مصر موتورز مجتمع السيارات - أنواع المطبات بمصر

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - أنواع المطبات بمصر (https://www.masrmotors.com/vb/showthread.php?t=21652)

رد: أنواع المطبات بمصر

طريق المنصورة دمياط عليه مطبات كتير اوى بس مش دى المشكلة المشكلة انها بدون اى علامات تحزيرية يعنى لو حد ماشى عليه بالليل هيتكيف

رد: أنواع المطبات بمصر

اقتباس:

المشاركة الأصلية كتبت بواسطة mohamedsaleh (المشاركة 151021)

معظم مطبات مصر بدون علامات تحذيرية لأنها فخاخ وشراك وألغام وأوعى وشك

رد: أنواع المطبات بمصر

اقتباس:

المشاركة الأصلية كتبت بواسطة خالدخليفة (المشاركة 145041)

ياباشا سعادتك نسيت تقول نوع مهم من المطبات وهو موجود بميت غمر فقط ولم اراه فى غيرها وواضح طبعا انك مروحتش هنالك
هذا المطب عبارة عن مجموعة مطبات تبدا اولا بمطب رفيع وحاد اسمنتى بعرض الطريق فبمجرد صعوده وعند الهبوط من عليه تحس ان السيارة وقعت من الدور العاشر وبعده بمسافة لاتزيد عن النص متر مجموعة من المقبات وهيا كل واحد منها شبه وفى حجم الرغيف الشمسى عندنا فى الصعيد ولمن لايعرف الرغيف الشمسى فهو شبه خوذة الجندى فى المعركة لكنه اكبر قليلا وهذه المقيات او الارغفة منتشرة بعرض الشارع صفوف متعاكسة بحييث لاتستطيع تفاديها لمسافة حوالى 5 متر ثم تنتهى بمطب رفيع وحاد مثل الاول
طيب ده بيعمل ايه فى العربية
هذة المجوعة تجعل السيارة ترقص وانت ترقص بداخلها حتى تنتهى من الطبات وعلى قدر معلوماتى البسيطة فلسفة المطب الصناعى هى تهدئة السرعة عند المدن واماكن تجمعات الناس والمدارس وغيره فما قيمة الرقص الا اذا كانت هذه فكرة نجوى فؤاد او سهير زكى او دينا او فيفى عبده او غيرهم من استاذات هذا الفن

المطب دا شفته يا خالد باشا
علي طريق ميت غمر الزقازيق و قبل ما تحصل فتحه سنتماي و ديرب نجم
و رغم اني عارف مكانه الا اني بنخدع فيه لو مش واخد باليptmnlo123per111

رد: أنواع المطبات بمصر

و فيه نوع كمان لذيذ اوي و هو المطب الطولي يعني بطول الطريق مش بعرضه و ده بيكون ناتج عن عربيات النقل الثقيل من كتر مابتعدي الكاوتشات بتاعتها بتعمل حفر عميقه طوليه في الطريق و لو انت مش واخد بالك او الدنيا ليل ممكن تقع في واحد منه و المصيبه هنا ان اي مطب كبير صغير اهه بيعدي اما هذا الملعون فالعربيه بتتحك طوليا و لو كنت ماشي بسرعة يا باشا هتتروق يعني هتتروق

رد: أنواع المطبات بمصر

اقتباس:

المشاركة الأصلية كتبت بواسطة hazem_khidr (المشاركة 151051)

اقوللك تعمل ايه قبل المطب ب50 متر بيبقى فيه علامة تعجب كبيرة زى دى( !) حطاها الحكومة على يمين الطريق تفهم ان فى مطب على بعد 50 متر الا لو كان مطب عمولة يعنى عاملينه الاهالى ده بقى كنت بعلمه باى علامة على الطريق وبتبقى عينى سابقة العربية بمسافة ولو شكيت فى اى حاجة بنزل السرعة و فى كل الاحوال السرعة مبزودهاش عن 90 طالما طريق مش عارفه علشان الحق الم نفسى قبل المطب طبعا لان عربيتى نيسان صنى ف 90 بالنسبة لى سرعة عادية لكن العربيات الصغيرة شوية زى الفيرنا واللانوس وال131 وال128 مثلا يعنى ميزودوش عن 70 او 80 لان المطبات اللى هناك دى بشعة انا من عادتى اجرى بسرعة فلما حفظت طريق المنصورة بنها بقيت ازود شوية لحد موصلت الى 130 و140 وف يوم بجرى ولقيت عربية شاهين طلعتلى مش عارف منين ومصر يسابقنى وانا مبعترفش بالسباقات دى اللا لو واحد افترى على واحد كسر عليه خوفه ضايقه ممكن اجرى وراه والاعبه شوية علشان يحرم يخوف البنى ادمين المهم لقيت الشاهين بتجرى والمطب ده قرب انا هديت لانى عارفة والباشا اكل المطب وطاااااار لفووووق حوالى متر وشوية ونزل على الارض ترااااخ قلت حسبى الله ونعم الوكيل فى اللى عامليين المطبات دى

رد: أنواع المطبات بمصر

فيه بقى مرض اسمه سراب المطب
وده مرض نفسي بييجي للي بيسوق على طريق متغير المطبات باستمرار زي طريق الصعيد الزراعي وده بيحتوي على 68 مطب متنوع في المسافة بين الجيزة لبني سويف يعني تقريبا 108 كيلو والمطبات دي بتغير في أماكنها وأحجامها باستمرا

مرض سراب المطبات وده جالي هو انك بتشك في أي حاجة أنها تكون مطب والأشهر ظل النخلة وأهدي جدا والعربيات تهدي ولما تقرب تكتشف أن مفيش حاجة

وربنا يشفي كل مريض

رد: أنواع المطبات بمصر

انى بارجو الحاج عرابى يشيل المطب ال قدام بيتة ينوبة ثواب فى الناس الماشية على رجليها