهله )
لكن لو انت شاكك ان الصوت من جوه العلبة ( الفبره )
المقصود بالفبره الى هى العلبة النصين ( فوق و تحت ) الى طالع منهم اذرع المساحات و الاشارات و النور
و الفبرتين دول ماسكين فى بعض بمسامير
بس رايى تروح لواحد مختص فى لانوس علشان لو فيها فك تاره مش حتعرف انت تفكها
او احسن تتعايش مع الصوت ( انا لو منك مش حقدر اتعايش معاه )ptmnlo123per1128

رد: صوت حكه فى الدريكسون
 

الصوت ساعه الصبح وها طالع سلانسية والف الدريكسون يمين وشمال حركه خفيفه ....مش للاخر

رد: صوت حكه فى الدريكسون
 

يعنى الصبح بس و بعد كده مبيظهرش؟

رد: صوت حكه فى الدريكسون
 

اقصد ان الصوت بيبقى واضح ساعه الصبح بيكون الجو هادى او فى الاماكن الهاديه

رد: صوت حكه فى الدريكسون
 

برضه معرفتش هى باور و لا لا !
حافترض انها باور
حاول الاول تحط المفتاح و تحرر الدركسيون و من غير ما تدور العربية حرك الدركسيون يمين و شمال و شوف الصوت موجود و لا لا
لو مش موجود يبقى الصوت نتيجة دورة الباور ( السير - العلبة - السيلكتور فالف ......الخ )
لو موجود يبقى الصوت نتيجة احتكاك فى احد وصلات او رولمان بلى العامود او من قرص الكالاكس
قرص الكالاكس فكه سهل ( مفك رفيع و تحاول داير ما يدور تنطره لبره ) بس برضه ممكن ميرجعش زى الاول و دى مخاطره

لازم تحدد مصدر الصوت بدقه و بعدين لو حتحتاج تفك الفبرتين ( العلوية و السفلية ) لو شاكك ان الصوت جاى من جواهم ففكهم سهل حتلاقى مسامير لما تلف الدركسيون يمين و شمال و حتلاقى مسامير من تحت

بس برجع و انصحك مش مستاهله فك الدركسيون لو هو ده الى حيحل المشكله لان الدركسيون ليه عدة خاصة لسحبه من مكانه و الميكانيكية حيدقو عليه من ورا علشان يخرجوه ( طبعا بعد ما يفكوا قرص الكالاكس و الصاموله ) فممكن يبوظوا حاجة تانية و ساعتها ممكن الصوت يتعالج بس يطلع مكانه اصوات تانية او مشاكل تانية

يعنى خلاصة الموضوع لو تقدر تزيت الوصلات من غير ما تفك قرص الكلاكس و الدركسيون يبقى ماشى لو مش حتقدر حاول توديها توكيل محترم ( او ميكانيكى متخصص لانوس و دول كتير- بس اوعى تقع فى ميكانيكى حيجرب فيك) علشان عندهم العدد الخاصة

او تعايش مع الصوت

رد: صوت حكه فى الدريكسون
 

هى ممكن من الفبرة وغالبا من الكلاكس هل اذهب الى كهربائى ولا اتعايش مع الصوت

رد: صوت حكه فى الدريكسون
 

مخبيش عليك انا محتار
بتهيالى ملهاش لازمة تفك قرص الكلاكس حتى
اسهل منه العلبة العلوية و السفلية و طلع فيه فبره تحت كمان بكده حتبقى كل حاجة باينة و تقدر تزيت و تشحم لحد ما الصوت يروح و لو مرحش تعايش يا باشا
او لو حد خبرة فى الموضوع اكتر ممكن يجاوب