|
رد: ## طلب من الإخوة المغتربين ##
أبو كمال أبو الرحال : سؤال هو ليه مرحتش ضبا سفاجا لأن ناس كثيررررررررررة بتسب وتلعن في العقبة - نويبع وبيقولوا إن ضبا - سفاجا أرحم واسرع ؟؟؟؟؟؟؟؟؟؟ |
رد: ## طلب من الإخوة المغتربين ##
اقتباس:
وعامة توصل بالسلامه انت تخرج من ابو سمرة وهناك بيدوك خريطه للسعودية وانا سمعت ان في طريقين بس في طريق للعبارة السريعة اللي 4 ساعات وديه احسن لانك بتحجز فيها وانت في السعودية من قبل ما توصل المينا وبتاخد مواعيدها كمان عشان مواعيدها معروفه بس مش فاكر العبارة ديه في ضبا ولا العقبة بس تقريبا ضبا وعامة انا هاسألك ثانيا انا كمان في الدوحة شغال هناك بس في المنتزه يعني جيران ومرة تانية توصل بالسلامه ان شاء الله |
رد: ## طلب من الإخوة المغتربين ##
يا باشا إحنا جيران أنا في المطار عند إشارة تويوتا (عبد الله عبد الغني ) أمام مبنى القطرية الرئيسي لو تعرف مبنى خروجيات المطار أنا في العمارة اللي في وشه على طول . أنا بس مشكلتي أروح العقبة ولا ضبا ؟ ناس بتشكر في العقبة وناس بتسب وتلعن ونفس الحكاية بالنسبة لضبا ؟؟؟؟؟؟؟؟؟؟؟ |
رد: ## طلب من الإخوة المغتربين ##
اقتباس:
بص من ضبا المركب بيعدى 100 كم فى بحر هائج دائمآ و أسماك القرش و الباراكودا هناك أكثر من الميه نفسها ! والمركب بتتمايل على طول و تطرش وتجيب مصارينك بره ! ( ده بالسمع برده ) ! أما عبارة العقبه فعامله زى عبارة بورسعيد / بورفؤاد ! وميناء سفاجا زى الزفت و 7-8 ساعات للقاهره علشان الرادارات هناك كتير طول الطريق ! هيه دى معلوماتى ياباشا ولو أنا مطرحك لا يمكن أروح ضبا ! Dr. Bolbolan ptmnlo123per122 |
رد: ## طلب من الإخوة المغتربين ##
اقتباس:
1- لو حصل وجيت فعلا يا دكتور يبقى يوم سعدي (هتعالج ببلاش) !!!! ههههههه بجد لو حصل ليك عزومة معتبرة أول لما توصل الدوحة عند مطعم الطواش أكيد عارفه ؟ 2- أنا لا روحت العقبة ولا ضبا بس هو بالسمع من الناس اللي راحت إن العقبة ونويبع بهدلة وقلة قيمة (خصوصا في الأردن) اما ضبا مع طول طريقها بس أرحم !!! |
رد: ## طلب من الإخوة المغتربين ##
والله استخير ربنا و توكل على الله ! و عمومآ البنزين فى السعوديه ببلاش ! اللتر 92 بحوالى نصف جنيه
مصرى ! والاستراحات فى كل مكان ! و كل استراحه عباره عن بنزينه و سوبر ماركت و كافتريا و مسجد و دورة ميا ه رجالى و بجانبها الحريمى ! بس طبعآ درجات ! و كمان تلاقى كشك بيعمل نسكافيه و شاى و قهوه تركى و كل حاجه بريال ! على فكره أنا ما شفتش الطواش اللى فى الدوحه لكن شفت اللى فى أبو ظبى ! هوه أنا مش أكيل قوى ! بس بأحب الآكل الحلو ( المخدوم يعنى ) و الوجه الحسن المسمسم ! ptmnlo123per1147 و على فكره ( مركز اللولو لسه فاتح هنا فى الخبر الشهر الماضى ) ! الله يرحم اللى قدام مستشفى حمد و التانى برده الجديد ( مش فاكر فين بالضبط ) ! و توصل بألف سلامه ! r. Bolbolan ptmnlo123per122 |
رد: ## طلب من الإخوة المغتربين ##
توصل بالسلامة انشاء الله
1/ العقبه : نويبع حضرتك بتخرج من السعودية عن طريق منفذ الدرة بتعدي على 2 شباك الاول بتختم الجوازات خروج والثاني بتختم دفتر التربتك بناع السيارة والخطوتين بيتم الانتهاء منهما وانت جالس في السيارة من غير ما أي فرد بينزل من السيارة . ( 10 دقائق ) بتخرج من بوابة السعودية بوابة الاردن ( 20 متر تقريبا ) وبتبدأ اجراءات الاردن الخاصة بالجوازات والسيارة من حصر الحمولة والجوازات والتأمين والرسوم والموضوع ده بيتكلف حوالي ( 120 ريال سعودي ) وحوالي ساعة تقريبا حسب التوقيت اللي حتنزل فيه وقت زحام ولا هادئ. وبعدين بتتجه الى الميناء ( 10 ك تقريبا ) وهناك بتخلص اجراءات التذاكر للافراد والسيارة من مبنى واحد وهناك عبارات سريعة ( 45 دقيقة لنويبع ) وعبارات عادية ( 3:4 ساعات ) وللتسهيل بتلاقي شباب يخلصلك كل حاجه مقابل شئ بسيط والاجراءات بتخلص في ( ساعة تقريبا ) وبعدين بتوصل نويبع بتشوفلك واحد يخلصلك اجراءات المرور وتخلص انت موضوع تفتيش الجمارك وعلى فكره نويبع وسفاجا متقاربين من ناحية المستوى ما عدا ميناء الغردقة حدث ولا حرج 2/ ضبا / الغردقة فبل الميناء بحوالي ( 10 ك ) بتخلص حجز التذاكر وتذكرة السيارة وبتعرف المواعيد طبعا وايضا يوجد عبارات سريعة ( 3 ساعات )وعادية ( 10 ساعات)ولكن لا انصحك بعبارات ضبا الغردقة لسوء ميناء الغردقة وبعدين بتذهب للميناء وهناك بتخلص اجراءات الخروج الجوازات والسيارة وطبعا بتنزل سفاجا والاجراءات نفس نويبع نويبع القاهرة 450 ك سفاجا القاهرة 650 ك * |
| الساعة الآن 06:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017