مصر موتورز مجتمع السيارات - أيه وضع الترلات الغريب الى بيحصل معايا ديما

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - أيه وضع الترلات الغريب الى بيحصل معايا ديما (https://www.masrmotors.com/vb/showthread.php?t=22184)

رد: أيه وضع الترلات الغريب الى بيحصل معايا ديما

اقتباس:

المشاركة الأصلية كتبت بواسطة خالدخليفة (المشاركة 149855)

الحمد لله الذى نجاك واللى ييجى فى الريش بقشيش وصحتك بالدنيا و حياتك عندنا اغلى واهم من اى شىء
الله يبارك فى عمرك ويكفيك اى سوء ياأستاز / خالد
والله احلى حاجه فى مصر موتورز انى بحث انى مع اهلى واحبابى واصحابى وربنا يجعلها محبه دائمه خالصه لوجهه الكريم
ليا ملحوظتين على كلامك
الاولى / واضح انك بتتنقل على الطريق السريع كتير بين دمياط وكفر سعد وبالتالى بتحتك بيهم ومعندكش دراية فى التعامل معاهم وخاصة ان شتيمته ليك تقول انك بتتصرف بطريقة حسسته انك مش ليك مدة بتسوق وانا عملت موضوع هنا فى المنتدى للتعامل مع التريللات اثناء السفر بناء على خبراتى فى السفر والتعامل معاهم وارجو انه يفيدك وده الرابط بتاعه
بالعكس ياأستاز خالد انا بسوق منذ 9 سنوات والحمد لله معملتش حوادث الا المرتين بتوع الترلات
http://www.masrmotors.com/vb/showthr...356#post141356
الثانية / ودى ملحوظة لذيذة شوية من كلمتين فى كلامك عرفت انك صعيدى قريبى ومقيم فى دمياط الوالانية كلمة شتومة لان محدش بيقول على الشتيمة شتومة غير بتوع الصعيد الجوانى والتانية هزاقة من التهزيق يعنى و دى صعيدى برضه
سلام كبير للصعايدة

انا من المنصوره ولاكن لى اصحاب صعايده كتير وبصراحه رجاله فى تعاملهم واحتمال هما الى عودونى على اللهجه الصعيدى

رد: أيه وضع الترلات الغريب الى بيحصل معايا ديما

قدر الله وما شاء فعل
المهم حمد الله على سلامتك
ومتضايقش نفسك من كلام السواق .... حتتوقع منه ايه يعني
واحد تلاقيه سايق مركب و محمله اطنان وبيجري على الشمال يسابق الملاكي و ياخد غرز على 140!!
متتوقعش منه اي اعتذار او كلمه كويسه ... هو مش فاهم اساسا انه غلطان !!
هما لما بيركبو العربيات دي بيحسو انهم ملوك الطريق و العربيات الملاكي دي صراصير
ربنا يشفيهم أو يريحنا من امثالهم

رد: أيه وضع الترلات الغريب الى بيحصل معايا ديما

كويس انك قلت جملة بسوق من 9 سنين دى لانى بسمعها كتير والسواقة زيها زى الطيران مهو الطيار بيسوق عدد ساعات معين مش عدد ايام فانا مثلا فى سنة واحدة عملت حوالى 70 الف كيلو سواقة مع مختلف الطرق ومع ذلك لا ادعى انى متمرس ولازم تعرف ان مفيش كبير على الحوادث وانا يوميا بشوف تريللات مقلوبة بحمولتها رغم انهم من وجهة نظرى المتواضعة احسن سواقين ويكفي ان رخصتهم درجة اولى بينما رخصة الملاكى ليس لها تصنيف فهى خاصة ولا التاكسى ولا الميكروباس فهى مهنية او تالتة وانا شخصيا اتعلمت منهم كتير لكن فيهم مجرمين وبيستغلو عربياتهم الكبيرة وخوف الناس منهم وبيستهبلو فى الشوارع

رد: أيه وضع الترلات الغريب الى بيحصل معايا ديما

اقتباس:

المشاركة الأصلية كتبت بواسطة ابراهيم داود (المشاركة 149821)

لا حول ولا قوة الا بالله ! ربنا يصبرك يا أستاذ ابراهيم ! بس لى ملاحظات علشان بتوع التأمين

ممكن يتلككوا على القصه بتاعتك لآنها ( آسف يعنى ) مش مفهومه قوى !

يقوم بخبط الباب الخلفى للداخل من ناحيه اليسار بعمق كبيرمما ادى الى عدم القدره على فتح الباب وأثر احتكاك بالرفرف الخلفى والاكصدام الخلفى من ناحيه اليساربجوار الباب
بعدها دفعنى شمالاً بقوه !

