رد: ماهي افضل سياره في حدود 80 الف جنيه؟
 

بص يا سيدي ... أنا كنت عامل موضوع زيك بالظبط:
http://www.masrmotors.com/vb/showthread.php?t=18795
وكنت في نفس حيرتك وطالب عربية بنفس المواصفات بتاعتك بالظبط ، ورأيي الشخصي الي كونته بعد ما قريت مشاركات الناس ولفيت كتير في المنتدى وفي مواقع عربيات وسألت التوكيلات ، أقولك إن أحسن عربية في التمن ده هي النيو أكسنت 2010 سواء كانت العادية أو السبور ، بس شخصياً أنا خلاص توكلت على الله وبدأت اجراءات التعاقد على النيو أكسنت سبور وربنا يتممها على خير استلامها وإنهاء التعاقد كمان أسبوعين تلاتة إن شاء الله ...


طبعاً ده لو بتفكر في الزيرو ، إنما لو بتفكر تجيب مستعمل في كتير أوي عربيات حلوة مستعمل ، فكر في اللانسر أو التويوتا بأنواعها والألماني بردو حسب الموديل والحالة الأحسن فيهم ... بس نصيحة أخوية خليك في الزيرو أضمن لو زي ما إنت بتقول عايزها لمدة 10 سنين قدام ومش عايز تصرف عليها كتير ...

رد: ماهي افضل سياره في حدود 80 الف جنيه؟
 

نصيحة لك يا أخي حاول تزود 4 الاف جنيه فقط وهات الصني فيها كل المواصفات اللي طلبتها وياباني وقطع غيارها معقولة وزيرو بتعمل 84 دلوقت بعد مانزل عليها تخفيض وفي معارض بتبيع كاش ب 83 كمان

رد: ماهي افضل سياره في حدود 80 الف جنيه؟
 

ياجماعة فى موديلين كمان هايلين جدا ومش واخدين حقهم فى مصر مش عارف ليه
كيا ريو
جين 2

رد: ماهي افضل سياره في حدود 80 الف جنيه؟
 

انا شايف ان الافضل لك على الترتيب
هيونداى نيو اكسنت
شيفروليه لانوس
دى من وجهه نظرى

رد: ماهي افضل سياره في حدود 80 الف جنيه؟
 

اعتقد عشان المقارنه تكون واقعيه ، يبقى نحدد الموديلات طبقا لشريحة السعر - مثلا :
- من 60 : 70 الف : يوجد لانوس & فيرنا
- من 75 : 80 الف : نيو اكسنت & كيا ريو
- من 80 : 85 الف : صنى & جين تو & يارس

رد: ماهي افضل سياره في حدود 80 الف جنيه؟
 

لا الياريس تبع تيوتا ودلوقتي كلو بيقلك ابعد عن تيوتا بعد العيوب الي ظهرت فيها
والجين 2 حلوه بس اسمع ان صوت الموتور عالي اوي وانا مبحبش كده خالص انا اهم حاجه عندي الهدوء وكمان فيها شويه عيوب في التقفيل
انا شايف النيو اكسنت سبورت حلوه بس عايز اسال على حاجه هل ارتفاعها عن الارض كويس عشان المطبات بتاعتنا ده وايه احسن لون فيها واخبار صوت الموتور فيها ايه وهل القعده فيها مريحه وشكرا لكل الي شاركو في الموضوع ده وساعدوني على الاختيار

رد: ماهي افضل سياره في حدود 80 الف جنيه؟
 

يامان النيو اكسنت هي احسن اختياااااااااااااااار
العربية دي حتضرب في مصر بكشل رهيييييييييييب لانها فعلا تستاهل

ويكفي انها لو تلاحظ مبيعاتها كترت جدا اليومين دول ومتوقع ارتفاع سعرها بسبب الاقبال الشديد

ومع ذلك انا رأيي ان مفيش فرق بين العادية والسبور وال 2000 جنيه الفرق انت اولى بيهم