رد: ما هى قصتك مع اول سياره تسوقها " اعترف"
 

أول سيارة كانت سيارة والدي متسوبيشي جالنت موديل 1978 في السعودية وفاكر إني كنت ساعتها في ثالثة إعدادي أو أول ثانوي وهو اللي طلب مني إنه يعلمني السواقة وفعلا في خلال 15 ساعة قولتله هاتني مكانك وطلعت بالعربية وكانت أول وآخر طلعه لأني مشفتهاش تاني بعد ما اقتحمت بوشها باب البيت !!!!!!!!!!!!!!!!!!!!!!!!! !!!!!!!!!!!

رد: ما هى قصتك مع اول سياره تسوقها " اعترف"
 

بيتهيألي 1988
انت مش عجوز قوي كده يا سولومptmnlo123per1127

رد: ما هى قصتك مع اول سياره تسوقها " اعترف"
 

العربية يا إسلام هي اللي موديل 78 مش أنا اللي موديل 78 !!!!!!!!!!!!!

رد: ما هى قصتك مع اول سياره تسوقها " اعترف"
 

ptmnlo123per155معلش يابني
العتب علي النظرptmnlo123per144ptmnlo123p er1125

رد: ما هى قصتك مع اول سياره تسوقها " اعترف"
 

انا بقي اول عربية سقتها في حياتي كانت الابيزا بتاعتنا ابيزا 94 و سقتها في الساحل الشمالي في مراقيه تحديدا
و اتعلمت ساعتها السواقة التاتا تاتا هههههه و في شرم الشيخ لما سافرنا بيها جريت بيها لاول مرة علي سرعة 100
و بعد كده في 2 و 3 ثانوي اتعلمت السواقة في الشوراع و اتقنتها و ده كان علي ايد والدتي والدي بقي استلمني بعدها اولي و تانية جامعة و علمني شقلباظات الشوارع و الجرأة في السواقة و الجري معاه جريت بيها 140
و انا لوحدي جبت اخرها 170 :D:D
تاني عربية سقتها اكسنت 2001 1300 سي سي حسيت اني راكب عجلة جنب الابيزا عربية خفيفة جدا
تالت عربية فرونتيرا 3200 سي سي غوووووووووووووووووووووووو وووووووووووووووووووووول
وسقت لانوس و شاهين و ابيزا 2000 1400 سي سي و ابيز 94 مقلوبة هاف انجكشن و ابيزا 94 عادية و المرسيدس 280 بتاعتنا ملهاش حل و عربيات تانية بس مش فاكرها اصلهم كتير:D:D

رد: ما هى قصتك مع اول سياره تسوقها " اعترف"
 

انا اول سياره سوقتها كانت سيارة والدى فيات 132 وده كان سنة1985 وكان اجمل لحظات حياتى عندما كنت اركبها واسوقها لأنها كانت هوايتى من الصغر

رد: ما هى قصتك مع اول سياره تسوقها " اعترف"
 

انا بقا كنت فاليمن تانيه ثانوى وهناك كان اللى معاه عربيه بدون رخصه كان يروح ساحة وياجرها للشباب الصغيرين واناولله الحمد كنت بضيع كل فلوسى هناك وبعدين لما رجعت مصر خالى اتبرع لى ببيتل 1984 شريطه الحفاظ عليها ولكن للاسف معرفتش قيمتها واللى يجى سهل يروح سهل المهم بعض الزملاء لعبو فى نفوخى دى 2باب دى ضيقه دى دى المهم استلمنى واحد نصاب وخدها منى وادانى128 موديل 82 وكمان دفعتلة 4 الاف جنيه ونظرا لعدم خبرتى ايامها طلعت العربيه مضروبه كلها برومه والماتور مفوت وحالتها حاله حاولت ابعها مطلعتش رحت مديهى لصنايعى اخد منى 5500 وظبتهالى مشيت بيها سنتين وبعتها من كام شهر ب16 الف وحمدت ربنا انى خلصت منها ودلوقتى اشتريت اكسنت 2005 وربنا عوض صبرى خير بس دى مرحله وان شاء الله واخش عالزيرو