رد: أوبشنز غير موجوده فى التيدا
 

الثبات انت بتحسى بيه بعد 120 او قبل كده على ال100 بتحسى ان العربيه خفيفه على الطريق واى حاجه بتخليها تتمرجح على الطريق وكمان الباور بتاعها خفيف اوى وده هايخليكى ماتتحكميش فيها اوى وده رايى طبعا

رد: أوبشنز غير موجوده فى التيدا
 

رد: أوبشنز غير موجوده فى التيدا
 

ثبات العربية وحش جدا ركبتها فين بالضبط في الحلم ولا العلم .
أولا حضرتك العربية رائعة بكافة المقاييس , انا لسه شاري العربية ده حوالي شهر وبجد الحمدلله احمدك يارب عربية رائعة بكافة المقاييس واوبشن اعتقد فيه كل حاجة يعني اللي حضرتك بتقولي علييه رفاهيات زيادة عن اللزوم يعني عدم وجودها مالوش تأثير

حاليا دالوقتي أعتقد مش هتلاقي 2009 وكل الموجود 2010 ومفيش فرق بين موديل 2009 و 2010 نفس الشكل والمواصفات والكماليات الفرق فقط في سنة الموديل .

السعر حاليا للهاتش باك حوالي 128.000 جنيه ، وحسب معلوماتي المتواضعة ان الهاتش باك بتنزل هاي لاين (upper) وبالنسبة للسيدان في (lower) مانيوال واوتوماتيك
المانيوال سعرها 110.000 جنيه والاتوماتيك 115.000 جنيه

بالنسبة للموديل السيدان (upper) سعرها 128.000 جنيه

وبالنسبة للمواصفات هي كالتالي :

- باور ستيرنج كهرباء مش زيت
- abs و ebd
- 2 ايرباج (upper)
- 1 ايرباج للسائق (lower)
- 2 مسند يد واحد امامي وواحد خلفي (upper)
- فوج لايت (upper)
- جنوط سبور 15 متوفر في (upper)
- مفتاح مشفر لمنع ادارة المحرك من غير المفتاح الرئيسي لها
- ريموت كنترول لفتح العربية من على بعد - (upper) و (lower)
- مزودة بي جهاز انذار (upper)
- راديو سي دي (mp3 ,wma)مبدل اسطوانات حتى 6 اسطوانات وفتحةaux
(upper)
- راديوا سي دي(mp3 ,wma) مع فتحة (aux) الموديل (lower)
- 6 سماعات (upper)
- 4 سماعات (lower)
- مكيف هواء اوتوماتيك (upper)
- مكيف هواء 4 سرعات (lower)
- كونسول سقفي مع مصابيح قراءة ومكان لتخزين النظارة (upper)
- التابلوه مطعم بالالومنيوم
- سنتر لوك
- 4 زجاج كهرباء
- طارة ملتي فانكشن (upper)
- عجلة قيادة مكسوة بالجلد الطبيعي (upper)
- عجلة قيادة قابلة للتعديل
- مراه كهربائية جانبية
- مبين عداد وقود رقمي
- مبين عداد رحلات TRIP A , TRIP B
- مساحات مطر بسرعات متقطعة
- مصباح فرامل خلفي علوي
- مزيل ضباب للزجاج الخلفي
- زجاج ملون
- فتح خزان الوقود من الداخل<!-- google_ad_section_end -->

وعربية Made in Japan توكلي على الله وهاتيها ومش هتندمي عليها وبلاش تلتفتي لكلام الفتايين زي ما بيقولوا واسألي اللي معاهم العربية .

زائد موضوع الباور ستيرنج ده من أجمل ما يمكن فيها باور كهرباء خفيف على السرعة البطيئة وتقيل على السرعات العالية بيحسسك بثبات العربية بشكل غير طبيعي والله على ما اقول شهيد .

رد: أوبشنز غير موجوده فى التيدا
 

[quote=medo76;130582]ثبات العربية وحش جدا ركبتها فين بالضبط في الحلم ولا العلم .
أولا حضرتك العربية رائعة بكافة المقاييس , انا لسه شاري العربية ده حوالي شهر وبجد الحمدلله احمدك يارب عربية رائعة بكافة المقاييس واوبشن اعتقد فيه كل حاجة يعني اللي حضرتك بتقولي علييه رفاهيات زيادة عن اللزوم يعني عدم وجودها مالوش تأثير

الاستاذ ميدو انا قلت رايى الشخصى عن تجربه شخصيه وقلت كمان انى مش بكره الناس فى العربيه وكل واحد له رأيه ولكنى لم اكن احلم واعتقد الرد لا يكون بمثل هذه الطريق ولا هو حكر على احد
انا ركبت العربيه وما زلت اركبها فانا مهندس واعمل فى الخليج وهى معى موديل 2009 ولكن حكمى مش نهائى لسيادتك وراى حضرتك فوق الجميع

رد: أوبشنز غير موجوده فى التيدا
 

ميدو باشا كمان كاتب بلاش تسمعى كلام الفتايين يعنى هو حضرتك بس اللى بتفهم عموما شكرا على ذوق حضرتك

رد: أوبشنز غير موجوده فى التيدا
 

انا اسف وبعتذر لحضرتك بس بجد حضرتك اول واحد تعيب في العربية انا فضلت اكتر من سنة اعمل مقارنات بين كذا عربية لغاية ما توصلت للتيدا واستخرت وتوكلت على الله واشتريت العربية والحمدلله كانت عند حسن ظني وكمان معظم رأي الاخوة مالكي العربية ده بالذات .

انا للمرة التانية بعتذر لحضرتك وكلامك فوق دماغي بس ممكن تكون العربية اللي انت ركبتها كان فيها حاجة مش مضبوطة

رد: أوبشنز غير موجوده فى التيدا
 

استاذ ميدو مفيش مشكله لان الهدف من المشاركات ان كل واحد يقول رأيه واللى سأل على الموضوع يستفيد وفى الاخر هو هايقول رايه. انا العربيه اللى ركبتها جديده بس وارد طبعا ان يكون فيها عيب لأان مش انا اللى حسيت بالموضوع ده لوحدى وكل اللى جربها قال نفس الكلام وعموما انا اعتقد ان عربيات الخليج ممكن تكون مختلفه عن مصر وانا بقول كده لأنى ركبت الصنى فى الخليج ولقيتها مختلفه فعلا عن الصنى بتاعتى فى مصر.
وطبعا هى فى الاول والاخر يابانى وانا بحب النيسان بصفه عامه