رد: هل اللى حصل ده بسبب نقص البنزين فى السياره ؟؟؟ ارجو الافاده
 

بسم الله الرحمن الرحيم
أولا لازم تصلح العوامة مؤقتا ولو تعزر ذلك عندك عداد الرحلات أمشى عليه يعنى فول السيارة وصفر عداد الرحلات وأمشى على الأقل 300 كيلو متر وبعدين فول مرة ثانية ملحوظة طلمبة البنزين تتلف من عدم وجود بنزين أكثر من ربع الخزان صيانة السيارة ضرورة لكى تتضمن عدم تعطلها بأستمرار لأبد من تغير البوجيهات وفلتر الهواء وفلتر البنزين
وشكرا

رد: هل اللى حصل ده بسبب نقص البنزين فى السياره ؟؟؟ ارجو الافاده
 

بسم الله الرحمن الرحيم
العيب مش بسبب قلة البنزين العيب أن خليط الهواء والبنزين غير صحيح أو أن الشرارة غير مضبوطة الحل تغير فلتر البنزين وقياس ضغط طلمبة البنزين وتغيرها أذا كان الضغط غير مضبوطوتغير فلتر الهواء وتغير البوجيهات وقياس الشرارة لمعرفة قوة البوبينة الخاصة بأنتاج الشرارة خبير سيارات
وشكرا

رد: هل اللى حصل ده بسبب نقص البنزين فى السياره ؟؟؟ ارجو الافاده
 

كلامك صح

طالما أن العربية بتمشي لما بتدوس اخر يبقي المشكلة في دورة البنزين ،،، و غالبا يافلتر مسدود أو رواسب التنك وصلت عند الفلتر او الطلمبة و اصبحوا شبه مسدودين
كان عندي نفس العيب هوه هوه في ابيزا سيستم بورش و كان السبب هو ان خرطوم البنزين اللي بيوصل البنزين من التنك للطلمبة متني شويه و خانق البنزين ،، عيب اهيف من الهيافة بس يجنن الواحد و ممكن جدا الصنايعيه يسهو عنهم مثل تلك التفاصيل البسيطه ....ptmnlo123per195

غير فلتر البنزين و اكشف علي الطلمبة ،،،

رد: هل اللى حصل ده بسبب نقص البنزين فى السياره ؟؟؟ ارجو الافاده
 

رد: هل اللى حصل ده بسبب نقص البنزين فى السياره ؟؟؟ ارجو الافاده
 

المشكله انى وديت العربيا للكهربائى اللى كانت قاعده عنده فتره المهم لعب فيها شويه وقالى ان خرطوم مش فاكر اسمه كان تقريبا مش مربوط او مفكوك !
يعنى ياسيدى مش هتعملها تانى لا ياباشا عييييييييييييب
خدت العربيه و كان معايا والدى و ماروحيين وماشين على طريق يعتبر سريع
نفس المشكله اتكررت العربيه بتقطع و تترجرج بشكل مفزع و فى صوت فرقعه و مدافع من تحت العربيه و المشكله انه ممكن تحصل كارثه لو عربيه جايه من ورايا بسرعه ممكن تلبس فيا بس الحمد لله ربنا بييسترها
المهم قولت لوالدى احنا نطلع على واحد تانى فى مصطفى كامل بنتعامل معاه الراجل ده اختصاص جيب و اوبل و شغله نضيف جدا قالى ماشى و بالمره نطلع نقعد مع جماعه قرايبنا لحد ما العربيه تخلص و فعلا اتجهنا لمنزلنا و منه الى طريقنا للميكانيكى
وشاء القدر ان العربيه وصلت لحد تحت بيتنا و مرضيتش تتحرك تماماااااااااااااااااااا
المهم ركناها بالزق طبعا و ركبنا و روحنا للميكانيكى و ادينالوا المفتاح هوا بعت جابها
و فى اخر اليوم واحنا معديين عليه قالنا ان ترمبه البنزين كانت عامله قافله و حرقت كارت الكهرباء و كان ممكن تعمل ماس يولع فى العربيه وجبنا كارتة كهرباء جديده ب 1200 جنيه و الراجل ظبط شويه حاجات فى العربيه بقى السحب بتاعها جامد و كده المهم خدنا العربيه و فى طريقنا للعوده للمنزل
و السكه كانت زحمه و اشاره و كده و تقريبا كنت ماشى على 30 -40 و لسه بنقول العربيه بقيت تمام
خلصنا من الزحمه و بجرى شويه باعربيه نفس المشكله اتكررت العربيع بتقطع و بترجرج و فى فرقعه و مدافع من تحت العربيه وكان فى عربيات ورايا بس ربنا ستر شغلت الانتظار و مسكت اقصى اليمين و ركنت و حلفت منا راكبها تانى غير لما تتظط تمام لانى اعصابى باظط و كلمنا الميكانيكى جه خدها واهيه معاه ويا مسهل يارب

رد: هل اللى حصل ده بسبب نقص البنزين فى السياره ؟؟؟ ارجو الافاده
 

ربنا يسترها
أنت غالبا عندك مشكلة فى الهيدلر بتاع البنزين Stepper Motor
و هو المسئول عن فتح و خنق البنزين مع الدواسة
أنا كان عندى مشكلة مشابهة فى البييجو البرستيج بتاعتىو ده كان السبب
على العموم ممكن تتأكد لو طلبت من الميكانيكى يعلى الهيدلر شوية هيروح فاتح الخانق بتاع البنزين و تلا قى الأر بى إم على و الشكمان بيطلع دخان كثيف

رد: هل اللى حصل ده بسبب نقص البنزين فى السياره ؟؟؟ ارجو الافاده
 

شكرا يا باشا لردك و اهتمامك
وهيا دلوقتى عن الميكانيكى و ربنا يسهل