رد: اللى عنده النترا 2010 يفيدنا
 

يا لول ايه حكايه الباور الكهربا دا - يعنى لو حصل مشكله فى الكهربا والواحد ماشى ميشتغلش ولا ايه !!!!!

رد: اللى عنده النترا 2010 يفيدنا
 

لا يمكن طبعا لانه لوجيك العربيه بتشيك على كل حاجه اول ناتفتح كونتاكت وكمان زى لمبه الحراره بيتكتب سيستم الباور esp يعنى لو فيه حاجه هاتعرفها على طول
وبعدين سيبك انت الباور ده مجرم فى الركن العربيه كانت واقفه مره ودايره ونورا بنتى 7 سنين حركته بصباعها
بصراحه عليها ركنه فى الزاويه الضيقه ولا ابو تريكه

رد: اللى عنده النترا 2010 يفيدنا
 

ربنا يبارك لك فيها ويحفظها وتعيش نورا وتركنها بنفسها

رد: اللى عنده النترا 2010 يفيدنا
 

ممكن سؤال لحضرتك انا روحت عند سمير ريان انا اختيارى كان متحيز بين السيراتو والالنترا بس انا شوفت الاثنين لقيت اول فائه فى السيراتو فقيره حتى الكاسيت اوديو وعامله 95000 وخاليجى وحسيت السيراتو فيها لعب كتير بالنسبه ليها فئات كتيره شوفت الالنترا اول فئه بصراحه احسن من السيراتو بكتير والعرض بتاع غبور كويس المهم انا طولت على حضرتك دولقتى انا روحت عشان اجيب العربيه انا هجبها قسط المهم اول مره المندوب قالى 89000قالى تامين2800 -ومصاريف اداريه650-قلت كويس المهم واحد صاحبى قالى روح لمدام رانيا وهيه تعمل معاك الواجب المهم لما روحت عشان عرض السعر قابلت المدام رانيا كتبت عرض السعر89900-قلتلها ازاى مش فيه الف نازل قالت اه يبقى 8900الف وهسبللك من عندى كمان250 قلتلها بصراحه انت تمام المهم لقيت كاتبه تامين3050-ومصاريف اداريه700المهم قولتلها ازاى انا معايه سعر من الاستاذ اسامه غير كده التامين عالى قالت ورينى كده قالت لا فى غلطه المهم انا عايز اعرف من حضرتك لوجايب قسط ياريت قولى مصاريف اداريه وتامين كام ولك جزيل الشكر واشمعنا هيه رفعت سعر التامين والمصاريف الاداريه اسف عللى الاطاله ومبروك عليك العربيه ويكفيك شرها ويبعد عنك عيون الناس وعقبالنه وعلى فكره مكتنعتش اكتر بالعربيه الا من موضوع حضرتك مشككككككككككككككككككككككك ككككككككككككككور

رد: اللى عنده النترا 2010 يفيدنا
 

الف مبروك مقدما
لو حضرتك قاصدنى انا ....العربيه الالنترا انا شاريها من عند سمير ريان كاش وموضوع المصاريف الاداريه وكده ماحدش طبعا فتح سيرته معايا لان العربيه كاش
كذلك الحال بالنسبه للتاامين معملتوش خالص
انا كنت زيك يالضبط ولما شفت السيراتو الفئه الاولى والالنترا اقتنعت برضه باالانترا والحمد لله عربيه ممتعه
بص سمبر ريان محترم جدا ومهما حصل من تضارب بين الامندوبين اللى عنده فى الامصاريف الاداريه فبرضه انت لو هاتروح معارض تانيه هاتشوف العجب منهم

لو حد من الاخوه هنا اشترى من عندهم قسط ياريت يفيدك ومبروك ياباشا العربيه مقدما

رد: اللى عنده النترا 2010 يفيدنا
 

طبعا اقصد حضرتك انا بشكر حضرتك على الرد الجميل ويحميك انا عاوزمنك سؤال دلوقتى انا جالى رفض من البنك الوطنى للتنميه الحمد الله على كل شى اتصلت بمدام رنيا قالت تعاله هحولك على بنك تانى فى العاشر من رمضان المهم فى قناه فى التليفزيون اسمها اوتوموتو بيجى اعلان عن معرض اسمه فور برازر فى مدينه نصر عامر عروض بتيجى فى الاعلان سنه ترخيص مجانا وهدايه المهم سالت على سعر العربيه قالى 89900 قولتله مفيش تخفيض عند سمير ريان منزل فى سعرها 1000+250من سعرها ومعايه عرض السعر قالى جبهولى وهنزلك اكتر من سمير ريان قالى ابعتلى الورق بتاعك على فاكس وهابعتلك مندوب استعلام بنكى انت رئيك ايه فعلا ممكن ينزل اكتر من سمير ولا اشتغاله انا بعت الورق الموظف جاى بعد بكره طيب انشاء الله لو اخذت الموافقه بالنسبه للسعر ل اتفق معاه قبل مايجى بتاع البنك واسف على الاطاله على حضرتك وياريت عرفنى سعر العربيه والنهائى بتعها كام وللك جزيل الشكر

رد: اللى عنده النترا 2010 يفيدنا
 

بصراحه فور براذرز معرفهمش لكن سمير ريان انا اشتريت من عنده بس بعد معملت زيك بالضبط كنت عاوز احسن سعر فلفيت كتير وشفت معارض كتير
بصراحه استريحتلهم عند سمير ريان وعملت صلاه استخاره وربنا وفقنى معاهم
وبعدين سمعته جامده قوى فى السوق ومحترم
سعر العربيه كان فى فتره خصم من غبور على الالنترا المانيوال كان ب 89900 لما انا تصلت بيهم اول مره مدام .........بدون ذكر اسمها قالتلى وهاعملك خصم الف جنيه من عندنا يبقى 88900
لما رحتلهم مكانتش موجوده اترجونى ماقلش اسمها علشان سمير ريان ممكن يرفدها ومدير المبيعات هناك قاللى هانزلك 500 وافقت واخدتها على 89500
اكتر معرض شفت ناس عنده بتشترى وبتتعاقد هو سمير ريان عشان كده اطمنت وفعلا طلعوا ناس كويسين

انا من رايى ياصاحبى خليك فى المضمون احسن
ومتنساش صلاه الاستخاره