رد: هل كل قطع غيار السيراتو متوفرة خارج التوكيل ؟؟
 

أكيد موجودة أنا ما بحكي شيء من عقلي :HAPPY_~211:

رد: هل كل قطع غيار السيراتو متوفرة خارج التوكيل ؟؟
 

يا باشا قطع غيار ايه ال موجودة
زي اية مثلا حتلاقيها قطع غيار متوفرة في اي عربية زي مثلا تيل الفرامل مثلا يعني
وبعدين هي العربية عملت اد ايه علشان تفكر تجيبلها قطع غيار

رد: هل كل قطع غيار السيراتو متوفرة خارج التوكيل ؟؟
 

يا جماعة الموضوع مش موضوع العربية بقالها اد ايه فى السوق عشان نلحق ندورلها على قطع غيار انا معاكم ان العربية الجديدة غالبا و بستر ربنا طبعا اولا واخيرا ما بتحتاجش غير الصيانة العادية ( زيوت و تيل و فلاتر ) اول كام سنة بس وارد جدا لاقدر الله ان حد يحتاج قطع غيار كتير جدا فى بداية الاستخدام نتيجة حادث مثلا و التوكيل دلوقتى برأ نفسه من الخليجى و حظر التعامل معاها يبقى اللى يجيب خليجى يروح بيها فين .
يبقى حل الموضوع ده على محورين الأول الاصرار على توصيل صوتنا لشركة كيا الكورية بتكثيف الايميلات و الثانى ان احنا نعمل زى بحث كده عن كل اماكن صيانة العربية خارج التوكيل و اشهرها حسب علمى توكيل بوش ( مركز أمير و جوزيف ) و عنوانه 43 شارع ابو داوود الظاهرى من مكرم عبيد بمدينة نصر و ت : 0102151986 و بالفعل لسه مكلمهم حالا و اللى رد عليا اكدلى وجود كل قطع الغيار بس للتأكد قالى اتصل من 10 الى 6 يوميا للتحويل لقسم الصيانة و معرفة الاسعار بالتحديد و كل واحد ممكن يعمل كده و نتأكد من وجود قطع غيار العربية و اسعارها و اماكن وجودها ................... و شكرا

رد: هل كل قطع غيار السيراتو متوفرة خارج التوكيل ؟؟
 

الحمد الله رحت عملت صيانه 1000 كيلو النهارده عند مركز امير وجوزيف
بصراحه معامله محترمه وناس كويسين وهم فهمين العربيه كويس
طبعا معملتش حاجه غير تغير الزيت والفلتر وتربيط العفشة
وهم كمان عملوا تشك على المياة والانوار
واخيرا هم حطوا الجهاز اللى بيكشف عن الاعطال وكان كلوا تمام بحمد الله وذلك بدون اى مقابل.
انا اول مرة اتعامل معاهم وحبيت انقل التجربه السريعه ده ليكم وربنا ما يحوجنا للتوكيل
وفى الاخر ختملى الضمان بتاع العربيه ومخدتش اكتر من ساعه والعربيه كانت قدامى وتكلمت مع مهندس الاستقبال و مسئول قطع الغيار و اكدلى ان جميع قطع الغيار الاورجينال عندهم وهم جايبينها من التوكيل.
انا بصراحه مش بعمل اعلان بس اتبسط لما لقيت ناس محترمه وفاهمة

رد: هل كل قطع غيار السيراتو متوفرة خارج التوكيل ؟؟
 

طيب جميل جدا يبقى الكلام اللى قالهولى الراجل بتاعهم فى الموبايل مظبوط بس حضرتك مقولتناش هما عملوا صيانة الألف مجانى ليه هل عشان انت شارى ضمان من المعرض و لو ايوه مين المعرض و مين شركة الضمان و بكام الضمان فى السنة .
على فكرة انا دلوقتى بديت احس ان الموضوع بقى مفيد للمنتدى و ده المهم التفاعل و الايجابية

رد: هل كل قطع غيار السيراتو متوفرة خارج التوكيل ؟؟
 

اخى الفاضل
انا عربيتى خليجى سعودى اشتريت لها ضمان ضد عيوب الصناعه من شركه امان الشرق لمده سنتين او 40 الف ك وده اشتريته ب 1500 جنيه
النهارده انا غيرت الزيت والفلتر ب 275 جنيه
المصناعيه كانت النهارده على حساب شركه الضمان اول مرة فقط فى العادى 75 جنيه
ارجو ان اكون افدت حضرتك وتحت امرك فى اى استفسار

رد: هل كل قطع غيار السيراتو متوفرة خارج التوكيل ؟؟
 

كويس جدا ان التوكيل موفر قطع غيار للسيراتو