مصر موتورز مجتمع السيارات - أرجو المساعدة فى الأختيار

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - أرجو المساعدة فى الأختيار (https://www.masrmotors.com/vb/showthread.php?t=2360)

رد: أرجو المساعدة فى الأختيار

الفيرنا هو الأختيار الأمثل
الدايو أى كلام و طحينة
الأفيو ضايعة
الإسبرانزا و الجيلى أبعد عن الصينى و غنيله
اللوجان قطع غياره غالية و الكنترولات بتاعته بتطير و كمان هتبعها بسعر وحش لو فكرت تبيعها

رد: أرجو المساعدة فى الأختيار

انا رأى اللانوس علشان قطع غيارها متوفره وموفره

رد: أرجو المساعدة فى الأختيار

اقتباس:

المشاركة الأصلية كتبت بواسطة Semsem999999 (المشاركة 5874)

عن نفسي أرشحلك الدايو لعدة أسباب لو أنا مكانك مش هتردد

أولا العربية خلاص اتحفظت وانت بتشتري عربية الميكانيكية والكهربائية وجميع قطع الغيار متوفرة بأسعار عادية
اللإيو هي هيه بس بسعر أعلى فملهاش لازمة
الصيني أكيدددددددددددددددددددددد دددد عن الشر وتغنيله
الفيرنا تغور من غبور ومشاكلها كثير

أما الرينو اللوجان فمعرفش ليه مش مستريحلها بعدين عربية لسه غامضة ولا قطع غيار معروف سعرها ولا أي حاجه وأكيد هتبقى قطع غيار غاليه مقارنة باللانوس ، وبعدين زي ما قلت أنا أحب ألعب في المضمون يعني الحاجة المعروفة واللي الناس جربتها وأثبتت كفاءة فليه أتعب نفسي وأضيع فلوسى ؟؟؟؟؟؟؟؟

ربنا يوفقك لما فيه الخير

اللانوس هى افضل اختيار وصمودها فى مصر من 1998 الى

2008 دليل على جودتها لكن الفيرنا لسه نزلة فى 2004

ومحدش عارف شكلها هيبقى ازاى بعد 10 سنين

رد: أرجو المساعدة فى الأختيار

انا مش ضد اللوجان ولا حاجة بس مينفعش نقارنها بموديلات رينو القديمة لان ديه حاجة وديه حاجة تانية

رد: أرجو المساعدة فى الأختيار

اقتباس:

المشاركة الأصلية كتبت بواسطة AboNoRa (المشاركة 8446)

انا مش ضد اللوجان ولا حاجة بس مينفعش نقارنها بموديلات رينو القديمة لان ديه حاجة وديه حاجة تانية

مش فاهمك يا عم وائل هو ايه علاقه اللوجان بأننا نقارنها بموديلات الرينو القديمه؟؟؟ptmnlo123per112 7ptmnlo123per1127

رد: أرجو المساعدة فى الأختيار

اللانوس :
- الموتور 1500 CC
-أداء كويسة جدا
-شكلها ثابت بقاله سنين (قديم)
-قطع غيارها متوفرة و سعرها مناسب جدا
-ممكن صيانتها بكل سهولة خارج التوكيل
-الصاج الخارجي ضعيف و تحدث به انبعاجات خفيفة من الهواء فقط في السرعات العالية.
-سعر اعادة البيع ممتاز
-تجميع مصري

الفيرنا:
-الموتور 1500 و 1600 CC
- أداء ممتاز
-شكلها ثابت بقاله سنين (قديم)
-قطع غيارها متوفرة و سعرها مناسب جدا
-التوكيل مزدحم جدا و الخدمة متوسطة.
-سعر اعادة البيع ممتاز
-تجميع مصري أو هندي

اللوجان:
-الموتور 1600 CC
- أداء جيد جدا (و ما زال تحت الاختبار)
-شكل جديد و لكن بروح قديمة نسبيا
-قطع غيارها متوفرة و سعرها غالي نسبيا
-التوكيل ممتاز.
-سعر اعادة البيع ضعيف
-تجميع تشيكي (أوروبي)
-صالون أوسع من اللانوس و الفيرنا

الأفيو:
- الموتور 1500 CC
-أداء كويسة جدا
-شكلها حديث و محبوب
-قطع غيارها متوفرة و سعرها معقول
-التوكيل مزدحم نسبيا و متوسط الخدمة
-سعر اعادة البيع جيد جدا
-تجميع مصري و كوري

الصيني:
لأ (لا أستطيع أن أحبذ أي موديل موجود حاليا)

رأيي الشخصي من الناحية العملية اللانوس أو الفيرنا و لو أن في شئ داخلي يشدني للوجان

طيب ماتزود الف جنية تانى وتشترى نوبيرا .......... العربية جميلة جدا و يمكن مقارنتها بالالنترا والصنى ... فى اشياء كتير
سعرها الحالى 76000 ...... وصالونها اكبر من الانوس والفيرنا وسعر اعادة بيع كويس جدا والميكانيكية برضوا بيفهموا فيها ومتقلقش من حكاية قطع الغيار هتبقى متوافرة وكمان سعرها كويس