معلش فهمنى ازاى خبطك فى الرفرف الخلفى شمال و الباب الخلفى شمال و برده

دفعك شمالا ؟؟ المفروض يدفعك يمين ! و ده معناه انه كان بيعديك من على الشمال!

فاذا سلمنا بأنه دفعك شمالا يبقى انت كان لازم ( والعياذ بالله ) تنزل تحته !

وبصراحه عليه حته اكصدام يوزن حوالى 50 كيلو جرام؟
مما ادى الى كسر جزء من الاكصدام الامامى يمين وخلع الرفرف الامامى يمين من مكن تثبيته !

أولا اكصدام الترله ممكن يوصل 200 كيلو جرام مش 50 كحم !

بس مش دى المشكله ! المشكله ايه بقى اللى خلع الرفرف اليمين الآمامى ؟

اذا كان هو دخل لك من الشمال ؟؟؟؟

واحتكاك فى الباب الامامى الايمن !

الاهم من كده اخذت حقى فى شتومه وهذاقه منه

شتمك ازاى ؟ وهوه فوق على الشمال وانت تحت على اليمين ؟

ولا هوه وقف ( كتر خيره يطمأن عليك ) ؟؟

المهم حاولت اوقفه استحاله وممكن يكون دخل على طريق فرعى؟

توقف مين يا عم ؟؟ و بعدين دخل طريق فرعى ازاى من غير ما

تشوفه ؟؟

طلبت النجده ولاكن لاينتظر ؟

ومش عاوز اكرر غلطتى قبل كده ؟

أنا فاكر انك قلت مش ح تأمن تانى ؟؟ و بعدين بتوع التأمين

ممكن يقولوا عليك بتاع مشاكل وانت اللى ما بتعرفش تسوق ؟

فارجوا منكم النصيحه لوجه الله تعالى ؟

النصيحه تبخر العربيه و تطلع العفريت اللى فيها و مزعل التريلات منك !!

معلش أنا عايز أفرفشك شويه ! بس صور العربيه واتصل باتأمين بأسرع

ما يمكن بعد عمل محضر فى القسم وياريت تكون لقطت نمرة التريلا !

Dr. Bolbolan ptmnlo123per1106

رد: أيه وضع الترلات الغريب الى بيحصل معايا ديما

يا أخي كان الله في عونك وهون عليك وعوضك خير ... أهم حاجه متزعلش نفسك البلد كلها فوضي ... مجتش من الشوارع ... بلد لافيها نظام ولا حكام ولا قانون ولا إنصاف .... ربنا يعدل ويصلح أحوال الناس ... أهم حاجه صحتك ... متزعلش .. أو إجتهد إنك متزعلش علشان أنا لسه مجرب قبل منك بإسبوع موضع الزعل بيمرض الإنسان وبيضيع صحته ... وربنا يعوضك خير

رد: أيه وضع الترلات الغريب الى بيحصل معايا ديما

تابع المحضر يا بشمهندس وخد صوره منه واطلع علي التامين وهما هيعملولك كل حاجه ولو التامين قلك اعملها بره وهتلنا فاتورة واحنا ندفعهالك قولهم لا

اعملها في التوكيل وهما هيتحملو كل حاجه لان عندهم بره بتوفرلهم كتير لكن في التوكيل بينقسم وسطهم ولو ماطلو معاك عليك وعلي هيئة الرقابة علي التامين ولو مفيش فايدة بردك اطلع علي جهاز حماية المستهلك والله المستعان والف سلامه عليك وربنا يسترها عليك وخلي بالك بعد كدا يعني لو شوفت واحد من البهايم دول ماشيين وراك وعايزين يعدوك وسعلهم وخليهم يعدو وبلاش تحط عقلك بعقلهم

رد: أيه وضع الترلات الغريب الى بيحصل معايا ديما

اقتباس:

المشاركة الأصلية كتبت بواسطة sam ram (المشاركة 149875)

قدر الله وما شاء فعل
المهم حمد الله على سلامتك
ربنا يسلم عمرك ويسعدك ياأستاز / sam ram
ومتضايقش نفسك من كلام السواق .... حتتوقع منه ايه يعني
الحمد لله على السرآء والضرآء
واحد تلاقيه سايق مركب و محمله اطنان وبيجري على الشمال يسابق الملاكي و ياخد غرز على 140!!
متتوقعش منه اي اعتذار او كلمه كويسه ... هو مش فاهم اساسا انه غلطان !!
ده الى بيحصل حقيقى الايام دى مع ان فيهم ناس برده كويسين وعندهم ضمير
هما لما بيركبو العربيات دي بيحسو انهم ملوك الطريق و العربيات الملاكي دي صراصير
ربنا يشفيهم أو يريحنا من امثالهم

ربنا يهدى الجميع