رد: الإكسل بستهلك بنزين حد عارف
 

انا عارف انى مش حفيد كتير بس استهلاك بنزين ال 80 اكثر من ال 90 و بس مش للدرجة دى
و لو كل حاجة اتظبطت (كهرباء ، كاربيريتور ، اكس و باب ، تاكيهات ، فلتر هواء ......) و لسة الاستهلاك عالى فيبقى جرب تغير طريقة السواقة
1- انقل بدرى
2- ثبت سرعتك بقدر الامكان
3- متشدش كتير
4- متفرملش على القد
5- اظبط الكاوتش (ضغط و زوايا)
6- شيل الحاجات الى ملهاش لازمة فى العربية
7- نضف ريش الرادياتر بالهواء من برة


وحاجات تانية كتيير اكتبت قبل كده

رد: الإكسل بستهلك بنزين حد عارف
 

السلام عليكم روحمه الله وبركاته
اولا متخلوش اي حد يلعب في الكاربيراتير
يعني مش اي ميكانيكي يقولك اظبطهولك تقوله امين
ثانيا في عوامل كتير لاستهلاك البنزين منها حاله الموتور والحموله في السياره عدم ظبط الكهرباء لكن العامل الاهم هو الكاربيراتير


نصيحه مني ليكم في مركز في مساكن الفاروقيه بعد الحرفيين اسمه مركز الصفا متخصص في الكاربيراتير والانجكشن وبس

روحوا هناك وها هيظبطو الكاربيراتير تمام وهيديك ضمان اسبوعين على الصيانه
هما مغلوانيه شويه بس هتنسى الكاربيراتير خالص والكلام ده عن تجربه في الاكسيل

رد: الإكسل بستهلك بنزين حد عارف
 

رد: الإكسل بستهلك بنزين حد عارف
 

هما هيضيعوا منك اليوم لان بيقولك سيبني ساعتين من اول مايستلم منك العربيه لكن اساتذه بمعنى الكلمه

رد: الإكسل بستهلك بنزين حد عارف
 

7- نضف ريش الرادياتر بالهواء من برة


وحاجات تانية كتيير اكتبت قبل كده[/quote]

معنى كدا ان سخونية الموتور كل ما تزيد تستهلك بنزين اكتر

رد: الإكسل بستهلك بنزين حد عارف
 

معنى كدا ان سخونية الموتور كل ما تزيد تستهلك بنزين اكتر[/quote]

بس مش للدرجة الى مكتوبة انا بس كنت بحاول ادى نصائح عامة بس الاعضاء الى كتبت الردود الخاصة باصلاح الكاربريتور ردودهم اكثر اقناعا لان الاستهلاك لما يكون عالى بالشكل ده يبقى فعلا تشك فى الكاربريتور

بس فعلا نضافة ريش الرادياتير او سلامة نظام التبريد عامة بيضمن الاداء الامثل للعربية الى بالتالى حينعكس على استهلاك البنزين
يعنى لو فى خلل ادى الى ارتفاع درجة الحرارة عن المعدل الطبيعى طبعا العربية هتستهلك بنزين اكتر
برضه العكس صحيح يعنى لو فى خلل او تعديل بدون داعى ( فك كوعة الميه - تغيير الرادياتير باخر اقوى ) ادى الى برودة ازيد من اللازم برضه استهلاك البنزين حيزيد لان الاحتراق مش حيبقى كامل + الزيت مش حيؤدى وظيفته بكفائة مما يؤثر على عمر الماتور + العربية ادائها حيبقى اقل من الطبيعى

رد: الإكسل بستهلك بنزين حد عارف
 

انا معايا عربية اكسيل موديل 96 عادية 1300 سى سى مش باور كنت عاوز اعدلها علشان يبقى الدركسيون باور ممكن حد يقولى ينفع ولا لا وكنت عاوز عرف اية الحاجات اللى مطلوب اشتريها وثمنها تقريبا للاستيراد والجديد لا مانع وشكرا جزيلا انا عضوجديد