|
رد: سؤال هام للخبراء
ياباشا لما تبقى فى شد مع حد أو سباق أو كدة يعنى
أعمل كيك داون أنا سبقت سيراتو بالعربية الفيكترا وهى أوتوماتيك ( بالكيك داون ) سحب العربية بيزيد جامد والنقل بيبقى أسرع ولو عندك نظام قيادة رياضى شغله وهيعمل أحلى شغل معاك |
رد: سؤال هام للخبراء
روح التوكيل و اطلب منهم اعادة برمجة الكنترول بتاع الموتور علشان يرمي بنزين اكثر يتناسب مع البوجيهات الاسبور و فلتر الهواء الاسبور وكمان اطلب برمجة الكنترول بتاع الفتيس و ممكن علي حد معلوماتي تشغيل الكيك داون مع ار بي ام صغير نسبيا ( 3000 لفة مثلا ) ،،، و ده هيخلي العربية اسرع و اقوي بكثير من المانيوال العادية ، بس هيزيد استهلاك البنزين قليلا ،،، أعتقد أنه مش مهم طالما انت غاوي سباق و يهمك الاداء
برضه ضروري تغير الشكمان كله و ياريت يبقي ماسورتين و علب ديفيل اصلي علشان الموضوع مش دوشة و صوت زي ما انت قولت ،،، الموضوع سرعة تسريب للعادم لتقليل مقاومتة للموتور اثناء الشد بالعربية ،،، تخيل انك عاوز مرة واحدة تخرج كمية غاز من فتحة معينة ضيقة نسبيا طبعا هياخذ وقت و جهد اكبر من الموتور في عملية (الزق) علي عكس ما اذا كانت تلك الفتحة اكبر بكثير اعتقد بكده انت هتعمل فرق كبير في الاداء ،،، و لو معاك ميزانية محترمة ممكن تركب تربو تشارجر هيخللي احساسك بالعربية كانها 2500 سي سي و طبعا اداء ثاني خالص و شغل ثاني خالص و مفيش وجه للمقارنة حتي لو بتشد مع بي ام ،، بس ساعتها لازم تركب فرامل اسبور (طنابير كربون ) و مش أقل من 4 لقم تيل لكل عجلة للسيطرة علي القوة الهائلة للجري . |
رد: سؤال هام للخبراء
اقتباس:
يا باشا انا قولت ان الفتيس بتاعى تريبترونيك يعنى فيه مانيوال واتوماتيك والمانيوال بتاعها اسرع من الكيك دون الى انا عايزه وانا ماشى بالمانيوال بتاعها وانقل الغيار الاقى سرعه استجابه مع العلم انى شديت مع لانسر بومه 2009 ولانسر شارك 2009 واسكودا اكتافيا a4 وطلعت منهم واكيد الى حضرتك شديت معاه ده مابيعرفش يسوق مش تقليق لحضرتك ولا للعربيه لا ده لان النيو سيراتو 124 حصان انا ماعرفش الاوبل بتاعه حضرتك موديل كام بس الفيكترا 2010 105 حصان يعنى استحاله تطلع من السيراتو انا عايز ازود سرعه الاستجابه للغيرات مش اكتر من كده |
رد: سؤال هام للخبراء
اقتباس:
يعجبنى اوى الناس الفاهمه مش الحافظه ptmnlo123per112 بس احب ازود معلومات حضرتك انى عارف الحجات دى كلها وفاهمها وحافظها كمان من كتر حبى للحجات دى بس مش ده الى انا عايزه ........... انا عايز ازود استجابه نقل الفتيس لما اكون ماشى بالمانيوال (سرعه تجميع) |
رد: سؤال هام للخبراء
الاوبل تقريبا 136 حصان لانها 2000 سى سى اوتوماتيك يعنى أكتر من السيراتو فكدة مين اللى يكسب مع العلم إن السيارة فيها نظام قيادة رياضى لظبط الشحنة اللى داخلى للموتور والعربية خليجى (يعنى مع احترامى لحضرتك طبعا الفيكترا ممكن تأكل السيراتو ودة مش تقليل من عربية حضرتك لكن العربية خليجى و2000 سى سى )
مع العلم بردة أنا شديت كذا مرة مع صنى ولانسر وخيطتهم وبالنسبة لو انت عايز شد ممك تغير السوفت وير ( لو العربية ليها سوفت وير رياضى ) عشان يظبط الشحنة اللى داخلة للموتور يخليها غنية عشان تدى قوة أكبر وبالتالى هتخلى النقلة أسرع ولو لقيت السوفت وير لازم تغير لديفيل أصلى وتقبل تحياتى |
رد: سؤال هام للخبراء
اقتباس:
اولا تقبل تحياتى للاسلوب الجيد فى الكلام ثانيا مافيش اوبل فى مصر 2000 سى سى ثالثا هاعتبر انها موجود يبقى مافيش اى تكافؤ فى الشد ده لان السيراتو لو كانت برده 2000 سى سى مكنتش هاتشوفها اصلا رابعا بالنسبه للصنى فا هى 118 حصان واللنسر 122 واللنسر الشارك 106 و الاوبل 105 وده اعتبارا انها 1600 سى سى اما بقى موضوع التوكيل ده فانا هسال فى فحص 5000 ومتشكر ليك على الفكره دى بس يارب تنفع |
رد: سؤال هام للخبراء
ربنا يخليك يا باشا
وبالنسبة للفيكترا موديل 98 فى منها 2000 وفى 2400 كماان وموجودين مصر وبالنسبة لمحرك الفيكترا لجديدة هو 105 حصان بعد التركيب على العربية لكن كل الكورى واليابانى بيقيسو قوة الموتور قبل التركيب وخد بال حضرتك أن الفيكترا وزنها تقيا مقارنة بالسيراتو فلو موتور الفيكترا ركب على السيراتو هيطلع قوة جبارة وربنا يكرمك وتلاقى السوفت وبر الرياضى هيفرق معاك جامد جدا وتقبل تحياتى |
| الساعة الآن 01:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017