|
رد: فولكس بولو 2001 1000cc بس!!؟؟
اقتباس:
أشكر لك المداخلة و النصيحة و لكن ،،، هل كانت عربيتك سليمة ( كانت معاك من وهيه جديدة ) و ما تلعبش فيها و لا في وش السلندر بتاعها ؟؟؟؟ أنا بصراحة لم اجرب البولو و لكن عندي اصدقاء اشتروها من الزيرو و بنجيب سيرة العربيات كثير و ما سمعتهمش بيشتكوا منها في حته السخونة !! و كما انا شخصيا كان معايا ابيزا 92 سستم بورش و بعتها بعد فترة طويلة و كانت زي الفل و ما بتسخنش و مؤشر الحرارة دائما اقل من النصف بحاجة بسيطة صيف و شتاء !!! برجاء الافادة و التوضيح حتي يتثني لنا جميعا الاستفادة من خبرة سيادتكم ،،، |
رد: فولكس بولو 2001 1000cc بس!!؟؟
اقتباس:
طيب هل فى عربية تانية حضرتك تقترحها و تكون قريبه من سعر البولو و امكانيتها من حبث ثبات و شكل و كده؟؟ |
رد: فولكس بولو 2001 1000cc بس!!؟؟
السلام عليكم
البولو عربية جمدة بس التيوتا احسن بكتير نعمة واقتصادية فى استهلاك البنزين تكيفها جامد وقطع الغيار موجودة ورخيصة مقارنة بى البولو وبى التوفيقptmnlo123per1127 |
رد: فولكس بولو 2001 1000cc بس!!؟؟
لا طبعا دول عاملين المحرك دة بالسعة لشخص بيستخدم السيارة داخل مدن مذحمة لتوفير فى الوقود كامل الاول طبعا على حساب العزم والقوة والتسارع والاداء يعنى بمختصر الكلام بس طبعا لو انت بتستخدم العربية داخل مدن مكتظة ومذحمة ولا حاجة لك بالسفر او طرق سريعة فلن تشعر بالفرق والخيار لك مع ملاحظة مفيش حاجة اسمها المانى ومش المانى انت عايز اية معطياتك اية متطلباتك فى الحياه مش شرط يعنى المانى يعنى ملائم وشكرا جزيلا
|
رد: فولكس بولو 2001 1000cc بس!!؟؟
يا جماعه الموتور ال 1000 ده مش مكنه جباره بس هو محرك بتاع مدن و موفر للبنزين جدا و برضه يعتمد عليه لو حافظت علي صيانته انما فرق شاسع بينه و بين ال 1400 مثلا ال 1400 ده رزع فيه براحتك هيستحملك انما ال 1000 بطبيعته موتور صغير و ضعيف مش قوي !!
و البولو تشيل معاك لحد 2000 سي سي مش هتقول لا يعني مش عشان نازله 1000 يبقي متشلش غيره و لو مش عاجبك ال 1000 هات مكنتها ال 1400 بفتيسها و سقطهم علي عفشة ال1000 و ضفيرته و هتلاقي تحت رجلك طلقه |
رد: فولكس بولو 2001 1000cc بس!!؟؟
انا مش فاهم يعنى اية 1000 سى سى هو موتوسيكل ؟؟ لا طبعا سيبك منة حتى لو كويس لانة محرك قديم وسعتة محدودة بيتعب بسرعة زمانة خلاص بقى مستهلك لان حتى لو الضغط مش شديد بيكون توزيع الاجهاد علية عالىولك منى فائق الشكر والاحترام
|
رد: فولكس بولو 2001 1000cc بس!!؟؟
سيدي الفاضل مين اللي قال ان البولو 2001 بتسخن دا كلام فاضي مع كامل احترامي لحضرتك العربية ما شاء الله عمرها ما سخنت معايا واكيد حضرتك بتتكلم علي عربيات هلكانة ومتهانة لان صعب جدا في ماتور البولو 2001 علي وجه التحديد والتكنولوجيا العالية الموجودة فيه بالرغم من انه 1000 سي سي انه يحصل الكلام فيه الكلام دا وانا اتحدي اي حد بالكلام دا دي عريبة الماني شركة فولكس واجن مش كوري والكلام الفاضي مفيش حاجة اسمها ماتور صغير عندهم يبقي بتسخن وجوان والفيلم دا وانا بقول الكلام دا لان الاخ عايز يشتري فلازم نكلمه بأمانة علي تجربة شخصية مش نقول ناس بتقول وسمعنا والكلام دا
|
| الساعة الآن 08:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017